રશિયન સેનાએ હેલિકોપ્ટર દ્વારા વરસાવ્યું મોત, વેગનર ગ્રુપના કાફલા પર અંધાધૂંધ ગોળીબાર કર્યો
રશિયન સેનાએ પોતાના બળવાખોર વેગનર જૂથને ખદેડવા માટે તેના પર હેલિકોપ્ટરથી અંધાધૂંધ ગોળીબાર શરુ કરી દીધો છે. આ ઘટના વોરોનિશ શહેરના M4 હાઇવેની છે. તમને જણાવી દઈએ કે રશિયામાં વેગનર ગ્રુપના વડા યેવજેની પ્રિગોઝિને પોતાના જ રાષ્ટ્રપતિ વ્લાદિમીર પુતિન વિરુદ્ધ યુદ્ધની જાહેરાત કરી છે. સાથે રશિયાને ધમકી આપી હતી કે ટૂંક સમયમાં તે રશિયાની સત્તા સંભાળી લેશે અને દેશને નવા રાષ્ટ્રપતિ મળશે. વાસ્તવમાં પુતિન યુક્રેન યુદ્ધમાં પ્રાઈવેટ આર્મી વેગનર ગ્રુપની મદદ લઈ રહ્યા હતા. હવે આ ખાનગી સેનાએ પુતિન વિરુદ્ધ જ મોરચો ખોલ્યો છે.
WATCH: Video shows airstrike against Wagner column in Russia earlier today pic.twitter.com/OhKI63SDJQ
— BNO News (@BNONews) June 24, 2023
બ્લાસ્ટથી રોસ્ટોવ શહેર હચમચી ગયું
રશિયામાં, વેગનરના કબજા હેઠળના રોસ્ટોવ શહેરમાં અનેક વિસ્ફોટોને કારણે ગભરાટ ફેલાયો છે. જ્યારે સામે પક્ષે વેગનર જૂથના વડા, યેવજેની પ્રિગોઝિને વચન આપ્યું હતું કે તેમના લડવૈયાઓ પોતાને વ્લાદિમીર પુતિનના લશ્કરી દળમાં એકીકૃત કરશે નહીં. તે જ સમયે, પશ્ચિમી મીડિયાએ ઘણા વીડિયો શેર કર્યા છે, જેમાં રશિયન શહેરમાં વિસ્ફોટો પછી રહેવાસીઓ છુપાઈને ભાગતા જોઈ શકાય છે. અન્ય વિડિયોમાં, વેગનર લડવૈયાઓ સમગ્ર શહેરમાં એન્ટી-ટેન્ક માઈન ગોઠવતા કેમેરામાં કેદ થયા હતા.
⚡️People fleeing after an explosion was heard in the centre of Rostov moments ago pic.twitter.com/OaopdTCBat
— War Monitor (@WarMonitors) June 24, 2023
એવા અહેવાલો છે કે દક્ષિણ વોરોનેઝ ક્ષેત્રમાં બુગેયેવકા ચોકી પર તૈનાત 180 રશિયન સૈનિકો અને સુરક્ષા દળોએ વેગનર જૂથ સામે લડવાનો ઇનકાર કર્યો હતો અને બાદમાં તેમના હથિયારો નીચે મૂક્યા હતા. વિડીયોમાં લોકો વેગનરના લડવૈયાઓ માટે ખોરાક અને પાણી લાવી રહ્યા છે.
Video shows helicopter flying away at the moment the fire erupted at an oil depot in Voronezh, Russia pic.twitter.com/54zZSNVHEA
— BNO News (@BNONews) June 24, 2023
ગૃહ યુદ્ધને ઉશ્કેરવાનો વેગનર જૂથનો પ્રયાસ નિષ્ફળ: રશિયન ગુપ્તચર
રશિયાના ગુપ્તચર વિભાગના વડાનું કહેવું છે કે ગૃહયુદ્ધ ભડકાવવાનો પ્રયાસ નિષ્ફળ ગયો છે. દરમિયાન, રશિયાના રાષ્ટ્રપતિ વ્લાદિમીર પુતિને તેમના તુર્કી સમકક્ષ એર્દોગન સાથે ફોન પર વાત કરી અને સશસ્ત્ર બળવાના પ્રયાસને લઈને દેશની સ્થિતિ વિશે માહિતી આપી. તેના ક્રેમલિન અનુસાર, તુર્કીના રાષ્ટ્રપતિએ રશિયન નેતૃત્વ દ્વારા ઉઠાવવામાં આવેલા પગલાઓ માટે સંપૂર્ણ સમર્થન વ્યક્ત કર્યું.
વેગનર જૂથ 2 મહિનાથી બળવાની તૈયારી કરી રહ્યું હતું
રશિયામાં રાષ્ટ્રપતિ વ્લાદિમીર પુતિન સામે ખુલ્લેઆમ બળવો કરનાર વેગનર ગ્રુપને લઈને મોટો ખુલાસો થયો છે. વાઈસગ્રેડ 24ના અહેવાલમાં દાવો કરવામાં આવ્યો છે કે વેગનર ગ્રુપના વડા યેવજેની પ્રિગોઝિન છેલ્લા બે મહિનાથી બળવાની તૈયારી કરી રહ્યા હતા. આ દરમિયાન તે પુતિનને હથિયારોની અછત પર ગેરમાર્ગે દોરતો રહ્યો અને યુક્રેનમાંથી પકડાયેલા હથિયારો એકઠા કરવામાં વ્યસ્ત હતો.
આ પણ વાંચો: રશિયામાં ગૃહયુદ્ધ જેવી સ્થિતિ કેમ ઉભી થઇ? જાણો વેગનર ગ્રુપે કેમ કર્યો બળવો
