સૈફ પર હુમલો કરનારો ઝડપાયો: મુંબઈ પોલીસે પ્રેસ કોન્ફરન્સ કરી મોટો ખુલાસો કર્યો, બાંગ્લાદેશી હોવાની શંકા
મુંબઈ, 19 જાન્યુઆરી 2025: સૈફ અલી ખાન પર 16 જાન્યુઆરી વહેલી સવારે 2.30 કલાકે તેના ઘર પર થયેલા હુમલાને લઈને મુંબઈ પોલીસે રવિવાર સવારે પ્રેસ કોન્ફરન્સ કરી હતી. મુંબઈ પોલીસને ડીસીપી દીક્ષિત ગેદામે મીડિયાને જણાવ્યું હતું કે, એક આરોપીને થાણેમાંથી ધરપકડ કરી છે. તેની ઓળખાણ મોહમ્મદ શરીફુલ ઈસ્લામ શહઝાદ તરીકે થઈ હતી. પ્રાથમિક તપાસ બાદ અમને એવા પુરાવા મળ્યા છે, જેનાથી અમે કહી શકીએ કે આ આરોપી બાંગ્લાદેશ મૂળનો વતની છે. અમે થોડીવારમાં તેનું મેડીકલ કરાવીશું અને ત્યાર બાદ તેને કોર્ટમાં રજૂ કરીશું. મુંબઈ પોલીસ પૂછપરછ માટે કોર્સ પાસેથી આરોપીના રિમાન્ડની પણ માગ કરશે.
#WATCH | Saif Ali Khan Attack case | Mumbai: DCP Zone 9 Dixit Gedam says, “Prima facie the accused is a Bangladeshi and after entering India illegally he changed his name. He was using Vijay Das as his current name. He came to Mumbai 5-6 months ago. He stayed in Mumbai for a few… pic.twitter.com/r08nkk6ott
— ANI (@ANI) January 19, 2025
ડીપીસી દીક્ષિત ગેદામે જણાવ્યું કે, આરોપી પાસેથી ભારતનો કોઈ પણ માન્ય પુરાવા મળ્યા નથી. એટલે પોલીસે તેના વિરુદ્ધ પાસપોર્ટ એક્ટની સંબંધિત કલમોમાં કેસ નોંધી લીધો છે. આરોપી સાથએ પૂછપરછ ચાલી રહી છે. તે 5-6 મહિના પહેલા મુંબઈ આવ્યો હતો અને એક હાઉસ કીપિંગ એજન્સીમાં કામ કરતો હતો. આ અગાઉ શું તે સૈફના ઘરમાં જઈ ચુક્યો હતો? ડીસીપી ગેદામે કહ્યું કે, તેના વિશે તેની પાસે કોઈ પાક્કી માહિતી નથી. અમને લાગે છે કે ચોરીના ઈરાદા સાથે તે પહેલી વાર સૈફના ઘરમાં ઘુસ્યો હતો.
#WATCH | Saif Ali Khan Attack case | Mumbai: DCP Zone 9 Dixit Gedam says, “We have doubts that the accused is of Bangladeshi origin and that is why relevant sections of the Passport Act have been added to the case…” pic.twitter.com/E8uYIeCaD5
— ANI (@ANI) January 19, 2025
આરોપી શહઝાદે પોલીસને પૂછપરછમાં જણાવ્યું છે કે તેને નહોતી ખબર કે તે સૈફ અલી ખાનના ઘરમાં ઘુસ્યો છે. આરોપીએ જણાવ્યું કે, તેનો ઈરાદો ફક્ત ચોરી કરવાનો હતો અને એટલા માટે તે ઘરમાં ઘુસ્યો હતો. અચાનક સૈફ અલી ખાન તેની સામે આવી ગયો અને તેણે અભિનેતા પર ચાકૂથી કેટલીય વાર હુમલો કર્યો. જેમાં તે ઘાયલ થઈ ગયો. મુંબઈ પોલીસના જણાવ્યા અનુસાર, આરોપીનો કોઈ ગુનાહિત ઈતિહાસ નથી. પોલીસ મોહમ્મદ શરીફુલ ઈસ્લામ શહઝાદ વિશે વધારે જાણકારી એકઠી રહી છે અને એ જાણવાની કોશિશ કરી રહી છે કે જો તે બાંગ્લાદેશી નાગરિક છે, તો તેણે ભારતમાં ગેરકાયદેસર એન્ટ્રી કેવી રીતે લીધી.
આ પણ વાંચો: સૈફ અલી ખાન પર ચાકૂથી હુમલો કરનારો મુખ્ય આરોપી થાણેમાંથી ઝડપાયો, પોલીસ સામે ગુનો કબૂલ્યો
