સલમાનને ફરી જાનથી મારી નાખવાની મળી ધમકી, આ વખતે ફોન કરનારે તારીખ પણ આપી

સલમાન ખાનને મળી રહેલી ધમકીઓનો સિલસિલો અટકવાનું નામ નથી લઈ રહ્યો. ફરી એકવાર સલમાન ખાનને વધુ એક ધમકી મળી છે. આ વખતે સૌથી ચોંકાવનારી વાત એ છે કે ફોન કરનારે પોલીસ કંટ્રોલ રૂમમાં ફોન કરીને કહ્યું છે કે તે 30મીએ સલમાન ખાનને મારી નાખશે. અભિનેતા સલમાન ખાનને અગાઉ પણ આવી ધમકીઓ મળી ચૂકી છે. ગઈકાલે એટલે કે સોમવારે રાત્રે 9 વાગે મુંબઈ પોલીસના કંટ્રોલ રૂમમાં સલમાન ખાન માટે જાનથી મારી નાખવાની ધમકીનો કોલ આવ્યો હતો. આ વખતે ફોન કરનારે પોલીસ કંટ્રોલ રૂમને ફોન કરીને કહ્યું છે કે તે 30મીએ સલમાન ખાનને મારી નાખશે. એટલું જ નહીં, ફોન કરનારે પોતાનું નામ રોકી ભાઈ હોવાનું જણાવ્યું હતું અને કહ્યું હતું કે તે જોધપુરનો ગાય રક્ષક છે. આ ફોન કોલ બાદ પોલીસ વિભાગમાં હલચલ મચી ગઈ છે અને મુંબઈ પોલીસે આ મામલે તપાસ શરૂ કરી છે. પોલીસ આ મામલે દરેક રીતે તપાસમાં લાગેલી છે.

આ પણ વાંચ : સોનિયા ગાંધીના કેન્દ્ર સરકાર પર આકરા પ્રહાર, કહ્યું; લોકશાહીના ત્રણેય સ્તંભ ખતમ કરી રહી છે સરકાર
સતત ધમકીઓને કારણે અભિનેતા સલમાન ખાનની સુરક્ષા પણ વધારી દેવામાં આવી છે. આ સાથે અભિનેતાને Y પ્લસ કેટેગરીની સુરક્ષા પણ આપવામાં આવી છે. એટલું જ નહીં, પરંતુ અભિનેતાએ તેની સુરક્ષા માટે ખૂબ જ મોંઘું સફેદ રંગનું બુલેટપ્રૂફ વાહન પણ ખરીદ્યું છે. સોમવારે સલમાન ખાનની આગામી ફિલ્મ ‘કિસી કા ભાઈ કિસી કી જાન’નું ટ્રેલર લોન્ચ કરવામાં આવ્યું છે. આ દરમિયાન ફિલ્મની આખી ટીમ સાથે જોવા મળી હતી. આ ફિલ્મને લઈને ચાહકોમાં ઘણો ક્રેઝ છે અને દરેક લોકો આ ફિલ્મની આતુરતાથી રાહ જોઈ રહ્યા છે.