સચિન તેંડુલકર કાશ્મીરની સડકો પર ક્રિકેટ રમતા જોવા મળ્યા, જૂઓ વીડિયો
- સચિન તેંડુલકરનો એક વીડિયો સોશિયલ મીડિયા પર વાયરલ થઈ રહ્યો છે જે ગુલમર્ગનો હોવાનું કહેવાય છે. આ વીડિયોમાં સચિન સ્થાનિક લોકો સાથે ક્રિકેટ રમતા જોવા મળે છે
કાશ્મીર, 22 ફેબ્રુઆરી: ભારતીય ક્રિકેટ ટીમમાં ઘણા ખેલાડીઓ રમવા આવ્યા અને નિવૃત્ત પણ થયા. પરંતુ કેટલાક ખેલાડીઓએ એવું પ્રદર્શન કર્યું કે તેઓ જીવનભર ક્રિકેટ ચાહકોના દિલમાં છવાઈ ગયા છે. આવા ખેલાડીઓ ભલે ક્રિકેટ ટીમમાંથી નિવૃત્ત થઈ ગયા હોય, પરંતુ આજે પણ તેમના ચાહકો તેમના વખાણ કરવાનું બંધ કરતા નથી અને તેમના વીડિયો સોશિયલ મીડિયા પર વાયરલ થતા રહે છે. આવા જ એક ખેલાડી છે સચિન તેંડુલકર, જેમને દુનિયા ક્રિકેટના ભગવાન કહે છે. સચિન તેંડુલકરનો એક વીડિયો સોશિયલ મીડિયા પર ખુબજ વાયરલ થઈ રહ્યો છે. જેમાં સચિન કાશ્મીરની સડકો પર સ્થાનિકો સાથે ક્રિકેટ રમતા જોવા મળે છે.
સ્થાનિકો સાથે સચિન રસ્તા પર ક્રિકેટ રમતા જોવા મળ્યા
સચિન તેંડુલકરના કાશ્મીર પ્રવાસનો વીડિયો સોશિયલ મીડિયા પર ખૂબ વાયરલ થઈ રહ્યો છે. હાલમાં તેમનો એક નવો વીડિયો વાયરલ થઈ રહ્યો છે. વીડિયોમાં તમે જોઈ શકો છો કે કેટલાક સ્થાનિક લોકો રસ્તા પર ક્રિકેટ રમી રહ્યા છે. તેમને જોઈને સચિન તેંડુલકરે પણ ક્રિકેટ રમવાનું મન બનાવી લે છે અને કારમાંથી નીચે ઉતરી રમતા લોકોને પુછે છે કે, શું હું રમી શકુ? આ પછી એક વ્યક્તિએ તેમને બેટ આપ્યું અને પછી ક્રિકેટ રમવાનું શરૂ કર્યું. સચિન તેંડુલકર આ સમયગાળા દરમિયાન ઘણા બોલ રમ્યા હતા. તેમણે છેલ્લો બોલ બેટ ઊંધો રાખીને રમ્યો હતો પરંતુ કોઈ તેમને આઉટ કરી શક્યું ન હતું. આ વીડિયો ગુલમર્ગનો હોવાનું કહેવાય છે.
અહીં જૂઓ વાયરલ વીડિયો
Cricket & Kashmir: A MATCH in HEAVEN! pic.twitter.com/rAG9z5tkJV
— Sachin Tendulkar (@sachin_rt) February 22, 2024
વીડિયો જોઈ ચાહકોએ શું કહ્યું?
આ વીડિયો સચિન તેંડુલકરે સોશિયલ મીડિયા પ્લેટફોર્મ X (અગાઉ ટ્વિટર) પર શેર કર્યો છે. વીડિયો શેર કરતી વખતે તેમણે લખ્યું કે, ‘ક્રિકેટ અને કાશ્મીરઃ સ્વર્ગમાં એક મેચ.’ આ વીડિયો સોશિયલ મીડિયા પ્લેટફોર્મ પર અન્ય હેન્ડલ્સ પર પણ મોટા પ્રમાણમાં શેર કરવામાં આવી રહ્યો છે. વીડિયો જોયા બાદ એક યુઝરે લખ્યું- ભગવાન સ્વર્ગમાં ક્રિકેટ રમી રહ્યા છે. અન્ય યુઝરે લખ્યું- વાહ સચિન પાજી, તમે મહાન છો. અન્ય એક યુઝરે લખ્યું- તેમને બેટથી દૂર ન રાખી શકાય.
આ પણ વાંચો: ચીને તો આકાશમાં જ બનાવી દીધું ફૂટબૉલનું ગ્રાઉન્ડ, વીડિયો થયો વાયરલ
