સેમસંગ ગેલેક્સી રીંગ થઈ લોન્ચ, કિંમત ઉડાવી દેશે હોંશ, પહેલીવાર મળશે આ ફીચર્સ

પેરિસ, 11 જુલાઇ, સેમસંગે પેરિસમાં તેની અનપેક્ડ ઇવેન્ટ દરમિયાન Galaxy Unpacked 2024 તેની પ્રથમ સ્માર્ટ ગેલેક્સી રિંગને રજૂ કરી છે. આ નવી રિંગ Galaxy Watch7 અને Galaxy Watch Ultra ની સાથે લોન્ચ થઈ છે. આ રિંગને ખાસ કરી સ્વાસ્થ્ય અને ફિટનેસને ધ્યાનમાં રાખી બનાવવામાં આવી છે, અને તેને સ્વાસ્થ્ય અને ફિટનેસ ટ્રેકિંગ સંબંધિત મહત્વપૂર્ણ સુવિધાઓ પ્રદાન કરવામાં આવી છે. તેનું વજન ખૂબ જ ઓછું છે અને તમે તેને 24/7 પહેરી શકો છો.

સેમસંગ ગેલેક્સી રીંગ આખરે પેરિસમાં આયોજિત કંપનીના બીજા ગેલેક્સી અનપેક્ડ ઓફ ધ યરમાં લોન્ચ થઈ. જેને લોકો ખૂબ પસંદ કરી રહ્યા છે. નવીનતમ Galaxy Z ફોલ્ડેબલ સ્માર્ટફોનની સાથે રિંગની જાહેરાત કરવામાં આવી હતી. દક્ષિણ કોરિયન બ્રાન્ડની સૌપ્રથમવાર સ્માર્ટ રિંગ વિવિધ હેલ્થ ટ્રેકિંગ અને સ્લીપ મોનિટરિંગ ફીચર્સથી ભરેલી છે અને તે 13 સુધીની સાઈઝ સાથે ત્રણ ફિનિશમાં ઉપલબ્ધ છે. ગેલેક્સી રિંગમાં 2.3 ગ્રામથી 3.0 ગ્રામ વજનની હળવા ડિઝાઈન છે જેમાં વોટર-રેઝિસ્ટન્ટ છે. બિલ્ડ તેને એક જ ચાર્જ પર સાત દિવસ સુધીની બેટરી લાઈફ ડિલિવર કરવા માટે કહેવામાં આવે છે. તે સેમસંગ હેલ્થ પ્લેટફોર્મ પર ચાલે છે. આવો તમને તેના ફીચર્સ વિશે વિસ્તારથી જણાવીએ.

યુઝર્સે કોઈ એક્સ્ટ્રા સબસક્રીપ્શન ચાર્જ ચૂકવવાનો નથી
Galaxy Ring 7mm પહોળી અને 2.6mm જાડી છે અને કંપનીએ તેને Titanium Grade 5માંથી બનાવી છે જે તેને પ્રીમિયમ લુક આપે છે. કંપની અનુસાર, આ રિંગ IP 68 રેટિંગ સાથે આવે છે, એટલે કે તે સંપૂર્ણપણે વોટર અને ડસ્ટ પ્રૂફ છે. તેને એકવાર સંપૂર્ણ ચાર્જ કરીને 7 દિવસ સુધી વાપરી શકાય છે. આ રિંગની ખાસ વાત એ છે કે આ સર્વિસનો ઉપયોગ કરવા માટે યુઝર્સે કોઈ એક્સ્ટ્રા સબસક્રીપ્શન ચાર્જ ચૂકવવાનો નથી. Samsung Galaxy Ring 10 જુલાઈથી એટલે કે ગઈકાલથી જ કેટલાક ખાસ દેશોમાં પ્રિ ઓર્ડર માટે ઉપલબ્ધ થઈ ચૂકી છે.

સ્માર્ટ રિંગને મોબાઈલ સાથે કનેક્ટ કરી શકાશે
આરોગ્ય અને ફિટનેસ ટ્રેકિંગ વિશે વાત કરીએ તો, તેમાં 24/7 ટ્રેકિંગ છે અને તેમાં અદ્યતન સ્લીપ ટ્રેકિંગ પણ છે. જો તમે તેને પહેરીને કોઈપણ કસરત કરો છો, તો તે તેને આપમેળે શોધી લેશે, આ માટે તેમાં ઓટો એક્સરસાઇઝ ડિટેક્શન ફીચર આપવામાં આવ્યું છે. તેમાં સ્કિન ટેમ્પરેચર મોનિટર પણ છે અને તે સાયકલ ટ્રેકિંગથી પણ સજ્જ છે. આ સ્માર્ટ રિંગને મોબાઈલ સાથે કનેક્ટ કરી શકાશે અને તમામ માહિતી એપમાં ઉપલબ્ધ થશે. આ રીંગ યુઝર્સને પર્સનલાઈઝ વેલનેસ ટિપ્સ પણ આપશે જેથી લોકો વધુ સારી રીતે વર્કઆઉટ કરી શકે. Samsung Galaxy Ringના સેન્સર ઈનોવેશનનો ઉપયોગ કરીને તમે ડિટેઈલ્ડ સ્લીપ એનાલિસીસ, હાર્ટ રેટ એલર્ટ, પર્સનલાઈઝ્ડ વેલનેસ ટિપ્સ મેળવી શકો છો. આ રિંગ 10 એટીએમ વોટર રેઝિસ્ટન્સન ધરાવે છે. એટલે કે Samsung Galaxy Ring 10 મીટર સુધી ઉંડા પાણીમાં કામ કરી શકે છે. કંપનીએ આ રિંગની કિંમત 399 ડૉલર્સ રાખી છે. ભારતીય રૂપિયામાં આશરે રૂ. 34,000 થવા જાય છે. જો કે હજી કંપનીએ સ્માર્ટ રિંગ ભારતમાં ક્યારે લોન્ચ થશે તેની જાહેરાત નથી કરી.

રીંગ ખોવાઈ જાય તો શું કરવું ?
રસપ્રદ વાત એ છે કે ગેલેક્સી સ્માર્ટફોનને પણ આ સ્માર્ટ રિંગથી કંટ્રોલ કરી શકાય છે. જેસ્ચર કંટ્રોલ ફીચર્સ છે જેના દ્વારા તમે આ રીંગ પહેરીને મોબાઈલના કેટલાક ફીચર્સનો ઉપયોગ કરી શકો છો. જો રીંગ ક્યાંક ખોવાઈ ગઈ હોય, તો તેને સેમસંગ ફાઇન્ડ ફીચરની મદદથી શોધી શકાય છે. કારણ કે તે પણ અન્ય એન્ડ્રોઇડ ફોનની જેમ કનેક્ટ કરે છે અને તેમાં જીપીએસ સપોર્ટ પણ હોવાથી તમને ખબર પડે છે કે રિંગનું સ્થાન શું છે. ફર્સ્ટ હેન્ડ યુઝ વિશે વાત કરીએ તો, આ રિંગ થોડા સમય પછી ભારતમાં લોન્ચ કરવામાં આવશે, પરંતુ વૈશ્વિક બજારમાં તેનું વેચાણ પહેલાથી જ શરૂ થઈ જશે.

આ પણ વાંચો..આજે છે સેમસંગની મોટી ઈવેન્ટ, ફોલ્ડિંગ ફોનથી લઈને સ્માર્ટ રિંગ સુધીની અનેક પ્રોડક્ટ્સ થશે લોન્ચ