લખનઉની અનેક નામાંકિત હોટેલોને ઉડાવી દેવાની ધમકીભર્યો મેઈલ મળ્યો

લખનઉ, 27 ઓક્ટોબર : લખનઉની ઘણી મોટી હોટલોને બોમ્બની ધમકી મળી છે. હોટલોને બોમ્બથી ઉડાવી દેવાની આ ધમકી ઈમેલ દ્વારા મોકલવામાં આવી છે જેમાં ધમકી આપનાર વ્યક્તિએ 55 હજાર ડોલરની માંગણી પણ કરી છે. મેલ મુજબ, આ ધમકીઓ લખનૌની હોટેલ ફોર્ચ્યુન, હોટેલ લેમન ટ્રી, હોટેલ મેરિયોટ, સારાકા હોટેલ, પિકાડિલી હોટેલ, કમ્ફર્ટ હોટેલ વિસ્ટા, ફોર્ચ્યુન હોટેલ, લેમન ટ્રી હોટેલ, ક્લાર્ક અવધ હોટેલ, હોટેલ કાસા, દયાલ ગેટવે હોટેલ અને સિલ્વા હોટેલને મોકલવામાં આવી હતી.

અકાસા એરલાઈન્સમાં બોમ્બ હોવાની અફવા

અકાસા એરલાઈન્સની ફ્લાઈટમાં બોમ્બ હોવાના સમાચાર માત્ર અફવા સાબિત થયા હતા. બોમ્બની માહિતી મળતા તમામ મુસાફરોને એરપોર્ટ પરથી મુક્ત કરવામાં આવ્યા હતા. મુસાફરો એરપોર્ટની બહાર નીકળી ગયા હતા. તમને જણાવી દઈએ કે જે ફ્લાઈટમાં બોમ્બ હોવાની જાણ થઈ હતી તે બેંગલુરુથી અયોધ્યા આવી હતી. ફ્લાઈટમાં કુલ 173 મુસાફરો સવાર હતા. દરેક વ્યક્તિ સુરક્ષિત છે. ફરી એકવાર પાઇલટે ડહાપણ બતાવ્યું, જેના કારણે ફ્લાઈટમાં સવાર મુસાફરોને ફ્લાઈટમાં બોમ્બ વિશે માહિતી મળી ન હતી. આકાસા એરલાઈન્સની ફ્લાઈટ મહર્ષિ વાલ્મીકિ એરપોર્ટ પર સુરક્ષિત રીતે લેન્ડ થઈ હતી.

અગાઉ અનેક ફ્લાઈટમાં ધમકી મળી હતી

ઉલ્લેખનીય છે કે, છેલ્લા કેટલાક દિવસોથી દેશની અનેક ફ્લાઈટમાં બોમ્બથી ઉડાવી દેવાની ધમકી મળી રહી છે. લગભગ તમામમાં એક જ પ્રકારે મેસેજ ડ્રોપ કરવામાં આવી રહ્યા છે. આ ઉપરાંત ખાલીસ્તાની આતંકી ગુરવંતસિંહે પણ એર ઇન્ડિયા માટે ધમકી આપી હતી.

આ પણ જૂઓ :- અમદાવાદ પોલીસ કમિશનરનું જાહેરનામું, આ સમય દરમિયાન નહિ ફોડી શકો ફટાકડા