શૂટિંગ દરમિયાન શાહરૂખ ખાનને નડ્યો અકસ્માત; લોહી રોકવા કરવી પડી સર્જરી

Shah Rukh Khan: શાહરૂખ ખાન અમેરિકાના લોસ એન્જલસમાં શૂટિંગ કરી રહ્યાં છે, જ્યાં તેમને એક અકસ્માત નડ્યો છે. રિપોર્ટ્સ અનુસાર આ પછી તેમણે ત્યાં સર્જરી પણ કરાવવી પડી છે. શાહરૂખના નાકમાં ઈજાના કારણે લોહી વહેવા લાગ્યું, ત્યારબાદ તેનું મામૂલી ઓપરેશન કરવું પડ્યું હતું.

શાહરૂખની સર્જરી

ઇટાઇમ્સે સૂત્રોને ટાંકીને લખ્યું છે – શાહરૂખ ખાન લોસ એન્જલસમાં એક પ્રોજેક્ટ માટે શૂટિંગ કરી રહ્યો હતો, જ્યાં તેને નાકમાં ઈજા થઈ હતી. તેના નાકમાંથી લોહી નીકળવા લાગ્યું જેના કારણે તેને જલદી હોસ્પિટલ લઈ જવામાં આવ્યો. ડોક્ટરોએ તેમની ટીમને કહ્યું કે ચિંતા કરવાની કોઈ વાત નથી. રક્તસ્રાવ રોકવા માટે નાની સર્જરીની જરૂર પડશે. ઓપરેશન બાદ શાહરૂખના નામ પર પટ્ટી દેખાતી હતી. શાહરૂખ ભારત પરત આવી ગયા છે.

શાહરૂખનો પ્રોફેશનલ ફ્રન્ટ

શાહરૂખના પ્રોફેશનલ ફ્રન્ટની વાત કરીએ તો આ વર્ષે રિલીઝ થયેલી તેની ફિલ્મ પઠાણે બધે જ ધૂમ મચાવી છે. વિશ્વભરમાં આ ફિલ્મે 1000 કરોડ રૂપિયાની કમાણી કરી છે. હાલમાં તે તેની આગામી ફિલ્મ જવાનની રાહ જોઈ રહ્યો છે. ફિલ્મનું ટ્રેલર આ મહિને રિલીઝ થશે. ટ્રેલર 12 જુલાઈએ રિલીઝ થઈ શકે છે. ટ્રેલર ટોમ ક્રૂઝની મિશન ઈમ્પોસિબલઃ ડેડ રેકનીંગ સાથે થિયેટરોમાં બતાવવામાં આવશે.

શાહરૂખ ખાન અભિનીત આ ફિલ્મનું નિર્દેશન એટલા કુમારે કર્યું છે. તેનું નિર્માણ શાહરુખની પ્રોડક્શન કંપની રેડ ચિલીઝ એન્ટરટેઈનમેન્ટ અને ગૌરી ખાન દ્વારા કરવામાં આવ્યું છે. આ સિવાય શાહરૂખ પાસે રાજકુમાર હિરાનીની ડંકી પણ છે, જેમાં વિકી કૌશલ અને તાપસી પન્નુ પણ છે.

આ પણ વાંચો- મોંઘવારીનો વધુ એક ઝટકો : LPG સિલિન્ડરના ભાવ ફરી વધ્યા, જાણો હવે તમારે કેટલા ચૂકવવા પડશે