સરદાર પટેલની 150મી જન્મજયંતીની બે વર્ષ સુધી ઉજવણી થશે

• કેન્દ્રીય ગૃહ મંત્રી અને સહકારિતા મંત્રી અમિત શાહે મોટી જાહેરાત કરી

નવી દિલ્હી, 23 ઓકટોબર: કેન્દ્રીય ગૃહ મંત્રી અને સહકારિતા મંત્રી અમિત શાહે આજે બુધવારે મોટી જાહેરાત કરી છે. તેમણે કહ્યું છે કે, પ્રધાનમંત્રી નરેન્દ્ર મોદીના નેતૃત્વમાં ભારત સરકાર સરદાર પટેલની 150મી જન્મજયંતીની ઉજવણી કરશે, જેમાં વર્ષ 2024થી 2026 સુધી બે વર્ષ સુધી ચાલનારી રાષ્ટ્રવ્યાપી ઉજવણી કરવામાં આવશે, જેનો ઉદ્દેશ તેમના મહાન પ્રદાનનું સન્માન કરવાનો છે.” આ નિર્ણયની જાહેરાત કરતા કેન્દ્રીય ગૃહ મંત્રી શ્રી અમિત શાહે વધુમાં કહ્યું કે,  આ સમારોહ સરદાર પટેલની નોંધપાત્ર સિદ્ધિઓ અને તેમના દ્વારા દર્શાવવામાં આવેલી એકતાની ભાવનાનો પુરાવો હશે.”

Sardar Patel Ji’s enduring legacy as the visionary behind the establishment of one of the world’s most robust democracies and his pivotal role in unifying India from Kashmir to Lakshadweep remains indelible. To honor his monumental contributions, the government of India, under…

— Amit Shah (@AmitShah) October 23, 2024

કેન્દ્રીય મંત્રી અમિત શાહે શું કહ્યું?

કેન્દ્રીય ગૃહ મંત્રી અને સહકારિતા મંત્રીએ એક યાદીમાં આ નિર્ણયની જાહેરાત કરતાં કહ્યું કે, “વિશ્વની સૌથી મજબૂત લોકશાહીમાંની એકની સ્થાપના પાછળ સ્વપ્નદ્રષ્ટા તરીકે સરદાર પટેલનો કાયમી વારસો અને કાશ્મીરથી લક્ષદ્વીપ સુધી ભારતને એક કરવામાં તેમની મુખ્ય ભૂમિકા રહેલી છે. પ્રધાનમંત્રી નરેન્દ્ર મોદીના નેતૃત્વમાં ભારત સરકાર તેમના આ મહાન યોગદાનનું સન્માન કરવા માટે વર્ષ 2024થી 2026 સુધી બે વર્ષ સુધી ચાલનારી રાષ્ટ્રવ્યાપી ઉજવણી સાથે તેમની 150મી જન્મજયંતીની ઉજવણી કરશે. આ ઉજવણી તેમની નોંધપાત્ર સિદ્ધિઓ અને એકતાની ભાવનાના પુરાવા તરીકે કામ કરશે, જેનું તેઓ ચિત્રણ કરે છે. “

આ પણ જૂઓ: ભારતની અર્થવ્યવસ્થા વિશે IMFએ કરી મોટી ભવિષ્યવાણી, જાણો શું