આંખોની સર્જરીની વાતો વચ્ચે મુંબઈમાં સ્ટાઈલિશ અંદાજમાં જોવા મળ્યો શાહરુખ
- શાહરુખને સિદ્ધાર્થ આનંદની પાર્ટીમાં જોઈને લોકો આશ્ચર્યચકિત થઈ ગયા હતા. એટલું જ નહીં શાહરુખ ખાનની સ્ટાઈલિશ એન્ટ્રીએ પણ લોકોનું ધ્યાન ખેંચ્યું હતું
1 ઓગસ્ટ, મુંબઈઃ બોલિવૂડના કિંગ ખાન એટલે કે શાહરુખ ખાનના નામનો ડંકો દેશ વિદેશમાં વાગે છે. છેલ્લા કેટલાક દાયકાઓમાં, તેણે ઘણા પ્રખ્યાત ફિલ્મ નિર્માતાઓ સાથે કામ કર્યું છે અને તેની ફિલ્મોએ કમાલ પણ કર્યો છે. વર્ષ 2023માં રીલીઝ થયેલી તેની સુપર ડુપર હિટ ફિલ્મ ‘પઠાણ’એ બોક્સ ઓફિસ પર જોરદાર કમાણી કરી હતી. આ ફિલ્મનું નિર્દેશન સિદ્ધાર્થ આનંદે કર્યું હતું. આ બંને ખૂબ સારા મિત્રો પણ છે.
સિદ્ધાર્થ આનંદની બર્થડે પાર્ટીમાં પહોંચ્યો કિંગ ખાન
31 જુલાઈએ સિદ્ધાર્થ આનંદે પોતાનો 46મો બર્થડે ઉજવ્યો હતો. આ સમયે એક શાનદાર પાર્ટીનું આયોજન પણ કરવામાં આવ્યું હતું. આ પાર્ટીમાં ઘણા સેલિબ્રીટીઝ પણ જોવા મળ્યા હતા, પરંતુ શાહરૂખ ખાને બધાનું ધ્યાન ખેંચ્યું હતું. તેનું કારણ તેની સાથે જોડાયેલા સમાચાર છે, જેમાં કહેવામાં આવી રહ્યું છે કે તેની આંખોમાં તકલીફ થઈ છે.
View this post on Instagram
બે દિવસ પહેલા અભિનેતા વિશે સમાચાર આવ્યા હતા કે તેની આંખોમાં કોઈ તકલીફ થઈ છે જેના માટે તે આગામી દિવસોમાં સર્જરી માટે વિદેશ રવાના થશે. આવી સ્થિતિમાં, ગઈકાલે રાત્રે શાહરુખને પાર્ટીમાં જોઈને લોકો આશ્ચર્યચકિત થઈ ગયા હતા. એટલું જ નહીં શાહરૂખ ખાનની સ્ટાઈલિશ એન્ટ્રીએ પણ લોકોનું ધ્યાન ખેંચ્યું હતું. પાર્ટીમાં કિંગ ખાન ડાર્ક ચશ્મા પહેરીને શાનદાર લુકમાં પહોંચ્યો હતો. તેની સાથે તેની મેનેજર પૂજા દદલાની પણ જોવા મળી હતી.
View this post on Instagram
સોશિયલ મીડિયા પર કેટલાક વીડિયો સામે આવ્યા છે, જેમાં તે પાર્ટીમાં સામેલ થવા માટે બાંદ્રાની એક રેસ્ટોરાંમાં જતો જોવા મળી રહ્યો છે. શાહરુખ બ્લેક ટી-શર્ટ, મેચિંગ જેકેટ અને બ્લુ ડેનિમ પહેરેલો જોવા મળ્યો હતો. તેણે આંખો પર કાળા ચશ્મા પણ પહેર્યા હતા. તેના હેન્ડસમ લુકને ફેન્સે પસંદ કર્યો છે અને તેના હેલ્થ અપડેટની રાહ જોવાઈ રહી છે.
યુએસ નહીં, મુંબઈમાં કિંગખાનને જોઈ ચાહકો ખુશ
તાજેતરમાં જ મીડિયામાં એવા અહેવાલો આવ્યા હતા કે શાહરુખને આંખમાં મોતિયો આવ્યો છે, તેણે એક આંખની સારવાર ભારતમાં કરાવી છે, પરંતુ અહીં તેને કોઈ સમસ્યા થતા તે બીજી આંખનું ઓપરેશન કરાવવા યુએસ જવાનો છે. રિપોર્ટ અનુસાર, 30 જુલાઈ સુધી તેના જવાના અહેવાલો હતા, પરંતુ મોડી રાત્રે તેને મુંબઈમાં જોઈને ચાહકો ખૂબ જ ખુશ થઈ ગયા હતા.
આ પણ વાંચોઃ ઐશ્વર્યા રાયે અભિષેક બચ્ચનથી છૂટાછેડાની અફવાઓ પર કહી આ વાત, લોકોનાં દિલ જીતી લીધા
