મોદી સરકારનું શાનદાર કામ: મોબાઈલમાં આ એપ ડાઉનલોડ કરી લો, ક્યારેય છેતરાશો નહીં

નવી દિલ્હી, 18 જાન્યુઆરી 2025: ફ્રોડ અથવા છેતરપીંડી કરનારા કોલ્સથી છુટકારો અપાવવા માટે સરકારે વધુ એક ખાસ એપ લોન્ચ કરી છે. સરકારે થોડા સમય પહેલા TRAI DND 3.0ના નામથી એક એપ રજૂ કરી હતી, જેની મદદથી તમે અજાણ્યા નંબરથી આવતા કોલ્સ અને મેસેજને બ્લોક કરી શકશો. પણ હવે દૂરસંચાર વિભાગે સંચાર સાથી એપના નામથી એક નવી એપ લોન્ચ કરી દીધી છે. જે સાઈબર ફ્રોડ, ફેક કોલ્સ અને મોબાઈલ સિક્યોરિટી સાથે જોડાયેલી કેટલીય સમસ્યાઓનું હલ થઈ થશે.

આ એપને કેન્દ્રીય સંચાર વિકાસ મંત્રી જ્યોતિરાદિત્ય સિંધિયાએ એક ખાસ પ્રોગ્રામમાં રજૂ કરી હતી. આ એપ મોબાઈલ યુઝર્સને પોતાના ફોનમાંથી જ સાઈબર ક્રાઈમને ફરિયાદ નોંધાવવા અને મોબાઈલ સાથે જોડાયેલી અન્ય કોઈ પણ સમસ્યા માટે ખાસ સુવિધા આપે છે.

સંચાર સારથી એપ કેમ આટલી ખાસ

હકીકતમાં જોઈએ તો, આ સંચાર સારથી એપનો ઉદ્દેશ્ય સ્માર્ટફોન યુઝર્સને સેફ અને અવેયર કરવાનું છે. આ અગાઉ 2023માં સરકારે સંચાર સાથી પોર્ટલ પણ લોન્ચ કર્યું હતું, જે ફેક કોલ્સ અને મેસેજની ફરિયાદ કરવા, ખોવાયેલા ડિવાઈસનો IMEI નંબર બ્લોક કરવા અને આધાર સાથે જોડાયેલ મોબાઈલ નંબરની જાણકારી સહિતના કેટલાય કામોમાં મદદ કરે છે. હવે આ પોર્ટલનો ઉપયોગ તમે મોબાઈલ એપ દ્વારા કરી શકશો, જે આપનો સાચો સાથી બનશે.

સંચાર સારથીના 5 ફાયદા

• સાઈબર ફ્રોડની ફરિયાદ– આ એપ દ્વારા યુઝર્સ કોઈ પણ ફેક કોલ, ફેક મેસેજ અથવા સાઈબર ક્રાઈમની ફરિયાદ મિનિટોમાં કરી શકશે.
• IMEI નંબર બ્લોક– એટલું જ નહીં આ એપથી ખોવાયેલા ડિવાઈસ ફોનનો IMEI નંબર બ્લોક કરી તેનો ખોટો ઉપયોગ થતા બચાવી શકાશે.
• આધારથી લિંક મોબાઈલ નંબર– એટલું જ નહીં આ એપના ઉપયોગથી આપ ચેક કરી શકશો કે આપનુ આધાર કાર્ડ કયા કયા મોબાઈલ નંબર સાથે લિંક છે.
• ફ્રોડથી બચાવશે– અજાણ્યા કોલ્સ અને મેસેજ સાથે જોડાયેલી સમસ્યાઓને હલ કરવામાં આ એપ આપની મદદ કરી શકશે.
• સેફ અને ઉપયોગ કરવાનું આસાન– આ એપને ઉપયોગ કરવાનું ખૂબ જ આસાન છે અને તે મોબાઈલ સિક્યોરિટીને વધારી દેશે.

આ પણ વાંચો: હવે PF એકાઉન્ટ ટ્રાન્સફર કરવાની પ્રક્રિયા સરળ થઈ, EPFOએ નિયમમાં કર્યો ફેરફાર