દુબઈમાં સાઉથની બ્યુટીફૂલ એક્ટ્રેસ, ટૂંક સમયમાં દેખાશે આ ફિલ્મમાં !
સાઉથ ફિલ્મ ઈન્ડસ્ટ્રીની વેલનોન એક્ટ્રેસ સામંથા રૂથ પ્રભુ આજકાલ કંઈક વધુ જ ચર્ચામાં છે. આ બધી ચર્ચાઓ વચ્ચે આ સુપરસ્ટારની અપકમિંગ ફિલ્મ ‘યશોદા’નું પોસ્ટર રિલીઝ કરવામાં આવ્યું છે. જેમાં સામંથના ભરપૂર વખાણ કરવામાં આવી રહ્યા છે. તો આ બધા ન્યૂઝની વચ્ચે સામંથ રૂથ પ્રભુ અત્યારે વેકેશન એન્જોય કરવા દુબઈ પહોંચી ગઈ છે. આ વાત જાણ બધાને ત્યારે થઈ જ્યારે સામંથની બેસ્ટ ફ્રેન્ડ એન્ડ મોડલ શિલ્પા રેડ્ડીએ સોશિયલ મીડિયા પર તેની અને સામંથની તસવીરો શેર કરી.
દુબઈમાં વેકેશન માણી રહેલી સામંથા
સામંથા રૂથ પ્રભુની આગામી ફિલ્મ ‘યશોદા’નું શૂટિંગ પણ હાલમાં જ સમાપ્ત થયું છે. આવી સ્થિતિમાં, સમંથા પ્રભુ કામથી દૂર નવરાશનો સમય પસાર કરવા દુબઈના પ્રવાસે ગયા છે. સામંથા રુથ પ્રભુની નજીકની અને બેસ્ટ ફ્રેન્ડ શિલ્પા રેડ્ડીએ હાલમાં જ તેના ઓફિશિયલ ઈન્સ્ટાગ્રામ હેન્ડલ પર કેટલીક તસવીરો શેર કરી છે, આ તસવીરોમાં તમે જોઈ શકો છો કે સામંથા શિલ્પાની બહેન અને તેના બાળકો સાથે જોવા મળી રહી છે. સામંથા રૂથ પ્રભુની આ તસવીરોમાં તેનો લુક અદભૂત લાગી રહ્યો છે. આ સાથે સામંથા પોતાની સુંદરતાથી બધાનું ધ્યાન પોતાની તરફ ખેંચી રહી છે. સામંથા પ્રભુની આ તસવીરો સોશિયલ મીડિયા પર ઘણી પસંદ કરવામાં આવી રહી છે.
આ દિવસે ફિલ્મ ‘યશોદા’ રિલીઝ થશે
‘પુષ્પા’ ફિલ્મના એક ગીત પર ધમાલ મચાવનાર સમંથા રૂથ પ્રભુ ટૂંક સમયમાં ‘યશોદા’ ફિલ્મથી ચાહકોના દિલ જીતવા જઈ રહી છે. તાજેતરમાં જ સામંથાની આ ફિલ્મનું ઓફિશિયલ પોસ્ટર રિલીઝ કરવામાં આવ્યું હતું. તે પછી ચાહકો આતુરતાથી સામંથા રૂથ પ્રભુની આ ફિલ્મની રાહ જોઈ રહ્યા છે. તમને જણાવી દઈએ કે સાઉથની સુપરસ્ટાર સામંથા પ્રભુની આ ફિલ્મ આ વર્ષે 12 ઓગસ્ટે સિનેમાઘરોમાં રિલીઝ થશે.
