મહેસાણામાં 5 વર્ષ જૂના કેસમાં જીગ્નેશ મેવાણી, રેશમા પટેલ સહિત 12 લોકોની સજા માફ

મહેસાણા જિલ્લા અને સેશન્સ કોર્ટે આજે કોંગ્રેસના ધારાસભ્ય જીગ્નેશ મેવાણી, રેશમા પટેલ સહિત 12 આરોપીઓને નિર્દોષ જાહેર કર્યા છે. તેમણે જુલાઈ 2017માં પરવાનગી વિના મહેસાણામાં રેલી યોજવાના કેસમાં નિર્દોષ જાહેર કર્યા છે.

જીગ્નેશ મેવાણી, રેશમા પટેલ સહિત 12 નિર્દોષ જાહેર

જુલાઈ 2017ના કેસમા જીગ્નેશ મેવાણી, રેશમા પટેલ સહિત 12ને નિર્દોષ જાહેર કરવામા આવ્યા છે. કોર્ટે પાંચ વર્ષ પહેલા પોલીસની પરવાનગી વિના મહેસાણા શહેરમાંથી યોજાયેલી આઝાદી કુચ રેલી યોજવાના કેસમાં ચૂકાદો આપ્યો છે. મહત્વનું છે કે . મેજિસ્ટ્રેટ કોર્ટે આ 12 આરોપીઓને ગેરકાયદેસર રીતે ભેગા થવા બદલ ત્રણ મહિનાની જેલ અને રૂ. 1,000 દંડની સજા ફટકારી હતી જે બાદ સેશન્સ કોર્ટે ફરિયાદ પક્ષના કેસને “પાયા વિનાનો” ગણાવ્યો હતો. અને જિલ્લા જ્યુડિશિયલ મેજિસ્ટ્રેટ ફર્સ્ટ ક્લાસના 3 માસની સજાની સામે સેશન્સ કોર્ટમાં કરેલ અપીલમાં આ તમામ આરોપીઓને નિર્દોષ છોડી મુકવાનો હુકમ કર્યો હતો.

2017માં પરવાનગી વગર રેલી યોજવાનો કેસ

2017માં બનાસકાંઠાના દલિત પરિવારને ફાળવેલી જમીનનો પ્રત્યક્ષ કબજો આપવામાં આવે તે હેથુથી મહેસાણીથી ધાનેરા સુધી ‘આઝાદી કુચ’ના નામથી રેલી યોજવામાં આવી હતી. આ રેલી પરવાનગી વગર યોજવાના આરોપમાં જીગ્નેશ મેવાણી, રેશમા પટેલ સહિત 10 લોકોને મહેસાણા ચીફ જ્યુડીશીયલ મેજીસ્ટ્રેટની કોર્ટે 3 માસની જેલ અને 1000 રૂપિયાના દંડની સજા સંભળાવી હતી.

સેશન્સ કોર્ટે નીચલી કોર્ટનો હુકમ રદ કર્યો

આ સજા બાદ જીગ્નેશ મેવાણી સહિતના તમામ આરોપીઓએ સજા માફીની માંગ કરતી અરજી સેશન્સ કોર્ટમાં દાખલ કરી હતી. અને મહેસાણા સેશન્સ કોર્ટે આ અરજીઓને ગ્રાહ્ય પણ રાખી હતી. આ મામલે મહેસાણા સેશન્સ કોર્ટે નીચલી કોર્ટનો હુકમ રદ કરીને તમામ આરોપીઓને નિર્દોષ જાહેર કર્યા છે.

આ પણ વાંચો : સુરત : રખડતા શ્વાને વધુ એક જીવ લીધો, 28 વર્ષના યુવકનું શ્વાન કરડવાથી મોત