કોલકાતા રેપ મર્ડર કેસમાં સંજય રોયના નહીં કરાવાય નાર્કો ટેસ્ટ, કોર્ટે CBIની માગણી ફગાવી

કોલકાતા, 13 સપ્ટેમ્બર : આરજી કર મેડિકલ કોલેજમાં તાલીમાર્થી ડોક્ટર સાથે બળાત્કાર અને હત્યા કેસના મુખ્ય આરોપી સંજય રોયનો નાર્કો ટેસ્ટ નહિ કરવામાં આવે. કોર્ટે સીબીઆઈને આની મંજૂરી આપી ન હતી. સીબીઆઈએ સિયાલદહ કોર્ટમાં આરોપીઓના નાર્કો ટેસ્ટની માંગણી કરી હતી. જેને કોર્ટે માન્ય રાખી નથી. કેન્દ્રીય તપાસ એજન્સીએ આરોપી સંજય રોયનો પોલીગ્રાફી ટેસ્ટ પહેલા જ કરાવ્યો છે.

RG Kar Medical College and Hospital rape-murder case | Arrested accused Sanjay Roy refuses to give consent for Narco analysis test. The Sealdah Court in Kolkata rejected the CBI's prayer for Sanjay Roy's narco-analysis test.

— ANI (@ANI) September 13, 2024

હકીકતો છુપાવી રહ્યો છે 
આ મામલાને લઈને સીબીઆઈના સૂત્રોએ જણાવ્યું કે સંજય કેટલાક મહત્ત્વપૂર્ણ તથ્યો છુપાવી રહ્યો છે, જે પોલીગ્રાફ ટેસ્ટમાં બહાર આવ્યા છે, તેથી નાર્કો પણ જરૂરી છે. પરંતુ કોર્ટે તેની પરવાનગી આપી નથી.

CBI શું જાણવાનો પ્રયાસ કરશે?

મળતી માહિતી મુજબ, આ ટેસ્ટ દ્વારા સીબીઆઈ એ જાણવાનો પ્રયાસ કરવાની હતી કે, પોલીગ્રાફ ટેસ્ટમાં આરોપીએ જે કહ્યું તે નાર્કો સાથે કોઈ મેચ છે કે નહીં. અધિકારીઓ આ ઘટનામાં સંજયની સંડોવણી વિશે ખાતરી કરવા માંગે છે. જોકે, એઈમ્સ અને નિષ્ણાતોના અભિપ્રાયને જાણ્યા પછી જ તેનું વિશ્લેષણ કરવામાં આવશે.

નાર્કો ટેસ્ટ શું છે?

નાર્કો ટેસ્ટમાં, સોડિયમ પેન્ટોથલ નામની દવાને ડોકટરોની દેખરેખ હેઠળ મર્યાદિત માત્રામાં માનવ શરીરમાં દાખલ કરવામાં આવે છે. તેને ટ્રુથ સીરમ પણ કહેવામાં આવે છે. આ દવા શરીરમાં પ્રવેશતાની સાથે જ વ્યક્તિને અર્ધ-ચેતન એટલે કે અડધી બેભાન અવસ્થામાં લાવે છે. તે સાચું-ખોટું નક્કી કરી શકતો નથી. તે ફક્ત તે જ બોલે છે જેને તે સાચું માને છે. અથવા તે સત્ય તરીકે તેની સ્મૃતિમાં બેઠું છે. દર્દીને બેભાન કરવા માટે શસ્ત્રક્રિયા દરમિયાન ઘણીવાર એનેસ્થેસિયા તરીકે આ દવાનો ઉપયોગ કરવામાં આવે છે. જેથી તેને દુખાવો ન થાય.

નાર્કો એનાલિસિસ ટેસ્ટ કેવી રીતે થાય છે?

જરૂરી નથી કે નાર્કો ટેસ્ટ 100 ટકા સચોટ હોય. કારણ કે નશાની હાલતમાં વ્યક્તિ ક્યારેક ખોટા જવાબો આપે છે. ઘણી વખત તે વાર્તાઓ બનાવવાનું શરૂ કરે છે. આ સ્થિતિમાં જો પ્રશ્ન પૂછનાર વ્યક્તિ યોગ્ય રીતે પ્રશ્ન પૂછે તો દર્દી  સાચો જવાબ પણ આપી શકે છે. કારણ કે આ પ્રશ્નો પૂછવાની એક નરમ રીત છે. કેટલાક લોકો તેને થર્ડ ડિગ્રીનો નરમ અભિગમ પણ કહે છે. આ પરીક્ષણ દરમિયાન મનોવિજ્ઞાનીની નિમણૂક કરવામાં આવે છે. એવા જ પ્રશ્નો પૂછવાના પ્રયત્નો કરવામાં આવે છે. જેથી સાચો જવાબ મળી શકે. તપાસ અધિકારી અથવા ફોરેન્સિક નિષ્ણાત મનોવિજ્ઞાની સાથે બેસે છે.

આ પણ વાંચો : વાહ રે વિકાસ ! 42 કરોડમાં બનેલો બ્રિજ, હવે 52 કરોડમાં તોડી પાડવામાં આવશે, જાણો આખો મામલો