શાહરૂખના જવાન ટ્રેલરે દુબઈના બુર્જ ખલીફા પર ખળભળાટ મચાવી દીધો, ‘જવાન’ 7 સપ્ટેમ્બરે થશે રિલીઝ

શાહરૂખ ખાનની ‘જવાન’નું ટ્રેલર લોન્ચ થતાની સાથે જ સોશિયલ મીડિયા પર વાયરલ થઈ રહ્યું છે. હવે દુબઈના બુર્જ ખલીફા પર જવાનનું ટ્રેલર જોઈને ચાહકો પાગલ થઈ રહ્યા છે. આ કાર્યક્રમમાં ‘જવાન’ના ગીત ‘ચલેયા’નું અરબી વર્ઝન પણ લોન્ચ કરવામાં આવ્યું હતું.ભારતમાં હલચલ મચાવ્યા બાદ હવે શાહરુખ ખાનની ફિલ્મ ‘જવાન’નું દમદાર ટ્રેલર દુબઈના બુર્જ ખલીફા ખાતે લોન્ચ કરવામાં આવ્યું છે.

કિંગ ખાનના હજારો ચાહકો દુબઈમાં તેની એક ઝલક મેળવવા માટે ઉત્સુક જોવા મળ્યા હતા. જવાનના ટ્રેલર લોન્ચ ઈવેન્ટમાં 20 હજારથી વધુ ફેન્સ હાજર હતા, બુર્જ ખલીફા પર કિંગ ખાનને જોઈને ચાહકો દિવાના થઈ ગયા હતા. ટ્રેલર સિવાય આ ઈવેન્ટમાં શાહરૂખ ખાનના જવાનના ગીત ‘ચલેયા’નું અરબી વર્ઝન પણ લોન્ચ કરવામાં આવ્યું હતું.શાહરૂખ ખાને ચેન્નાઈમાં પ્રી-રીલીઝ ઈવેન્ટ પછી 20000 થી વધુ ચાહકો સાથે બુર્જ ખલીફા ખાતે જવાનનું ટ્રેલર લોન્ચ કર્યું. બુર્જ ખલીફા પર જવાનનું ટ્રેલર જોઈને ચાહકો ચોંકી ગયા હતા. દમદાર ટ્રેલર જોઈને શાહરૂખ ખાનના હજારો ચાહકો ચીસો પાડવા લાગ્યા હતા.

Awwwww !!!!

Fantastic 🔥🔥#BurjKhalifa #JawanTrailer 🔥💖#ShahRukhKhan #Jawan #JawanCelebrationAtBurjKhalifapic.twitter.com/Xwx3BhC3za

— 𝐕𝐞𝐞𝐫 𝐤𝐢 𝐙𝐚𝐚𝐫𝐚✨️ (@SRKsSairaa) August 31, 2023

જવાનનું ટ્રેલર બુર્જ ખલીફા ખાતે સવારે 10:30 અને રાત્રે 9:00 વાગ્યે GST પર લોન્ચ કરવામાં આવ્યું હતું.આ સિવાય ફિલ્મના ગીત ‘ચલેયા’નું અરબી વર્ઝન પણ લોન્ચ કરવામાં આવ્યું હતું. શાહરુખે જવાનના પ્રેમાળ મેલોડી ગીત ‘ચલેયા’ પર જોરશોરથી ડાન્સ કર્યો હતો. શાહરૂખ અને નયનતારાની શાનદાર કેમેસ્ટ્રી જોઈને ફેન્સ પણ ડાન્સ કરવા મજબૂર થઈ ગયા હતા. આ ઇવેન્ટમાં કિંગ ખાન પોતે ડાન્સ કરતો જોવા મળ્યો હતો.એક્શન અને એન્ટરટેઈનમેન્ટથી ભરપૂર શાહરૂખ ખાનના જવાનને લઈને ઉત્તેજના ચરમસીમાએ પહોંચી ગઈ છે. હવે ચાહકો ફિલ્મની રિલીઝ ડેટ એટલે કે 7મી સપ્ટેમ્બરની આતુરતાથી રાહ જોઈ રહ્યા છે.

આ પણ વાંચો : Jawan Trailer: શાહરૂખ ખાનની ફિલ્મ ‘જવાન’નું ધમાકેદાર ટ્રેલર રિલીઝ, ફિલ્મ એક્શન અને મનોરંજનથી ભરપૂર