માતા વૈષ્ણોદેવીના દર્શન બાદ કપાળે તિલક સાથે શાહરૂખાનનો ફોટો થયો વાઈરલ
શાહરૂખાનનો માતા વૈષ્ણોદેવીના દર્શન બાદનો એક ફોટો વાયરલ થઈ રહ્યો છે. જ્યાં તે કપાળ પર લાલ તિલક સાથે જોવા મળે છે. વાઇન કલરની સ્વેટ ટી-શર્ટ સાથે બીન કેપ પહેરેલ શાહરૂખ દર્શન કર્યા પછી કપાળ પર તિલક સાથે જોવા મળે છે. ફોટોમાં તેનો એક ફેન પણ શાહરૂખ સાથે પોઝ આપતો જોવા મળી રહ્યો છે.
શાહરૂખ ખાન બોલીવુડમાં એમ જ કિંગ ખાન તરીકે જ નથી ઓળખાતો. તે જે પણ કરે છે, તેની છાપ છોડી દે છે. શાહરૂખ થોડા દિવસ પહેલા જ માં વૈષ્ણો દેવીના દર્શન કરવા જમ્મુ પહોંચ્યો હતો. પરંતુ ત્યાં શાહરૂખ ચહેરો ઢાંકીને આવતો-જતો જોવા મળ્યો હતો. પરંતુ હવે શાહરૂખની એક તસવીર વાયરલ થઈ રહી છે, જે કટરાની માનવામાં આવી રહી છે.
Shah Rukh Khan yesterday after seeking blessings from Mataji of Vaishno Devi Temple. ❤️
Love You Legend @iamsrk !!! pic.twitter.com/bASQroZYnG
— Arijit ᴾᴬᵀᴴᴬᴬᴺ // Besharam Rang (@ISRKzBeliever) December 12, 2022
SRK લાલ તિલક સાથે જોવા મળ્યો
શાહરૂખ ખાનની એક ઝલક જોવા માટે ફેન્સ શું નથી કરતા. તેની ખાસ તસવીરો જોવા માટે ફેન્સ ક્રેઝી થઈ જાય છે. પરંતુ ગઈકાલે એવું બન્યું નહીં. શાહરૂખ ચહેરો ઢાંકીને વૈષ્ણોદેવી પહોંચ્યો હતો. પરંતુ હવે શાહરૂખની માતા વૈષ્ણ દેવીના દર્શન બાદનો એક ફોટો વાયરલ થઈ રહ્યો છે. જેમાં તે લલાટ પર તિલક સાથે જોવા મળે છે. વાઇન કલરની સ્વેટ ટી-શર્ટ સાથે બીન કેપ પહેરીને, શાહરૂખ તેના કપાળ પર તિલક સાથે જોવા મળે છે.
આ ફોટોમાં તેનો એક ફેન પણ શાહરૂખ સાથે પોઝ આપતો જોવા મળી રહ્યો છે. આ વ્યક્તિ વૈષ્ણોદેવી શ્રાઈન બોર્ડનો અધિકારી જણાવવામાં આવી રહ્યો છે. શાહરૂખની એક ઝલક મળ્યા બાદ ચાહકો ખૂબ જ ખુશ છે. યુઝર્સ કોમેન્ટ કરીને શાહરૂખના વખાણ કરી રહ્યા છે અને કહી રહ્યા છે કે પઠાણ આવી રહ્યો છે.
ચહેરો માસ્કથી છુપાયેલો હતો
શાહરૂખે સોમવારે માતા વૈષ્ણો દેવીના દર્શન કર્યા હતા. આ દરમિયાન શાહરૂખ મોટા કદની હૂડી પહેરીને જોવા મળ્યો હતો. હૂડીની સાથે શાહરૂખે માસ્ક પણ પહેર્યો હતો જેથી તેનો ચહેરો ઢાંકી શકાય. શાહરૂખ એ જ લૂકમાં ગયો અને એ જ લૂકમાં પાછો ફર્યો હતો. શાહરૂખ સાથે તેની આગામી ફિલ્મ પઠાણના નિર્દેશક સિદ્ધાર્થ આનંદ પણ હાજર હતા.
શાહરૂખ જમ્મુ પહેલા ઉમરાહ કરવા માટે મક્કા પણ ગયો હતો. સફેદ વસ્ત્રોમાં ઉમરાહ કરતા શાહરૂખના ફોટા પણ વાયરલ થયા હતા. શાહરૂખ તેની આગામી ફિલ્મ પઠાણની સફળતા માટે પ્રાર્થના કરી રહ્યો છે. આ ફિલ્મથી શાહરૂખ ચાર વર્ષ બાદ મોટા પડદા પર પરત ફરી રહ્યો છે. તેમજ એ પણ સ્વીકારવું રહ્યું કે, પઠાણને લઈને ચાહકોમાં પણ જબરદસ્ત ક્રેઝ જોવા મળી રહ્યો છે.
હાલમાં જ ફિલ્મ પઠાણનો બેશરમ રંગ રજૂ થયો હતો. લોકોને આ ગીત ઘણું પસંદ આવ્યું. ગીતમાં દીપિકા પાદુકોણની અત્યાર સુધીની સૌથી બોલ્ડ સ્ટાઈલ જોવા મળી રહી છે. બીજી તરફ, શાહરૂખ તેના સિક્સ પેક લુકમાં ખૂબ જ કિલર લાગી રહ્યો છે. આ ફિલ્મ 25 જાન્યુઆરી 2023ના રોજ સિનેમાઘરોમાં રિલીઝ થશે.
