સચિન અને વિરાટને મળ્યું રામ મંદિર પ્રાણ પ્રતિષ્ઠા સમારંભનું આમંત્રણ
- રામ મંદિરની પ્રાણ પ્રતિષ્ઠા માટે સચિન અને વિરાટને આમંત્રણ મોકલવામાં આવ્યું છે. જાન્યુઆરીમાં યોજાનાર આ ધાર્મિક કાર્યક્રમ માટે આ બંને ક્રિકેટ મહાનુભાવો અયોધ્યા જઈ શકે છે.
અયોધ્યા, 06 ડિસેમ્બર: તમે ક્રિકેટના બે મહાન ખેલાડીઓ સચિન તેંડુલકર અને વિરાટ કોહલીને ક્રિકેટના મેદાન પર ઘણી વાર જોયા હશે, પરંતુ ટૂંક સમયમાં જ તમે આ બંને ખેલાડીઓને દેશના સૌથી મોટા ધાર્મિક કાર્યક્રમમાં એકસાથે જોઈ શકશો. કેમ કે સચિન અને વિરાટ બંનેને રામ મંદિરની પ્રાણ પ્રતિષ્ઠાનું આમંત્રણ આપવામાં આવ્યું છે.
સચિન અને વિરાટને રામ મંદિર પ્રાણ પ્રતિષ્ઠા કાર્યક્રમ માટે આમંત્રણ મળ્યું
એક અહેવાલ મુજબ રામ મંદિર પ્રાણ પ્રતિષ્ઠાના કાર્યક્રમ માટે સચિન તેંડુલકર અને વિરાટ કોહલી બંનેને આમંત્રણ મોકલવામાં આવ્યું છે. જો આ આમંત્રણને માન આપીને બંને દિગ્ગજો અયોધ્યા પહોંચશે તો પહેલીવાર આવું બનશે કે ક્રિકેટ ઈતિહાસમાં સૌથી વધુ સદી ફટકારનાર આ બે ભારતીય ખેલાડીઓ ધાર્મિક સ્થળ પર એક કાર્યક્રમ જોવા સાથે જશે. અયોધ્યામાં બની રહેલા રામ મંદિરનો આ સૌથી મોટો ધાર્મિક કાર્યક્રમ 22 જાન્યુઆરી 2024ના રોજ આયોજિત કરવામાં આવશે.
શ્રી રામ મંદિર, અયોધ્યા
शुभ दीपावली
Shubh Deepawali pic.twitter.com/ReRJ8CBKRO— Shri Ram Janmbhoomi Teerth Kshetra (@ShriRamTeerth) November 12, 2023
પીએમ મોદી સહિત લગભગ 8000 મહાનુભાવો હાજરી આપશે
આ ખાસ કાર્યક્રમ માટે પ્રતિષ્ઠિત ક્રિકેટ જોડી ઉપરાંત લગભગ 8000 મહાનુભાવોને ખાસ આમંત્રિત કરવામાં આવ્યા છે. પવિત્ર મંદિર જાન્યુઆરી 2024 સુધીમાં તૈયાર થઈ જશે. રામ લલ્લાની પ્રતિમાના સ્થાપના સમારંભમાં વડાપ્રધાન નરેન્દ્ર મોદી, રાષ્ટ્રીય સ્વયંસેવક સંઘ (RSS)ના વડા મોહન ભાગવત, ઉત્તર પ્રદેશના મુખ્ય પ્રધાન યોગી આદિત્યનાથ, ભારત રત્ન સચિન તેંડુલકર, વિરાટ કોહલી સહિત અનેક વિશેષ હસ્તીઓ હાજરી આપશે.
સચિન અને વિરાટ ઘણી વખત ધાર્મિક પ્રવૃત્તિઓમાં ભાગ લેતા જોવા મળ્યા છે. ખાસ કરીને છેલ્લા કેટલાક મહિનાઓ અથવા વર્ષોમાં, વિરાટ કોહલી ઘણી વખત તેની પત્ની અનુષ્કા શર્મા સાથે દેશભરના વિવિધ ધાર્મિક સ્થળોએ પૂજા કરતા જોવા મળ્યો છે. વિરાટના કેટલાક ચાહકોનું માનવું છે કે જ્યારથી તેમણે ધાર્મિક સ્થળોની મુલાકાત લેવાનું શરૂ કર્યું છે ત્યારથી તેનું ફોર્મ પણ પાછું આવ્યું છે અને હવે તે તેની કારકિર્દીનું સર્વશ્રેષ્ઠ ક્રિકેટ રમી રહ્યો છે.
આ પણ વાંચો: ટીમ ઈન્ડિયાના એક સાથે 5 ખેલાડીઓનો આજે જન્મદિવસ
