લગ્નમાંથી છુટાછેડા વચ્ચે પુષ્પા ફિલ્મમાં આઇટ સોન્ગ કરવા અંગે સમાંથા રૂથે હવે કર્યો ખુલાસો

• સમાંથા રૂથ પ્રભુ અંગ્રેજી વેબસાઇટ મિસ માલિની સાથે વાત કરી
• ‘એક્ટર પૂર્વ પતિ નાગા ચૈતન્ય સાથે છૂટાછેડા અને કરિયર વિશે વાત કરી.
• ‘ઉ અંટાવા’ ઓફર દરમિયાન પતિનું અલગ થવાનું ચાલુ હતું.
• ‘પરિવાર ઇચ્છતા ન હતા કે છૂટાછેડા પછી ‘પુષ્પા’નું ‘ઉ અંટાવા’ ગીત કરું.

સાઉથ સિનેમાની ફેમસ એક્ટ્રેસ સમાંથા રૂથ પ્રભુ ફિલ્મો સિવાય પોતાના નિવેદનોને કારણે પણ ચર્ચામાં રહે છે. તે હંમેશા પોતાની પ્રોફેશનલ અને પર્સનલ લાઈફ વિશે ખુલીને વાત કરે છે. હવે સમાંથા રૂથ પ્રભુએ ખુલાસો કર્યો છે કે તેના છૂટાછેડા પછી, જ્યારે તે પુષ્પા ફિલ્મમાં આઇટમ નંબર ‘ઉ અંટાવા’ કરી રહી હતી, ત્યારે તેના પરિવાર અને મિત્રોએ તેને તે કરવાની મનાઈ કરી હતી. એક્ટ્રેસે જણાવ્યું હતું કે તેનો પરિવાર તેના છૂટાછેડા પછી તરત જ આવા આઇટમ નંબર્સ કરવા માંગતો ન હતો. સમાંથા રૂથ પ્રભુએ તેના લેટેસ્ટ ઈન્ટરવ્યુમાં આ વાતનો ખુલાસો કર્યો છે. એક્ટ્રેસે તાજેતરમાં અંગ્રેજી વેબસાઇટ મિસ માલિની સાથે વાત કરી હતી.

આ પણ વાંચો : પુષ્પા 2માં RRR સ્ટારની એન્ટ્રી, ડિરેક્ટર સુકુમારે બનાવ્યો મેગા પ્લાન

એક્ટર પૂર્વ પતિ નાગા ચૈતન્ય સાથે છૂટાછેડા અને કરિયર વિશે વાત કરી

આ દરમિયાન તેણીએ એક્ટર પૂર્વ પતિ નાગા ચૈતન્ય સાથે છૂટાછેડા અને કરિયર વિશે વાત કરી છે. સમાંથા રૂથ પ્રભુએ કહ્યું કે ‘જ્યારે મને ‘ઉ અંટાવા’ ઓફર કરવામાં આવી હતી ત્યારે મારા પતિનું અલગ થવાનું ચાલુ હતું. અને જ્યારે અમે અલગ થવાની જાહેરાત કરી ત્યારે મારા દરેક મિત્ર, દરેક શુભેચ્છક અને મારા પરિવારજનોએ મને કહેતા હતા કે હવે તું ઘરે બેસ, હવે છૂટાછેડાની જાહેરાત પછી તું આઈટમ સોંગ નહીં કરી શકે અને તું એને નાં પાડી દે.

આ પણ વાંચો : FIFA વર્લ્ડ કપના સમારોહમાં નોરા ફતેહી પરફોર્મ કરી ભારતનું પ્રતિનિધિત્વ કરશે

પરિવારે અને મિત્રોએ આઈટમ સોંગ ન કરવા કહ્યું

સમાંથા રૂથ પ્રભુએ આગળ કહ્યું, ‘મારા મિત્રો જે સામાન્ય રીતે મને પ્રોત્સાહિત કરે છે અને કહેવા લાગ્યા કે સુપર ડીલક્સ જેવી ફિલ્મો કર, પોતાની જાતને ચેલેન્જ આપ, ત્યાં સુધી કહ્યું કે આઇટમ્સ ન કર. તેથી મેં નક્કી કર્યું કે હું તે કરી રહી છું કારણ કે મને લાગ્યું કે હું શા માટે છુપાવું? મારો મતલબ છે કે મેં કંઈ ખોટું કર્યું નથી, હું શા માટે છુપાવું? હું સંતાવા નહોતી જતી. બધી ટ્રોલિંગ અને દુર્વ્યવહાર દૂર થાય તેની રાહ જોઈ રહી હતી અને પછી ધીરે ધીરે એવી રીતે પાછી આવી ગઈ કે જાણે કોઈએ ગુનો કર્યો હોય. હું એવું નહોતી કરવા માંગતી. મેં મારા લગ્નને 100 ટકા આપ્યા, તે કામ ન કર્યું પરંતુ હું મારી જાતને મારવા નહોતી માંગતી અને મેં જે નથી કર્યું તેના માટે દોષિત મહેસૂસ કર્યું. આ સિવાય સમાંથા રૂથ પ્રભુએ બીજી ઘણી બધી વાતો કરી.