રશિયા અને યુક્રેન વચ્ચે હજુ પણ યુદ્ધ ચાલી રહ્યું છે અને યુદ્ધની વચ્ચે અનેક મોટા દાવા કરવામાં આવી રહ્યા છે. પરંતુ આ દરમિયાન આંતરરાષ્ટ્રીય મીડિયા રિપોર્ટ્સમાં દાવો કરવામાં આવ્યો છે કે રશિયાના રાષ્ટ્રપતિ વ્લાદિમીર પુતિન પર જીવલેણ હુમલો કરવામાં આવ્યો છે. એક વ્યકિતએ પુતિનની કાર પાસે બોમ્બ ફેંક્યો હતો અને તે બાદ તે ભાગી ગયો હતો. જોકે આ વાતની સત્તાવાર પુષ્ટિ થઈ નથી.
???? Rumors that Putin's motorcade of armored vehicles was attacked. An ambulance blocked the lead car while another vehicle drove around the motorcade and dropped an explosive on the vehicle carrying Putin. All information surrounding the unsuccessful attack has been classified. pic.twitter.com/8S49WXyD0g
— Igor Sushko (@igorsushko) September 14, 2022
‘પુતિનની કાર પાસે બોમ્બ હુમલો’
હકીકતમાં ક્રેમલિનના સૂત્રોને ટાંકીને અન્ય ઘણા મીડિયા રિપોર્ટ્સમાં દાવો કરવામાં આવ્યો છે કે વ્લાદિમીર પુતિનની લિમોઝિન કારની નજીક બોમ્બ હુમલો કરવામાં આવ્યો હતો અને તેમને મારવાનો પ્રયાસ કરવામાં આવ્યો હતો. એવું કહેવામાં આવી રહ્યું છે કે પુતિનની કારની ડાબી બાજુએ એક જોરદાર વિસ્ફોટ થયો અને તે પછી ઘણો ધુમાડો પણ નીકળ્યો. જો કે આ ક્યારે અને ક્યાં થયું તે જણાવવામાં આવ્યું નથી.
બ્લાસ્ટ બાદ કારમાંથી ધુમાડો નીકળ્યો હતો
દાવો કરવામાં આવ્યો છે કે પુતિનની લિમોઝીન કારને સુરક્ષિત રીતે અન્ય જગ્યાએ લઈ જવામાં આવી હતી. આ ઘટનામાં પુતિનને કોઈ નુકસાન થયું નથી. અન્ય એક અહેવાલમાં કહેવામાં આવ્યું છે કે આ બધું ત્યારે થયું જ્યારે પુતિન ક્યાંકથી પરત ફરી રહ્યા હતા અને આ દરમિયાન સુરક્ષા ટુકડીની પ્રથમ કારને એમ્બ્યુલન્સ દ્વારા રોકી દેવામાં આવી હતી અને બીજી જ ક્ષણે પુતિનની કારમાં જોરદાર અવાજ સંભળાયો હતો અને પછી તેમાંથી ધુમાડો નીકળવા લાગ્યો હતો.
પુતિનને સલામત સ્થળે લઈ જવામાં આવ્યા હતા
ઘટના બાદ કારને બોમ્બપ્રુફ અને બુલેટપ્રુફ સુરક્ષાકર્મીઓથી ઘેરી લેવામાં આવી હતી અને આસપાસ ફેલાતા ધુમાડાને દૂર કરવાના પ્રયાસો હાથ ધરવામાં આવ્યા હતા. થોડી જ વારમાં પુતિનને સલામત સ્થળે લઈ જવામાં આવ્યા હતા. એવું પણ કહેવામાં આવી રહ્યું છે કે આ એક આત્મઘાતી હુમલો હતો.
