ઝારખંડ કેશ કાંડમાં મંત્રી આલમગીરના સચિવ અને નોકરની ધરપકડ, 35 કરોડ રિકવર

• ED દ્વારા આ કેસમાં 6 સ્થળોએ દરોડા પાડવામાં આવ્યા હતા 

નવી દિલ્હી, 7 મે: ઝારખંડમાં મોટી રકમની રોકડની વસૂલાતના કેસમાં મોટી કાર્યવાહી કરતા એન્ફોર્સમેન્ટ ડિરેક્ટોરેટ (ED)એ રાજ્ય સરકારના મંત્રી આલમગીર આલમના PS સંજીવ લાલ અને તેમના નોકર જહાંગીર આલમની ધરપકડ કરી છે. સૂત્રોમાંથી મળતી માહિતી મુજબ, આ બંનેની અટકાયત કરવામાં આવી હતી અને પછી રાતભર પૂછપરછ કર્યા પછી પ્રિવેન્શન ઓફ મની લોન્ડરિંગ એક્ટ (PMLA)ની જોગવાઈઓ હેઠળ ધરપકડ કરવામાં આવી હતી. સોમવારે જ્યારે EDએ પીએસ સંજીવ લાલના નોકરના ઘરે દરોડા પાડ્યા ત્યારે ત્યાંથી 30 કરોડ રૂપિયાથી વધુની રોકડ મળી આવી હતી. બાદમાં અન્ય સ્થળોએ પણ દરોડા પાડવામાં આવ્યા હતા અને 3 કરોડથી વધુની રોકડ જપ્ત કરવામાં આવી હતી.

VIDEO | Fresh visuals of counting of notes.

The Enforcement Directorate on Monday claimed to have recovered a huge amount of “unaccounted” cash during searches at the premises of a domestic help allegedly linked to the secretary of Jharkhand minister Alamgir Alam, official… pic.twitter.com/lbT2PMvfIt

— Press Trust of India (@PTI_News) May 6, 2024

#WATCH | Jharkhand: Steel trunks filled with recovered cash taken away from the residence of household help of Sanjiv Lal – PS to Jharkhand Rural Development minister Alamgir Alam in Ranchi where a large amount of cash has been recovered so far.

The Enforcement Directorate is… pic.twitter.com/1MMfr2Io0G

— ANI (@ANI) May 6, 2024

સોમવારે, જ્યારે એન્ફોર્સમેન્ટ ડિરેક્ટોરેટ EDએ રાજ્યના ગ્રામીણ વિકાસ મંત્રી આલમગીર આલમના પીએસ સંજીવ લાલ અને તેમના ઘરેલુ નોકર જહાંગીર આલમના ઘરે દરોડા પાડ્યા ત્યારે ત્યાંથી ચલણી નોટોનો પહાડ મળી આવ્યો હતો. આટલી મોટી રકમની રોકડ મળી આવ્યા બાદ નોટો ગણવા માટે બેંક કર્મચારીઓને નોટ કાઉન્ટીંગ મશીન સાથે બોલાવવામાં આવ્યા હતા. આ કેસમાં કુલ 6 સ્થળોએ દરોડા પાડવામાં આવ્યા હતા. કુલ રૂ. 35.23 કરોડની રોકડ મળી આવી છે.

10 હજારની લાંચ લેવાનો મામલો હતો

ગયા વર્ષે EDએ 10,000 રૂપિયાની લાંચના કેસમાં ચીફ એન્જિનિયરના ઘરે દરોડા પાડ્યા હતા. આ દરમિયાન તેમનું નિવેદન નોંધવામાં આવ્યું હતું. ત્યારે તેમણે કહ્યું હતું કે, લાંચની રકમ મંત્રી સુધી પહોંચાડવામાં આવે છે. જે બાદ ઝારખંડના ગ્રામીણ વિકાસ મંત્રી આલમગીર આલમનું નામ પ્રથમ વખત બહાર આવ્યું. આ તપાસ દરમિયાન જ આલમગીરના અંગત સચિવ સંજીવ લાલનું નામ બહાર આવ્યું હતું અને હવે આ રોકડ સંજીવલાલના ઘરમાં કામ કરતા નોકર પાસેથી મળી આવી હતી.

