સલમાન અને ગોવિંદાએ 16 વર્ષ બાદ સાથે કર્યો ડાન્સ, જુઓ વિડિયો
જો હિન્દી સિનેમાના મેગા સુપરસ્ટાર્સનો ઉલ્લેખ કરવામાં આવે તો તેમાં સલમાન ખાન અને ગોવિંદાનું નામ ચોક્કસપણે સામેલ થશે. સલમાન ખાન અને ગોવિંદા વચ્ચે સારી મિત્રતા છે. સલમાન અને ગોવિંદાની કોમેડી ફિલ્મ ‘પાર્ટનર’ આજે પણ તેમના ચાહકોમાં ખુબ જ લોકપ્રિય છે. આ દરમિયાન, સલમાન ખાન અને ગોવિંદાનો એક લેટેસ્ટ વીડિયો સામે આવ્યો છે, જેમાં આ બંને કલાકારો 16 વર્ષ બાદ એક જ સ્ટેજ પર ડાન્સ કરતા જોવા મળી રહ્યા છે.
સલમાન અને ગોવિંદાએ 16 વર્ષ બાદ સાથે કર્યો ડાન્સ
2007ના આઈફા એવોર્ડ્સ દરમિયાન, સલમાન ખાન અને ગોવિંદાએ તેમની સુપરહિટ ફિલ્મ ‘પાર્ટનર’ના ટાઈટલ સોંગ પર સ્ટેજ પર જબરદસ્ત ડાન્સ પરફોર્મન્સ આપ્યું હતું. હવે 16 વર્ષના લાંબા સમય બાદ સલમાન અને ગોવિંદાએ ‘પાર્ટનર’ના ટાઈટલ સોંગ પર ફરી જોરદાર ડાન્સ કર્યો છે. ખરેખર, તાજેતરમાં કલર્સ ટીવીએ તેના ઓફિશિયલ ઈન્સ્ટાગ્રામ હેન્ડલ પર ફિલ્મફેર એવોર્ડ્સ 2023નો લેટેસ્ટ પ્રોમો વીડિયો શેર કર્યો છે.
IIFA (2007) – Filmfare (2023) ❤️#SalmanKhan #Govinda pic.twitter.com/257xLaxoKt
— ANMOL JAMWAL (@jammypants4) April 29, 2023
વીડિયો સોશિયલ મીડિયા પર વાયરલ
પ્રોમોના વિડિયોમાં ગોવિંદા પાર્ટનરના ટાઈટલ સોંગ પર ડાન્સ કરી રહ્યા હતા, ત્યારે સલમાન ખાન સ્ટેજ પર પહોંચીને ગોવિંદાને સપોર્ટ કરે છે અને પાર્ટનરના આ ગીત પર બંન્ને અભિનેતાએ જોરદાર ડાન્સ કરતા જોવા મળ્યા હતા. સલમાન ખાન અને ગોવિંદાને એકસાથે ડાન્સ કરતા જોઈને તેમના ફેન્સ ખૂબ જ ખુશ થયા છે. ગોવિંદા અને સલમાનનો આ ડાન્સ વીડિયો સોશિયલ મીડિયા પર ઝડપથી વાયરલ થઈ રહ્યો છે.
View this post on Instagram
ચાહકોએ ‘પાર્ટનર 2’ની કરી માંગ
‘પાર્ટનર’ના ટાઈટલ સોંગ પર સલમાન ખાન અને ગોવિંદાને એકસાથે ડાન્સ કરતા જોઈને એક યુઝરે કમેન્ટ કરી કે- ‘અમને કોઈ પણ ભોગે પાર્ટનર 2 જોઈએ છે સલમાન ભાઈ, અન્ય યુઝરે કોમેન્ટ કરી અને લખ્યું કે- ‘ઘણા સમય પછી ગોવિંદાને પરફોર્મ કરવાનો મોકો મળ્યો, જોઈને ખરેખર મજા આવી’.
