‘સમ્રાટ પૃથ્વીરાજ’ ફિલ્મનું એડવાન્સ બુકિંગ શરૂ, Box Office પર કાર્તિકને પછાડશે અક્ષય?
કાર્તિક આર્યનની ફિલ્મ ‘ભૂલ ભુલૈયા 2’ બોક્સ ઓફિસ પર ધૂમ મચાવી રહી છે. આ ફિલ્મ 100 કરોડની ક્લબમાં સામેલ થઈ ગઈ છે અને આ દરમિયાન, અક્ષય કુમાર અને માનુષી છિલ્લરની મોસ્ટ અવેટેડ ફિલ્મ ‘સમ્રાટ પૃથ્વીરાજ’ સિનેમાઘરોમાં રિલીઝ થવાની છે. આ ફિલ્મ 3 જૂને ચાહકોની વચ્ચે આવશે, જેમાં થોડા દિવસો બાકી છે અને હવે ફિલ્મનું એડવાન્સ બુકિંગ પણ શરૂ થઈ ગયું છે. કાર્તિક આર્યનની ફિલ્મ ‘ભૂલ ભુલૈયા 2’ની જેમ અક્ષય કુમારની ‘સમ્રાટ પૃથ્વીરાજ’ની ટિકિટનું એડવાન્સ બુકિંગ શરૂ થઈ ગયું છે.
All eyes on the much-awaited biggie #SamratPrithviraj… Riding on high expectations… Important to collect big numbers at the #BO… What are *your* expectations? pic.twitter.com/JFibMFVJqb
— taran adarsh (@taran_adarsh) May 29, 2022
અક્ષય કુમારે ઇન્સ્ટાગ્રામ પર એક પોસ્ટ શેર કરી અને ફિલ્મ માટે ટિકિટનું એડવાન્સ બુકિંગ શરૂ થવાની જાણકારી આપી. અભિનેતાએ ફિલ્મનું પોસ્ટર શેર કર્યું છે, જેના પર ‘ફિલ્મની બુક ટિકિટ’ લખેલું છે. આ સિવાય ફિલ્મની રિલીઝ ડેટ પણ પોસ્ટરમાં છે. અક્ષય કુમારની આ ફિલ્મે ચાહકોમાં જબરદસ્ત ધૂમ મચાવી છે. આવી સ્થિતિમાં, નિર્માતાઓ પણ માને છે કે ફિલ્મ માટે ટિકિટનું એડવાન્સ બુકિંગ સારું રહેશે. એવી અપેક્ષા છે કે એડવાન્સ ટિકિટ બુકિંગ લગભગ 10થી 12 કરોડ રૂપિયા હશે.
'PRITHVIRAJ' TITLE CHANGED TO 'SAMRAT PRITHVIRAJ'… #YRF has changed the title of #Prithviraj to #SamratPrithviraj… Arrives in *cinemas* next Friday. pic.twitter.com/hOrOArjEg3
— taran adarsh (@taran_adarsh) May 27, 2022
અક્ષય કુમારની ફિલ્મ પણ રિલીઝ પહેલા જ વિવાદોમાં ફસાઈ ગઈ હતી. કરણ સેનાએ ફિલ્મના નામનો વિરોધ કર્યો હતો. સંસ્થાએ ફિલ્મના નામમાં ફેરફારની માંગ કરતી જાહેર હિતની અરજી કરી હતી. અરજીમાં કહેવામાં આવ્યું હતું કે ફિલ્મના ટાઈટલને કારણે રાજપૂત સમુદાયને ઠેસ પહોંચી હતી, ત્યારબાદ મેકર્સે ફિલ્મનું નામ ‘પૃથ્વીરાજ’થી બદલીને ‘સમ્રાટ પૃથ્વીરાજ’ કરી દીધું હતું. 28મે શનિવારના દિવસે નવા નામ સાથે ફિલ્મનું પોસ્ટર પણ સામે આવ્યું હતું,
‘સમ્રાટ પૃથ્વીરાજ’નું નિર્દેશન ચંદ્રપ્રકાશ દ્વિવેદીએ કર્યું છે. આ ફિલ્મ યશ રાજ ફિલ્મ્સના બેનર હેઠળ બની રહી છે. રાજા પૃથ્વીરાજ ચૌહાણના જીવન પર આધારિત આ ફિલ્મમાં અભિનેતા અક્ષય કુમાર રાજા પૃથ્વીરાજની ભૂમિકામાં જોવા મળશે. તો, માનુષી છિલ્લર સંયોગિતાના પાત્રથી બોલિવૂડમાં ડેબ્યૂ કરવા જઈ રહી છે. ફિલ્મમાં અક્ષય અને માનુષી ઉપરાંત સોનુ સૂદ, સંજય દત્ત, આશુતોષ રાણા, માનવ વીજ, સાક્ષી તંવર, લલિત તિવારી પણ મહત્વની ભૂમિકામાં જોવા મળશે.