PM મોદીએ ઉઠાવ્યો હતો ભ્રષ્ટાચારનો આ મુદ્દો 

થોડા દિવસ પહેલા જ જ્યારે વડાપ્રધાન નરેન્દ્ર મોદી ઝારખંડમાં ચૂંટણી પ્રચાર કરી રહ્યા હતા ત્યારે તેમણે ભ્રષ્ટાચારનો મુદ્દો ઉઠાવ્યો હતો અને તેમની રેલીના થોડા દિવસો બાદ આ કાર્યવાહી થઈ છે, જેમાં મોટી રકમની રોકડ મળી આવી છે. બીજેપી સાંસદ નિશિકાંત દુબેએ આ મુદ્દે કોંગ્રેસ પર પ્રહાર કરતા કહ્યું કે, ‘ગણતરી થવા દો, આ ગણતરી 50 કરોડ સુધી પહોંચી જશે. સમગ્ર ઝારખંડ સરકારનો ભ્રષ્ટાચારમાં ગરકાવ છે.’

સોમવારે વડાપ્રધાન નરેન્દ્ર મોદીએ પણ ઓડિશાના નવરંગપુરમાં રેલી દરમિયાન આ મુદ્દો ઉઠાવ્યો હતો. ઝારખંડમાં રોકડ મળવા પર તેણે કહ્યું હતું કે, ‘હું એક રૂપિયો મોકલીશ તો પણ હું તમને ખાવા નહીં દઉં. જે ખાશે તે જેલમાં જઈને ખાશે. જેલની રોટલી ચાવશે. આજે ઘરે જાઓ તો ટીવી પર જોજો, આજે પડોશમાં (ઝારખંડ) તમને નોટોના પહાડ જોવા મળે છે. મોદી માલ પકડી રહ્યા છે. ચોરી ત્યાં અટકી ગઈ. તેમની લૂંટફાટ બંધ કરી. હવે મોદીને ગાળો આપીશું કે નહીં? ગાળો ખાઈને મારે કામ કરવું જોઈએ કે નહીં? તમારા હકના પૈસા બચાવવા જોઈએ કે નહીં?

આલમગીર આલમ કોણ છે?

આલમગીર આલમ પાકુર વિધાનસભાથી ચાર વખત કોંગ્રેસના ધારાસભ્ય રહી ચૂક્યા છે અને હાલમાં રાજ્ય સરકારમાં સંસદીય બાબતો અને ગ્રામીણ વિકાસ મંત્રી છે. આ પહેલા આલમગીર આલમ 20 ઓક્ટોબર 200 થી 12 ડિસેમ્બર 2009 સુધી ઝારખંડ વિધાનસભાના સ્પીકર પણ હતા. રાજકારણનો વારસો મેળવ્યા બાદ, આલમગીરે સરપંચની ચૂંટણી જીતીને રાજકારણમાં પ્રવેશ કર્યો. તેઓ 2000માં પ્રથમ વખત ધારાસભ્ય બન્યા અને ત્યારથી અત્યાર સુધીમાં 4 વખત ધારાસભ્ય તરીકે ચૂંટાયા છે.

કોંગ્રેસના સાંસદ પાસેથી 350 કરોડની રોકડ મળી આવી હતી

ઉલ્લેખનીય છે કે, ગયા વર્ષે ડિસેમ્બરમાં પણ ઝારખંડમાં મોટી માત્રામાં રોકડ મળી આવી હતી. આવકવેરા વિભાગે કોંગ્રેસના રાજ્યસભા સાંસદ અને ઉદ્યોગપતિ ધીરજ સાહુના પરિસરમાંથી રૂ. 350 કરોડથી વધુની રોકડ રિકવર કરી હતી. તેના જવાબમાં તેણે કહ્યું હતું કે, દરોડામાં જે રોકડ મળી છે તે મારી દારૂની કંપનીઓની છે. દારૂનો ધંધો માત્ર રોકડમાં જ થાય છે અને તેને કોંગ્રેસ પાર્ટી સાથે કોઈ લેવાદેવા નથી.

આ પણ જુઓ: રાહુલ ગાંધીનું વધુ એક વિવાદિત નિવેદન: પરીક્ષાના પેપર તૈયાર કરવામાં જાતિવાદ ઘૂસાડ્યો