સામંથા રૂથનો હોટ અવતાર, ‘ફોટો’એ સોશિયલ મીડિયાનું ટ્રેમરેચર વધાર્યું
એમેઝોન પ્રાઇમની હિટ સિરીઝ ‘ફેમિલી મેન 2’થી રાતોરાત ફેમસ થયેલી સામંથા રૂથ પ્રભુના સમગ્ર વિશ્વમાં ચાહકો છે. સામંથા પોતાની તસ્વીરો શેર કરીને તેના ચાહકોને ખુશ કરતી હોય છે. સોશિયલ મીડિયા પર તે ખુબ જ એક્ટીવ રહેતી જોવા મળે છે. ત્યારે અભિનેત્રીએ મંગળવારે તેની કેટલીક લેટેસ્ટ તસવીરો શેર કરી હતી. જેમાં સામંથા એટલી હોટ લાગી રહી છે કે બોલિવૂડ દિવા અનુષ્કા શર્મા પણ સામંથાના આ બોલ્ડ લુકથી પ્રભાવિત થઈ હતી.
સામંથાની આ બોલ્ડેસ્ટ તસવીર પર ઘણા સેલેબ્સે હોટ એન્ડ ફાયર જેવી કોમેન્ટ કરી. બોલિવૂડ દિવા અનુષ્કા શર્મા પણ સામંથાના આ બોલ્ડ લુકથી પ્રભાવિત થઈ હતી અને કોમેન્ટ કરતી વખતે તેને ‘હોટી’ કહી હતી. સામંથાએ પણ અનુષ્કાની કોમેન્ટ પર ખુશ થઈને ઇમોજી વડે જવાબ આપ્યો હતો.
આ સિવાય હંસિકા મોટવાણી સહિત અન્ય ઘણી સાઉથ અભિનેત્રીઓએ પણ કોમેન્ટ કરી અને વખાણ કર્યા હતા. કન્નડ અભિનેત્રી સંયુક્તા હેગડેએ કોમેન્ટ કરી અને લખ્યું કે, કોઈ ફાયર બ્રિગેડને બોલાવો. તે જ સમયે તેલુગુ અભિનેત્રી લક્ષ્મી મંચુએ કોમેન્ટ કરી કહ્યું કે, થોડું અગ્નિશામક લાવો, ઉફ્ફ.
સામંથાના વર્કફ્રન્ટ વિશે વાત કરીએ તો તેણે તાજેતરમાં તેની બહુપ્રતિક્ષિત ફિલ્મ ‘કુશી’નું પ્રથમ શેડ્યૂલ પૂરું કર્યું છે. આ ફિલ્મમાં તે એક્ટર વિજય દેવેરાકોંડાની સાથે જોવા મળશે. આ ફિલ્મ સિવાય સામંથા પાસે ‘યશોદા’ અને ‘શકુંતલમ’ જેવી ફિલ્મો પણ છે. તેણે તાજેતરમાં તેનો ફર્સ્ટ લુક શેર કર્યો છે. જે આ વર્ષના અંત સુધીમાં રિલીઝ થશે. તે જ સમયે સામંથા તેની આગામી ફિલ્મ ‘કથુવાકુલા રેંદુ કથલ’માં વિજય સેતુપતિ અને નયનથારા સાથે પણ જોવા મળશે.
