શાહરૂખની ‘પઠાણ’ ‘બાહુબલી 2’ને પછાડી સૌથી વધુ કમાણી કરનારી ફિલ્મ બની
બોલીવુડ કિંગ શાહરુખ ખાનની પઠાણ બોક્સ ઓફિસ પર ધૂમ મચાવી રહી છે. એક બાદ એક તેને અનેક મોટી ફિલ્મોના રેકોર્ડ તોડી રહી છે. ત્યારે હવે પઠાણે બોક્સ ઓફિસ પર પ્રભાસની ફિલ્મ ‘બાહુબલી 2’નો રેકોર્ડ પણ તોડી નાખ્યો છે. ડાયરેક્ટર સિદ્ધાર્થ આનંદે પોતે ટ્વીટ કરીને આ જાણકારી આપી છે.
પઠાણે બાહુબલીનો રેકોર્ડ તોડ્યો
અભિનેતા શાહરૂખ ખાને ફિલ્મ ‘પઠાણ’ દ્વારા સાબિત કરી દીધું છે કે તે બોલિવૂડનો બાદશાહ છે. હવે પઠાને શાહરૂખ ખાન, દીપિકા પાદુકોણ અને જ્હોન અબ્રાહમ સ્ટારર આ ફિલ્મે પ્રભાસની બ્લોકબસ્ટર ફિલ્મ ‘બાહુબલી 2’નો રેકોર્ડ તોડી નાખ્યો છે. ડાયરેક્ટર સિદ્ધાર્થ આનંદે પોતે ટ્વીટ કરીને આ જાણકારી આપી હતી.
Crossed The Lifetime Collections Of #Baahubali2 In Hindi.
Proud Moment For Me…!!!
Once Again Thanks To All The Audience Who Encouraged The Film????. #Pathaan pic.twitter.com/82zABOp4ar— Siddharth Anand (@_Sidharth_anand) March 3, 2023
‘પઠાણ’ વિશે પોતાની ખુશી વ્યક્ત કરતા સિદ્ધાર્થ આનંદે લખ્યું, “પઠાણે ‘બાહુબલી 2’ના હિન્દી વર્ઝનના આજીવન કલેક્શનને તોડી નાખ્યું છે. મારા માટે આ ખૂબ ગર્વની ક્ષણ છે. ફરી એક દર્શકોનો આભાર જેમને આ ફિલ્મને આટલો પ્રેમ આપ્યો.
જાણો કેટલુ મેળવ્યું કલેક્શન
તમને જણાવી દઈએ કે પ્રભાસ, રાણા દગ્ગુબાતી, અનુષ્કા શેટ્ટી અને રામ્યા કૃષ્ણન સ્ટારની ફિલ્મ ‘બાહુબલી 2’ના હિન્દી વર્ઝનએ બોક્સ ઓફિસ પર લગભગ 511 કરોડ રૂપિયાની કમાણી કરી હતી, જ્યારે ‘પઠાણ’એ તેની રિલીઝના 38માં દિવસે શાનદાર પ્રદર્શન કર્યું હતું. ઓફિસમાં લગભગ 70 લાખ રૂપિયા કમાયા. તરણ આદર્શ અનુસાર, ‘પઠાણ’એ બોક્સ ઓફિસ પર અત્યાર સુધીમાં 510.65 કરોડ રૂપિયાનું કલેક્શન કર્યું છે.આ માહિતી આપતાં સિદ્ધાર્થ આનંદે કહ્યું કે શાહરૂખ ખાનની ફિલ્મે 511 કરોડનો આંકડો પાર કરી લીધો છે. પઠાણની આ સફળતાથી શાહરૂખ ખાનના ચાહકો ખૂબ જ ઉત્સાહિત છે અને તેઓ કિંગ ખાનને ઉગ્રતાથી અભિનંદન આપી રહ્યા છે.
આ પણ વાંચો : ગામ્બિયામાં બાળકોના મૃત્યુ અને ભારતમાં બનેલી કફ સિરપને લઈને CDCનો ચોંકાવનારો રિપોર્ટ
