શાહરૂખે સુહાના સાથે જોઇ પઠાણઃ કોણે આપી હતી ચેલેન્જ?

‘પઠાણ’ મુવીનું ‘બેશરમ રંગ’ સોંગ રીલીઝ થયા બાદ તેની પર ખુબ બબાલ મચી હતી. તેની પર ઘણા રાજકીય લોકોએ નિવેદનો આપ્યા હતા. જે વાઇરલ થયા હતા. ભગવા બિકિનીનો વિવાદ માથે ચડીને ગાજ્યો હતો. આ બધાની વચ્ચે મધ્યપ્રદેશ વિધાનસભા અધ્યક્ષ ગિરીશ ગૌતમે કહ્યુ હતુ કે શાહરૂખખાને તેની દિકરી સુહાના ખાન સાથે આ ફિલ્મ જોવી જોઇએ. હવે પઠાણની સ્ક્રીનિંગની તસવીરનો વીડિયો વાઇરલ થયો છે. તેમાં શાહરૂખ સુહાના, આર્યન અને પત્ની ગૌરી સાથે જોવા મળ્યો છે. આ બધા ગઇકાલે યશરાજ સ્ટુડિયોમાં સ્ક્રીનિંગમાં પહોંચ્યા હતા.

ફેમિલી સાથે પહોંચ્યો શાહરૂખ

પઠાણનું સ્પેશિયલ સ્ક્રીનિંગ ગઇકાલે યશરાજ સ્ટુડિયોમાં થયુ હતુ. શાહરૂખ ખાન તેની પત્ની અને બાળકો સુહાના અને આર્યન સાથે ત્યાં પહોંચ્યો હતો. શાહરૂખે ક્રીમ કલરની ટીશર્ટ અને બ્લુ પેન્ટ પહેર્યુ હતુ, તેની સાથે પુત્રી સુહાના કેઝ્યુઅલ હુડી અને જોગર્સમાં જોવા મળી હતી. આ ફિલ્મ 25 જાન્યુઆરીએ રીલીઝ થઇ રહી છે.

યાદ આવ્યુ નિવેદન

ફિલ્મ પઠાણનુ સોંગ રીલીઝ થયુ ત્યારે પોલિટીશિયન ગિરીશ ગૌતમે કહ્યુ હતુ કે શાહરૂખે આ મુવી તેની દિકરી સાથે જોવું જોઇએ. ફોટો અપલોડ કરીને આખી દુનિયાને જણાવવું જોઇએ કે તે પોતાની દિકરી સાથે ફિલ્મ જોઇ રહ્યો છે. હવે પઠાણના સ્ક્રીનિંગનો વીડિયો વાઇરલ થઇ રહ્યો છે. તેની પર લોકોને ગિરીશ ગૌતમનુ નિવેદન યાદ આવી ગયુ છે.

આ પણ વાંચોઃ ગુજરાત: લગ્ન પછી દિકરી કે બહેનનો કૌટુંબિક સંપતિમાં હક રહેશે: હાઈકોર્ટ