શ્રીલંકા સંકટ: વિદેશ મંત્રીએ કહ્યું- “આજે પણ સાથ આપીશું”

નાણાકીય કટોકટી અને લોકોના ગુસ્સાનો સામનો કરી રહેલા શ્રીલંકાની સ્થિતિ ખરાબથી ખરાબ થઈ રહી છે. ઉંચી મોંઘવારી અને સામાન્ય જરૂરિયાતની ચીજવસ્તુઓના ભાવમાં થયેલા જંગી વધારાને કારણે લોકો રસ્તા પર ઉતરીને સરકાર સામે વિરોધ પ્રદર્શન કરી રહ્યા છે. જનતાનો ગુસ્સો એટલો વધી ગયો છે કે તેઓએ શનિવારે રાષ્ટ્રપતિ ભવન પર કબજો કરી લીધો અને PMના સત્તાવાર નિવાસસ્થાને આગ લગાવી દીધી. આર્થિક સંકટના કારણે ગૃહયુદ્ધની કગાર પર ઉભુ શ્રીલંકાના મિત્ર ભારત આજે ફરી તેની સાથે ઉભું છે.

આર્થિક મુશ્કેલીનો સામનો કરી રહેલા શ્રીલંકાને ભારતે આશ્વાસન આપ્યું છે. ભારતે કહ્યું કે “અમે પહેલા પણ સમર્થન આપ્યું હતું અને આજે પણ અમે શ્રીલંકા સાથે મજબૂતીથી ઉભા છીએ. વિદેશ મંત્રી એસ જયશંકરે કહ્યું કે, અમે તમામ શક્ય રીતે મદદ કરવાનો પ્રયાસ કરી રહ્યા છીએ અને હંમેશા મદદરૂપ રહ્યા છીએ. તેઓ તેમની સમસ્યા પર કામ કરી રહ્યા છે, અમે જોઈશું કે શું થાય છે. જયશંકરે કહ્યું કે શ્રીલંકામાં અત્યારે કોઈ શરણાર્થી સંકટ નથી.”

શ્રીલંકામાં ભારતના હાઈ કમિશનર દ્વારા એક નિવેદન આપવામાં આવ્યું છે, ભારત આ વિષમ પરિસ્થિતિમાં પણ પોતાની મિત્રતાની ફરજ નિભાવશે અને આજે અમે શ્રીલંકાના લોકો સાથે ઉભા છીએ.

ભારત સિવાય અન્ય કોઈ દેશ તરફથી મદદ નહીં

નાણાકીય કટોકટી અને હિંસક વિરોધ છતાં, વિશ્વના કોઈ પણ દેશે શ્રીલંકાને મદદનો હાથ લંબાવ્યો નથી, જ્યાં ભારતે તેનું મોટું હૃદય બતાવ્યું છે અને કહ્યું છે કે તે શ્રીલંકાને દરેક શક્ય રીતે મદદ કરશે.

તમામ કેબિનેટ મંત્રીઓ રાજીનામા આપશે

શનિવારથી ચાલી રહેલા વિરોધ પ્રદર્શન બાદ PM રાનિલ વિક્રમસિંઘેએ રાજીનામું આપી દીધું હતું, ત્યારબાદ વિદેશ મંત્રીએ પણ રાજીનામું આપી દીધું છે. હવે એવું કહેવામાં આવી રહ્યું છે કે વિક્રમસિંઘેની કેબિનેટના તમામ મંત્રીઓ એક પછી એક રાજીનામું આપશે. તે પછી, 13 ઓગસ્ટે રાષ્ટ્રપતિ ગોટાબાયા રાજપક્ષે પોતાનું રાજીનામું સોંપશે.