સેમસંગ ચીફ લી 2015ના મર્જર કેસમાં નિર્દોષ જાહેર થયા

સિઓલ (દક્ષિણ કોરિયા),05 ફેબ્રુઆરી: સાઉથ કોરિયાની એક અદાલતે સેમસંગ ઈલેક્ટ્રોનિક્સના ચેરમેન લી જે-યોંગને ચેઈલ અને સેમસંગના મર્જર અંગેના નાણાકીય ગેરરીતિના આરોપમાં નિર્દોષ જાહેર કર્યા છે. અગાઉ લી પર સ્ટોક પ્રાઈસ મેનીપ્યુલેશન અને એકાઉન્ટિંગ ફ્રોડના આરોપ હતો. સિઓલ સેન્ટ્રલ ડિસ્ટ્રિક્ટ કોર્ટે સોમવારે ચુકાદો આપ્યો હતો કે લી સ્ટોકના ભાવની હેરાફેરી અને એકાઉન્ટિંગ છેતરપિંડી માટે દોષિત નથી. વર્ષોથી કાનૂની સમસ્યાઓમાં ફસાયેલા લી ની તરફેણમાં ચુકાદો આવતાં આ કેસમાંથી રાહત મળી છે.

વર્ષો પછી સેમસંગના ચેરમેનને મળી રાહત

કોર્ટે જણાવ્યું હતું કે સેમસંગ સીએન્ડટી અને ચેઇલ ઈન્ડસ્ટ્રીઝ વચ્ચે મર્જર સેમસંગ ઈલેક્ટ્રોનિક્સ પર લીના નિયંત્રણને મજબૂત કરવાના ઉદ્દેશ્યથી ગેરકાયદેસર રીતે હાથ ધરવામાં આવ્યું હતું તે સાબિત કરવામાં પ્રોસિક્યુશન પૂરતા પ્રમાણમાં નિષ્ફળ ગયું હતું. ફરિયાદીઓએ લી માટે પાંચ વર્ષની જેલની સજાની માંગ કરી હતી. જો કે, ફરિયાદીઓ આગળ ઉચ્ચ ન્યાયાલયમાં અરજી કરશે કે નહીં તે હજુ સુધી સ્પષ્ટ થયું ન હતું. બીજી તરફ, લી એ ગેરરીતિનો ઇનકાર કરતા કહ્યું હતું કે 2015નું મર્જર સામાન્ય વ્યવસાયિક પ્રવૃત્તિનો એક ભાગ હતું.

આ કેસમાં 18 મહિનાની જેલની સજા ભોગવી ચૂક્યા છે

લીએ 2015ના સોદાને લગતા અલગ-અલગ લાંચના આરોપમાં 2017માં દોષિત ઠેરવવામાં આવ્યા બાદ 18 મહિનાની જેલની સજા ભોગવી હતી. ભૂતપૂર્વ પ્રમુખ પાર્ક ગ્યુન-હાયને લાંચમાં 8.6 બિલિયન વોન ($6.4 મિલિયન)ની ઓફર કરવા બદલ લીને મૂળ રીતે પાંચ વર્ષની જેલની સજા ફટકારવામાં આવી હતી. લીને 2021માં પેરોલ પર મુક્ત કરવામાં આવ્યો હતો.  નોંધનીય છે કે, સેમસંગ C&T, જૂથની ડી-ફેક્ટો હોલ્ડિંગ કંપની કે જેમાં લી સૌથી મોટા શેરહોલ્ડર છે, જેના શેર ચુકાદા કરતા 5% જેટલા વધ્યા હતા.

આ પણ વાંચો: રામ મંદિર પ્રાણ પ્રતિષ્ઠા મહોત્સવમાં પહોંચતા જ આ બિઝનેસમેનની 10 બિલિયન ડૉલરની ડીલ તૂટી