સનાતન અર્થતંત્રઃ પ્રયાગરાજની સાથે અયોધ્યામાં પણ ધનવર્ષા, જાણો વેપારીઓની આવકનો અધધ આંકડો

પ્રયાગરાજ, 21 જાન્યુઆરી 2025 : મહાકુંભ સ્નાનને કારણે રામ મંદિર નિર્માણ કાર્ય પ્રભાવિત થયું છે. જોકે, મહાકુંભ સ્નાન કર્યા પછી, લાખો ભક્તો રામ લલ્લાના દર્શન કરવા માટે અયોધ્યા પહોંચી રહ્યા છે. દરરોજ 2 લાખથી વધુ ભક્તો રામલલ્લાના દર્શન કરી રહ્યા છે. ૫૦ લાખથી વધુ શ્રદ્ધાળુઓના આગમનથી અયોધ્યામાં વેપાર પણ વધ્યો છે. જેનો સીધો ફાયદો અયોધ્યાના રહેવાસીઓ સાથે અયોધ્યાના વેપારીઓને પણ થઈ રહ્યો છે.

રામ લલ્લાના આગમનથી અયોધ્યાના અર્થતંત્રને એક નવી ગતિ મળી છે, જેને મહાકુંભના ભક્તોએ વધુ વેગ આપ્યો છે, જેના કારણે વેપારીઓમાં ખુશીની લહેર ફેલાઈ ગઈ છે. છેલ્લા 15 દિવસ અયોધ્યા માટે ખૂબ જ સુખદ રહ્યા છે. કારણ કે લગભગ 200 કરોડ રૂપિયાની આવકથાઈ છે જેના લીધે વેપારીઓના ચહેરા પર સ્મિત આવી ગયું છે. રામ મંદિરના નિર્માણ અને અયોધ્યાના કાયાકલ્પ માટે વેપારીઓ મુખ્યમંત્રી યોગી આદિત્યનાથના આભારી છે. અયોધ્યા હવે એક નવા યુગમાં પ્રવેશ કરી રહી છે, જ્યાં ભક્તોનું આંતરરાષ્ટ્રીય સ્તરની સુવિધાઓ સાથે સ્વાગત કરવામાં આવે છે.

ભક્તોની સતત વધતી સંખ્યાને કારણે, અયોધ્યામાં વ્યવસાય પણ વધી રહ્યો છે. જેમાં પૂજા સામગ્રી, હોટલ વ્યવસાય અને રેસ્ટોરન્ટ જેવી અનેક વસ્તુનો સમાવેશ થાય છે. અયોધ્યામાં વ્યવસાય ઝડપથી અને અનેકગણો વધ્યો છે. જેનો સીધો ફાયદો અયોધ્યાના રહેવાસીઓ સાથે અયોધ્યાના વેપારીઓને પણ થઈ રહ્યો છે. અયોધ્યાના લોકો, આસપાસના જિલ્લાઓ સહિત, અયોધ્યામાં આવી રહ્યા છે અને વ્યવસાય કરી રહ્યા છે. આ તેમના માટે સુવર્ણ સમય છે કારણ કે આ સમયે મહાકુંભમાં મોટી સંખ્યામાં ભક્તો હાજર હોય છે.

અયોધ્યામાં વધતી જતી અર્થવ્યવસ્થા જોઈને દરેક વ્યક્તિ મોદી અને યોગીની પ્રશંસા કરતા જોવા મળે છે. અયોધ્યાના બદલાતા સ્વરૂપે વિશ્વભરના રામ ભક્તોને અયોધ્યા તરફ આકર્ષ્યા છે. છેલ્લા 15 દિવસમાં 50 લાખથી વધુ ભક્તો અયોધ્યા પહોંચ્યા છે અને દર્શન, પૂજા અને સ્નાન કર્યું છે.

આ પણ વાંચો..6 કરોડનું સોનું પહેરેલા ગોલ્ડન બાબા મહાકુંભમાં છવાયા