સાત કરોડ શ્રદ્ધાળુઓએ કર્યું સંગમમાં સ્નાન, કેવી રીતે થાય છે ક્રાઉડ મેનેજમેન્ટ?
- મહાકુંભ મેળાના વિસ્તારમાં સ્થાપિત ઈન્ટિગ્રેટેડ કમાન્ડ એન્ડ કંટ્રોલ સેન્ટર (ICCC) ક્રાઉડ મેનેજમેન્ટ માટે વરદાન સાબિત થઈ રહ્યું છે
HD ન્યુઝ ડેસ્કઃ વિશ્વના સૌથી મોટા આયોજન મહાકુંભની શરૂઆત 13 જાન્યુઆરી, પોષ પૂર્ણિમાથી થઈ હતી. છ દિવસમાં સાત કરોડ લોકોએ સંગમમાં ડૂબકી લગાવી છે. 3.5 કરોડ લોકોએ માત્ર મકરસંક્રાંતિ પર જ સ્નાન કર્યું છે. આ વખતે 45 કરોડથી વધુ લોકો મહાકુંભમાં આવે તેવો અંદાજ છે. આટલી મોટી સંખ્યામાં શ્રદ્ધાળુઓની સુરક્ષા મહાકુંભ પોલીસ માટે મોટો પડકાર છે. જો કે, મેળા વિસ્તારમાં સ્થાપિત ઈન્ટિગ્રેટેડ કમાન્ડ એન્ડ કંટ્રોલ સેન્ટર (ICCC) ક્રાઉડ મેનેજમેન્ટ માટે વરદાન સાબિત થઈ રહ્યું છે. આ દ્વારા મેળા વિસ્તારમાં આવતા ભક્તોની વિશાળ ભીડને નિયંત્રિત કરવામાં મદદ મળવાની સાથે સાથે, અનેક પ્રકારની દેખરેખમાં પણ મદદમળી રહી છે. ICCC એ મહા કુંભના પ્રથમ દિવસે અને મકરસંક્રાંતિના દિવસે અમૃત સ્નાન પર પૌષ પૂર્ણિમા સ્નાન દરમિયાન ક્રાઉડ મનેજમેન્ટમાં મહત્વપૂર્ણ ભૂમિકા ભજવી હતી.
ICCCના ઈન્ચાર્જ એસપી અમિત કુમારે જણાવ્યું કે અહીં 2750 કેમેરા લગાવવામાં આવ્યા છે, જેના દ્વારા માત્ર મેળા વિસ્તાર જ નહીં પરંતુ સમગ્ર શહેર વિસ્તાર પર નજર રાખવામાં આવી રહી છે. ભીડ પર ત્રણ બાજુથી નજર રાખવામાં આવી રહી છે. પ્રથમ સુરક્ષા, બીજું ક્રાઉડ મેનેજમેન્ટ અને ત્રીજું ક્રાઈમ. તેમણે કહ્યું કે અમારી પાસે રહેલા કેમેરાથી અમે સર્વેલન્સ, ક્રાઉડ મેનેજમેન્ટ અને ફાયર સર્વેલન્સ જેવા તમામ મુદ્દાઓ પર નજર રાખી શકીએ છીએ.
ક્રાઉડ મેનેજમેન્ટ માટે અમે ક્રાઉડ ફ્લોને મોનિટર કરી રહ્યા છીએ કે કઈ દિશામાંથી કેટલી ભીડ આવી રહી છે અને તેને કેવી રીતે નિયંત્રિત કરવી. ભીડના પ્રવાહ દ્વારા, અમે એ જાણવાનો પ્રયાસ કરીએ છીએ કે ભીડનું દબાણ ક્યાં સૌથી વધુ છે અને અમે તેને ત્યાંથી કઈ દિશામાં લઈ જઈ શકીએ છીએ. આ એક ખૂબ જ અસરકારક ટેકનિક છે. અમારે અહીં રેગ્યુલર દેખરેખ રાખવી પડે છે કે કોઈ એક જગ્યાએ ભીડ વધી તો નથી ગઈ ને?
અમિત કુમારે કહ્યું કે આ સિવાય અમે કેમેરા દ્વારા ફાયર સર્વેલન્સ પણ કરી રહ્યા છીએ. ક્યાંય ધુમાડો કે આગની જ્વાળા પણ નથી ને. આ ઉપરાંત આ દ્વારા પાર્કિંગ પર પણ નજર રાખવામાં આવી રહી છે. દરેક પાર્કિંગમાં કેમેરા લગાવવામાં આવ્યા છે, જે બતાવે છે કે પાર્કિંગની જગ્યા કેટલી ખાલી કે ભરેલી છે. જ્યારે પાર્કિંગ લોટ ભરાઈ જાય છે, ત્યારે અમે તેને બંધ કરીએ છીએ અને આગામી પાર્કિંગ લોટને સક્રિય કરીએ છીએ.
એઆઈ કેમેરાથી મળે છે મદદ
એઆઈ કેમેરાની ઉપયોગિતા પર અમિતકુમારે જણાવ્યું હતું કે એઆઈ કેમેરાથી નિર્ણય લેવામાં ખૂબ મદદ મળે છે, પરંતુ અમે તેની પર સંપૂર્ણરીતે ડિપેન્ડેન્ટ નથી. અમારી ફોર્સની પોતાની ઈન્સ્ટીટ્યુશન ટ્રેનિંગ છે. કેમકે આ પહેલા આટલું ક્રાઉડ મેનેજમેન્ટ ક્યારેય કરાયું નથી.
આ પણ વાંચોઃ મહાકુંભમાં ત્રીજું શાહી સ્નાન ક્યારે છે? જાણો કુંભમાં કેટલા શાહી સ્નાન થશે?
આ પણ વાંચોઃ મહાકુંભ 2025: શ્રદ્ધાળુઓ 2020 રૂપિયામાં કરી શકશે પ્રયાગરાજની હેરિટેજ ટૂર
