સલમાને 2 પાંસળીઓ તૂટી હોવાનું કન્ફર્મ કર્યું, ફેન્સે ચિંતા વ્યક્ત કરી

મુંબઈ – 6 સપ્ટેમ્બર :   છેલ્લા ઘણા દિવસોથી સલમાન ખાનની તબિયત સારી ન હોવાના અહેવાલો આવી રહ્યા છે. હવે એક કાર્યક્રમમાં તેણે પોતે પુષ્ટિ કરી કે તેની બે પાંસળીઓ તૂટી ગઈ છે. આ વીડિયો સોશિયલ મીડિયા પર વાયરલ થતા તેના ઘણા ફેન્સ ચિંતિત છે. આ પહેલા એવી અટકળો પણ લગાવવામાં આવી હતી કે સલમાન ફિટ ન હોવાને કારણે આ વખતે બિગ બોસ હોસ્ટ નહીં કરે. જો કે, ઇવેન્ટમાં પહોંચ્યા પછી, તેણે પુષ્ટિ કરી કે આ વખતે પણ ઘરના સભ્યોને ઠપકો આપવા વીકેન્ડ કા વાર પર સલમાન ખાન જ આવશે.

Bhai about his rib injury, says 2 pasliyan tooti hain 🥺 Plz take care #SalmanKhan bhai ❤️ #BiggBoss18 pic.twitter.com/sGn75122ig

— Nav Kandola (@SalmaniacNav) September 5, 2024

બિગ બોસ ઈવેન્ટમાં થયેલી ઈજા પર સલમાન બોલ્યો
આ વખતે બિગ બોસ ઓટીટી સીઝન 3માં સલમાન ખાનની જગ્યાએ અનિલ કપૂર હોસ્ટ હતો. જ્યારે બિગ બોસ 18 હોસ્ટ કરવાની વાત આવી ત્યારે ફરી ચર્ચાઓ શરૂ થઈ કે સલમાન તેને હોસ્ટ નહીં કરે. જોકે, જ્યારે સલમાન બિગ બોસની ઈવેન્ટમાં જોવા મળ્યો હતો, ત્યારે એ વાતની પુષ્ટિ થઈ હતી કે તે આ સીઝનને હોસ્ટ કરશે. આ દરમિયાન એક વીડિયોએ ફેન્સની ચિંતા વધારી દીધી છે. આ વીડિયોમાં સલમાન પોતાની વેનિટીમાં જતો જોવા મળી રહ્યો છે. દરમિયાન, ફોટોગ્રાફરો તેમને ઘેરી વળે છે. આ દરમિયાન સલમાન નજીકના લોકોને કહે છે, ‘સાચવીને બે પાંસળી તૂટેલી છે.’

ચાહકો ચિંતિત થઈ ગયા
જ્યારે આ વીડિયો સોશિયલ મીડિયા પર ફરતો થયો ત્યારે તેના ચાહકો તેના જલ્દી સ્વસ્થ થવાની પ્રાર્થના કરી રહ્યા હતા. એકે લખ્યું છે કે સલમાન ભાઈ જલ્દી સ્વસ્થ થઈ જાઓ. મિસ્ટર સલમાન ખાન ઈજાને ગંભીરતાથી લો, હેલ્થથી વધીને કંઈ જ નથી.

આ પણ વાંચો : ડિવોર્સ પછી હની સિંહે આપ્યું નિવેદન, ‘અલગ થયા પછી સ્વાસ્થ્યમાં સુધારો’