એર ઈન્ડિયાની ગંભીર બેદરકારી, મુસાફરના ભોજનમાં મળી બ્લેડ! એરલાઈન્સે સ્વીકારી ભૂલ
- બેંગલુરુથી સાન ફ્રાન્સિસ્કો જતી ફ્લાઈટમાં પેસેન્જરના ભોજનમાં ધાતુની વસ્તુ મળી આવી: એરલાઇન
નવી દિલ્હી, 17 જૂન: એર ઈન્ડિયાની બેંગલુરુથી સાન ફ્રાન્સિસ્કો જતી ફ્લાઈટમાં આજે સોમવારે મોટી બેદરકારી બહાર આવી છે. ફ્લાઈટમાં એક મુસાફરના ભોજનમાંથી મેટલની બ્લેડ મળી આવી હતી. આ વાતની પુષ્ટિ પોતે એરલાઈન્સે જ કરી છે. એરલાઇનના મુખ્ય ગ્રાહક અનુભવ અધિકારી રાજેશ ડોગરાએ જણાવ્યું હતું કે, એર ઇન્ડિયા પુષ્ટિ કરે છે કે અમારી એક ફ્લાઇટમાં મુસાફરોના ખોરાકમાં ધાતુની વસ્તુ મળી આવી હતી.
Air India food can cut like a knife. Hiding in its roasted sweet potato and fig chaat was a metal piece that looked like a blade. I got a feel of it only after chewing the grub for a few seconds. Thankfully, no harm was done. Of course, the blame squarely lies with Air India’s… pic.twitter.com/NNBN3ux28S
— Mathures Paul (@MathuresP) June 10, 2024
આ ખોરાક છરીની જેમ કાપી શકે છે: મુસાફર
ફ્લાઇટના ફૂડમાં બ્લેડ મળી આવતા પેસેન્જરે નારાજગી વ્યક્ત કરી હતી. મુસાફરે X પર પોસ્ટ કર્યું અને લખ્યું કે, ‘એર ઈન્ડિયાનું ફૂડ છરીની જેમ કાપી શકે છે. શક્કરીયા અને અંજીર ચાટમાં એક ધાતુનો ટુકડો છુપાયેલો હતો જે બ્લેડ જેવો દેખાતો હતો. થોડી સેકન્ડો માટે ખોરાક ચાવવા પછી મને આ સમજાયું. સદનસીબે કોઈ નુકસાન થયું નહીં. અલબત્ત, દોષ સંપૂર્ણપણે એર ઈન્ડિયાની કેટરિંગ સેવા પર છે, પરંતુ આ ઘટનાએ મારા મનમાં એર ઈન્ડિયાની છબીને કલંકિત કરી છે. જો કોઈ બાળકે આ ધાતુ ખાધી હોત તો શું થયું હોત?
એરલાઇન તરફથી આવ્યું નિવેદન
Air India passenger finds metal blade in meal
Rajesh Dogra, Chief Customer Experience Officer, Air India says, “Air India confirms that a foreign object was found in the meal of a guest aboard one of our flights. After investigation, it has been identified as coming from the…
— ANI (@ANI) June 17, 2024
એરલાઇનના મુખ્ય ગ્રાહક અનુભવ અધિકારી રાજેશ ડોગરાએ જણાવ્યું હતું કે, એર ઇન્ડિયા પુષ્ટિ કરે છે કે અમારી એક ફ્લાઇટમાં મુસાફરોના ખોરાકમાં ધાતુની વસ્તુ મળી આવી હતી. તપાસ પછી, જાણવા મળ્યું કે તે અમારા કેટરિંગ પાર્ટનરની સુવિધાઓમાં વપરાતા વેજીટેબલ પ્રોસેસિંગ મશીનમાંથી આવ્યું છે. અમે અમારા કેટરિંગ પાર્ટનર્સ સાથે મળીને આવી ઘટનાઓને રોકવા માટેના પગલાં મજબૂત કર્યા છે.
આ પણ જુઓ: દિલ્હી એરપોર્ટની વીજળી થઈ ગઈ ગુલ! અરાજકતાની સ્થિતિ સર્જાઇ, ઘણી ફ્લાઈટ્સ રદ્દ
