‘RRR’ની ઓસ્કારમાં એન્ટ્રીથી ખુશ થયો શાહરૂખ, લખ્યું- ‘Please Let Me Touch It…’

સાઉથની બ્લોકબસ્ટર ફિલ્મ ‘RRR’ ઓસ્કાર 2023 માટે ક્વોલિફાય થઈ છે. જેને લઈ બોલીવુડ અભિનેતા શાહરૂખ ખાને ટ્વીટ કરી ખુશી વ્યક્ત કરી છે. આ ટ્વીટમાં શાહરૂખે ફિલ્મ ‘RRR’ના એક્ટર રામ ચરણને એક રિકવેસ્ટ કરી છે.

રામ ચરણને શાહરૂખે કરી આ રિકવેસ્ટ

જ્યારે શાહરૂખની ફિલ્મનું ટ્રેલર તમિલ અને તેલુગુમાં રિલીઝ થયું હતું, ત્યારે સાઉથના સુપરસ્ટાર થલપતિ વિજય અને રામ ચરણે પણ તેને સોશિયલ મીડિયા પર શેર કર્યું હતું. ત્યારબાદ શાહરૂખ ખાને રામ ચરણનો આભાર માનતા ટ્વીટ કર્યું અને સાથે રિકવેસ્ટ પણ કરી હતી. શાહરૂખે લખ્યું કે, ‘મારા મેગા પાવર સ્ટાર રામ ચરણનો આભાર અને હા જ્યારે પણ તમારી ‘RRR’ ટીમ ઓસ્કાર સાથે ભારત પરત આવે, કૃપા કરીને મને તેને ટચ કરવા દેજો. લવ યુ.’ ફિલ્મ ‘RRR’ ઓસ્કાર 2023 માટે ક્વોલિફાય થઈ ગઈ છે. ત્યારબાદ શાહરૂખે પોતાની ખુશી વ્યક્ત કરતા આ ટ્વિટ કર્યું હતું.

Thank u so much my Mega Power Star @alwaysramcharan. When ur RRR team brings Oscar to India, please let me touch it!!
(Mee RRR team Oscar ni intiki tecchinappudu okkasaari nannu daanini touch cheyyanivvandi! )
Love you.

— Shah Rukh Khan (@iamsrk) January 10, 2023

શાહરૂખે થલપતિ વિજયનો આભાર માન્યો

શાહરૂખે થલપતિ વિજય માટે એક ટ્વીટ પણ કર્યું, જેમાં તેણે લખ્યું, ‘આભાર મારા મિત્ર વિજય. આથી જ તમે થલપતિ છો, બહુ જલ્દી મળીશું સ્વાદિષ્ટ ભોજન માટે. લવ યુ.’

Thank u so much my Mega Power Star @alwaysramcharan. When ur RRR team brings Oscar to India, please let me touch it!!
(Mee RRR team Oscar ni intiki tecchinappudu okkasaari nannu daanini touch cheyyanivvandi! )
Love you.

— Shah Rukh Khan (@iamsrk) January 10, 2023

વર્ક ફ્રન્ટની વાત કરીએ તો શાહરૂખ ખાન ચાર વર્ષ પછી ફિલ્મ ‘પઠાણ’થી મોટા પડદે ધમાલ કરવા જઈ રહ્યો છે. આ જ કારણ છે કે અભિનેતાના ચાહકો તેને થિયેટરોમાં જોવા માટે ખૂબ જ ઉત્સુક દેખાઈ રહ્યા છે. આ ફિલ્મમાં શાહરૂખ ખાન સાથે દીપિકા પાદુકોણ અને જોહ્ન અબ્રાહમ પણ જોવા મળશે. આ ફિલ્મમાં જ્હોન વિલનની ભૂમિકા ભજવવા જઈ રહ્યો છે. આ ફિલ્મના ટ્રેલરને અત્યાર સુધીમાં લાખો વ્યુઝ મળ્યા છે. જણાવી દઈએ કે આ ફિલ્મ 25 જાન્યુઆરીએ રિલીઝ થઈ રહી છે.