SCના આગામી મુખ્ય ન્યાયાધીશ બની શકે છે સંજીવ ખન્ના, CJI ચંદ્રચુડનો કેન્દ્રને પ્રસ્તાવ

• જસ્ટિસ સંજીવ ખન્ના 6 મહિનાના કાર્યકાળ માટે બની શકે છે દેશના મુખ્ય ન્યાયાધીશ

નવી દિલ્હી, 17 ઓકટોબર: CJI DY ચંદ્રચુડે તેમના અનુગામી તરીકે જસ્ટિસ સંજીવ ખન્નાના નામની ભલામણ કરી છે. CJI ચંદ્રચુડે સરકારને પત્ર લખીને તેમના નામનો પ્રસ્તાવ મૂક્યો છે. જસ્ટિસ સંજીવ ખન્ના 6 મહિનાના કાર્યકાળ માટે દેશના મુખ્ય ન્યાયાધીશ રહી શકે છે. તેઓ 11 નવેમ્બરના રોજ CJI તરીકેનો ચાર્જ સંભાળી શકે છે. જો તેઓ CJI બને છે, તો તેઓ આવતા વર્ષે 13 મે સુધી તેમના પદ પર રહેશે. તેઓ દિલ્હી હાઈકોર્ટના પૂર્વ જજ રહી ચૂક્યા છે. CJI ચંદ્રચુડ 10 નવેમ્બરે નિવૃત્ત થઈ રહ્યા છે.

સંજીવ ખન્ના સુપ્રીમ કોર્ટના સૌથી વરિષ્ઠ જજ છે. થોડા દિવસો પહેલા, સરકારે આઉટગોઇંગ CJIને પત્ર લખીને મેમોરેન્ડમ ઑફ પ્રોસિજર મુજબ તેમની ભલામણો મોકલવા કહ્યું હતું.

Chief Justice of India DY Chandrachud has formally proposed Justice Sanjiv Khanna as his successor. In a communication to the Union government, Chief Justice Chandrachud stated that since he is demitting office on November 11, Justice Khanna would be his successor.

Upon approval… pic.twitter.com/LgH8PqvDyr

— ANI (@ANI) October 17, 2024

કોણ છે સંજીવ ખન્ના?

જસ્ટિસ સંજીવ ખન્નાનો જન્મ 14 મે 1960ના રોજ થયો હતો. વર્ષ 1977માં, તેમણે મોડર્ન સ્કૂલ (નવી દિલ્હી)માંથી શાળાનો અભ્યાસ પૂર્ણ કર્યો. ત્યારબાદ દિલ્હીની સેન્ટ સ્ટીફન્સ કોલેજમાંથી સ્નાતક થયા. તેમણે કેમ્પસ લો સેન્ટર, ફેકલ્ટી ઑફ લૉ, દિલ્હી યુનિવર્સિટીમાં કાયદાનો અભ્યાસ કર્યો.

જજ સંજીવ ખન્નાના પિતા જસ્ટિસ દેવરાજ ખન્ના 1985માં દિલ્હી હાઈકોર્ટમાંથી જજ તરીકે નિવૃત્ત થયા હતા અને તેમના માતા સરોજ ખન્ના દિલ્હીની લેડી શ્રી રામ કોલેજમાં હિન્દી પ્રોફેસર તરીકે કામ કરતા હતા. સંજીવ ખન્નાએ શરૂઆતમાં દિલ્હીના તીસ હજારી કેમ્પસમાં પોતાની પ્રેક્ટિસ શરૂ કરી હતી.

લગભગ 14 વર્ષ સુધી હાઈકોર્ટના જજ

વર્ષ 1983માં તેઓ દિલ્હી બાર કાઉન્સિલમાં એડવોકેટ તરીકે દાખલ થયા હતા. આ પછી 24 જૂન 2005ના રોજ તેઓ દિલ્હી હાઈકોર્ટના એડિશનલ જજ બન્યા. આ પછી વર્ષ 2006માં કાયમી જજ બનાવવામાં આવ્યા હતા.

ત્યારબાદ, 18 જાન્યુઆરી, 2019ના રોજ તેમને ભારતની સર્વોચ્ચ અદાલતના ન્યાયાધીશ તરીકે પ્રમોટ કરવામાં આવ્યા હતા. સંજીવ ખન્નાના પિતા ઉપરાંત તેમના કાકા હંસરાજ ખન્ના પણ સુપ્રીમ કોર્ટના જજ રહી ચૂક્યા છે.

90થી વધુ કેસોમાં ચુકાદો આપ્યો છે

સુપ્રીમ કોર્ટમાં તેમના સાડા ચાર વર્ષના કાર્યકાળ દરમિયાન, તેઓ 358 બેંચનો ભાગ રહી ચૂક્યા છે અને 90થી વધુ કેસોમાં ચુકાદો આપ્યો છે. ગયા વર્ષે, તેઓ SC અને ST માટે પ્રમોશનમાં અનામતના મુદ્દાની સુનાવણી કરતી ત્રણ જજની બેન્ચનો ભાગ હતા. તે જ સમયે, વર્ષ 2023માં, તેમણે શિલ્પા શૈલેષમાં બંધારણીય બેંચનો નિર્ણય આપ્યો હતો.

આ પણ જૂઓ: ઉત્તરાખંડ : હવે ધામી સરકાર પણ CM યોગીના રસ્તે, આ ગેરકાયદે પ્રવૃત્તિ કરનાર સામે થશે કાર્યવાહી