શિક્ષણ જગત શર્મસાર : પાદરામાં શાળાના આચાર્યએ બાળકીઓને અશ્લીલ વિડીયો બતાવતા ગ્રામજનોએ મેથીપાક ચખાડ્યો
- વડોદરાના પાદરામાં શિક્ષણ જગતને શર્મસાર કરતો કિસ્સો
- શાળાના આચાર્ય સામે વિદ્યાર્થીઓના પરિવારજનોએ ગંભીર આક્ષેપ કર્યો
- બાળકીઓને અશ્લીલ વિડીયો બતાવતા શિક્ષકને ગ્રામજનોએ મેથીપાક ચખાડ્યો
વડોદરાના પાદરામાં શિક્ષણ જગતને કલંક લગાવનારી ઘટના સામે આવી છે. જેમાં પાદરાની શાળામાં આચાર્યએ બાળકીઓને અશ્લીલ વીડિયો બતાવ્યા હોવાનું સામે આવ્યું છે. જે વાતની જાણ પરિજનોને થતા તમામ લોકો દ્વારા આચાર્યને મેથીપાક ચખાડી પોલીસમાં સોંપવામાં આવ્યા હોવાનું સામે આવ્યું છે.
આચાર્ય સામે વિદ્યાર્થીઓના પરિવારજનોએ ગંભીર આક્ષેપ
પ્રાપ્ત વિગતો અનુસાર,પાદરાના અભોર ગામની શાળાના આચાર્ય સામે વિદ્યાર્થીઓના પરિવારજનોએ ગંભીર આક્ષેપ કર્યો છે. શિક્ષક રોજ શાળામાં દારૂ પીને આવતા હોવાના આક્ષેપ કર્યો છે. સ્થાનિકોના જણાવ્યા પ્રમાણે શાળાની બાળકીઓ સફાઈના કરવા માટે શાળાના પાછળના ભાગમાં આવેલી ત્યાં આ લંપટ શિક્ષકે બાળકીઓને ફોનમાં અશ્લીલ વિડીયો બતાવ્યા હતા. જો કે આ સમગ્ર મામલો ગ્રામજનો સુધી પહોંચતા ગ્રામજનો શાળામાં આવી પહોંચ્યા હતા.
સ્થાનિકોએ લંપટ શિક્ષકને મેથીપાક ચખાડ્યો
આ સમગ્ર મામલો ગ્રામજનો સુધી પહોંચતા ગ્રામજનો સ્કૂલમાં આવી પહોંચ્યા હતા. રોષે ભરાયેલા ગ્રામજનોએ આજે 15મી ઓગસ્ટે સ્કૂલમાં ધ્વજ વંદન કાર્યક્રમ બાદ લંપટ શિક્ષકને મેથીપાક ચખાડ્યો હોવાની માહિતી મળી છે. જો કે આ બાદ સમગ્ર મામલો પોલીસ સ્ટેશન સુધી પહોંચી ગયો હતો. લંપટ શિક્ષકને પોલીસે સ્કૂલેથી ઉઠાવીને પોલીસ સ્ટેશન લઇ આવી હતી. સ્થાનિકોના જણાવ્યા પ્રમાણે, સ્કૂલની બાળકીઓ સફાઈના કરવા માટે સ્કૂલના પાછળના ભાગમાં ગઈ હતી. ત્યાં આ લંપટ શિક્ષકે બાળકીઓને ફોનમાં અશ્લીલ વિડીયો બતાવ્યા હતા. જેથી ગ્રામજનો પણ પોલીસ સ્ટેશન પહોંચી લંપટ શિક્ષકને સજા આપવા લોકો માંગ કરી રહ્યા છે. સમગ્ર મામલે હજી સુધી કોઈ ફરિયાદ નોંધાઈ નથી.
આ પણ વાંચો : ગીરગઢડા : વિદ્યાર્થીની સાથે સ્પોર્ટ્સ શિક્ષકે કર્યા શારીરીક અડપલા, વાલીઓએ ચખાડ્યો મેથીપાક
