‘બેબી જોન’ ફિલ્મમાં સલમાન ખાનનો કેમિયો: વરુણ ધવને કર્યું કન્ફર્મ, જાણો શું કહ્યું

• અગાઉ સલમાન ખાને આ મહિને રિલીઝ થયેલી અજય દેવગનની ‘સિંઘમ અગેન’માં પણ કેમિયો કર્યો હતો

મુંબઈ, 12 નવેમ્બર: બોલિવૂડ સ્ટાર વરુણ ધવન આ વર્ષે તેની એક્શન ફિલ્મ ‘બેબી જોન’ લઈને આવી રહ્યો છે. છેલ્લા કેટલાક દિવસોથી એવી ચર્ચા ચાલી રહી છે કે, આ ફિલ્મમાં સલમાન ખાન કેમિયો કરશે. અગાઉ ભાઈજાને આ મહિને રિલીઝ થયેલી અજય દેવગનની ‘સિંઘમ અગેન’માં પણ કેમિયો કર્યો હતો. દરમિયાન વરુણ ધવને એવા સારા સમાચાર આપ્યા છે કે, સલમાન ખાનના ચાહકો ખુશીથી ઉછળી પડશે. તેણે સ્પષ્ટ કરી દીધું છે કે, ફિલ્મ ‘બેબી જોન’માં સલમાન ખાન જબરદસ્ત કેમિયો કરવા જઈ રહ્યો છે. તેણે આ વાતની જાણકારી સોશિયલ મીડિયા દ્વારા ફેન્સને આપી છે.

Minutes Nahi bolunga impact bahut zyaada kaafi mahino ka milega #babyjohn #varunsays https://t.co/J3T4RFtPDh

— VarunDhawan (@Varun_dvn) November 11, 2024

વરુણ ધવને સોમવારે રાત્રે સોશિયલ મીડિયા પ્લેટફોર્મ X (ટ્વિટર) પર Ask Me Anything સેશનનું આયોજન કર્યું હતું. આ દરમિયાન ચાહકોએ તેને ફિલ્મ ‘બેબી જોન’ને લઈને ઘણા પ્રશ્નો પૂછ્યા. એક યુઝરે ફિલ્મમાં સલમાન ખાનના કેમિયોને લઈને પ્રશ્ન પૂછ્યો હતો. ફેન્સે વરુણ ધવનને પૂછ્યું કે, ‘બેબી જોનમાં ભાઈ (સલમાન ખાન)નો કેમિયો કેટલી મિનિટનો છે, તેના પર અભિનેતાએ જવાબ આપ્યો કે, ‘હું મિનિટ તો નહીં કહું, પરંતુ અસર ઘણા મહિનાઓ સુધી રહેશે.’ વરુણ ધવનના આ જવાબ પર ફેન્સ ખૂબ જ ખુશ થઈ ગયા.

‘બેબી જોન’ ફિલ્મનું ટ્રેલર ક્યારે આવશે?

એક ચાહકે પૂછ્યું કે, “બેબી જોનનું ટ્રેલર ક્યારે આવશે.” જેના જવાબમાં વરુણ ધવને કહ્યું કે, “ટ્રેલર માટે હજુ સમય છે. આ ફિલ્મ 25મી ડિસેમ્બરે રિલીઝ થશે. તે પહેલા ફિલ્મનું ટ્રેલર ચોક્કસપણે રિલીઝ થઈ જશે.” તે જાણીતું છે કે વરુણ ધવનના કરિયરની આ પહેલી ફુલ એક્શન ફિલ્મ છે, જેને એટલી દ્વારા બનાવવામાં આવી છે. આમાં જેકી શ્રોફ વિલનની ભૂમિકામાં જોવા મળશે. તે જ સમયે, કીર્તિ સુરેશ, વામિકા ગબ્બી અને રાજપાલ યાદવ પણ ફિલ્મનો એક ભાગ છે.

Trailer ke liya time hain 25 Dec picture hain uske thoda phele tak for sure #varunsays https://t.co/Mwidoqwo04

— VarunDhawan (@Varun_dvn) November 11, 2024

વરુણ ધવન જ્હાન્વી કપૂર સાથે કરશે રોમાન્સ

ઉલ્લેખનીય છે કે, ‘બેબી જોન’ સિવાય વરુણ ધવન પાસે ફિલ્મ ‘સની સંસ્કરી કી તુલસી કુમારી’ પણ છે. શશાંક ખેતાનની દુલ્હનિયા સિરીઝની આ ત્રીજી ફિલ્મ છે. આલિયા ભટ્ટ આ સિરીઝ ‘હમ્પ્ટી શર્મા કી દુલ્હનિયા’ અને ‘બદ્રીનાથ કી દુલ્હનિયા’માં જોવા મળી હતી અને હીરો વરુણ ધવન હતો. બંને ફિલ્મો કમાણીના મામલામાં સફળ રહી હતી. હવે જ્હાન્વી કપૂર ‘સની સંસ્કારી કી તુલસી કુમારી’માં જોવા મળશે અને આ ફિલ્મ આવતા વર્ષે એપ્રિલમાં 2025માં સિનેમાઘરોમાં આવશે.

આ પણ જૂઓ: ‘હેરા ફેરી’ બાબુ રાવ, રાજુ અને ઘનશ્યામની ત્રિપુટી ફરી પાછી ફરી, સ્ટાઇલિશ અંદાજમાં રિયુનિયન