- હુમલામાં હાઈપરસોનિક કિંજલ મિસાઈલનો કરાયો ઉપયોગ
- વોશિંગ્ટનમાં ત્રણ દિવસીય નાટો સમિટની પૂર્વસંધ્યાએ થયા હુમલાઓ
- સમિટમાં યુક્રેનને કેવી રીતે અતૂટ સમર્થન આપવું તે અંગે કરવામાં આવશે વિચારણા
કિવ, 09 જુલાઈ : રશિયાએ યુક્રેનની રાજધાની કિવમાં બાળકોની હોસ્પિટલ સહિત પાંચ સ્થળોએ મિસાઈલ હુમલો કર્યો, જેમાં 30થી વધુ લોકો મૃત્યુ પામ્યા હતા. આ હુમલામાં 40થી વધુ મિસાઈલો છોડવામાં આવી હતી જેમાં હાઈપરસોનિક કિંજલ મિસાઈલનો પણ સમાવેશ થાય છે.
હુમલામાં 154 લોકો ઘાયલ
મધ્ય યુક્રેનિયન શહેર ક્રિવી રીહમાં થયેલા હુમલામાં 10 લોકોના મૃત્યુ થયા છે. ગૃહ પ્રધાન ઇહોર ક્લિમેન્કોએ જણાવ્યું હતું કે હુમલામાં 154 લોકો ઘાયલ પણ થયા છે, જેમાંથી ઘણાની હાલત ગંભીર છે. વોલોડીમિર ઝેલેન્સકીએ કહ્યું, આ સમજવું જોઈએ કે રશિયા માનવ અધિકારોનું કેટલી હદ સુધી દમન કરી રહ્યું છે.
આ પણ વાંચો : બાઈડને પ્રમુખ પદની રેસમાંથી ખસી જવા પર કહ્યું: ટ્રમ્પને હરાવવા માટે મારાથી શ્રેષ્ઠ કોઈ નથી
કિવમાં ઓખામાડાઇટ ચિલ્ડ્રન હોસ્પિટલને મોટા હુમલાથી ફટકો પડ્યો હતો, જેના કારણે આંશિક પતન થયું હતું, એમ તેમણે જણાવ્યું હતું. કાટમાળ નીચેથી લોકોની શોધ કરવામાં આવી રહી છે. અહી મૃતકોની સંખ્યા હજુ સુધી જાણી શકાઈ નથી. આ હુમલાઓ વોશિંગ્ટનમાં ત્રણ દિવસીય નાટો સમિટની પૂર્વસંધ્યાએ થયા છે જેમાં યુક્રેનને કેવી રીતે અતૂટ સમર્થન આપવું તે અંગે વિચારણા કરવામાં આવશે.
હાઇપરસોનિક મિસાઇલોનો ઉપયોગ કરવામાં આવ્યો હતો
રશિયાએ કેટલાક મહિનાઓમાં કિવ પર સૌથી મોટો બોમ્બ ધડાકો કર્યો છે. યુક્રેનિયન વાયુસેનાએ જણાવ્યું હતું કે હુમલામાં હાઇપરસોનિક કિંજલ મિસાઇલો સામેલ છે, જે સૌથી આધુનિક રશિયન હથિયાર છે. કિંજલ અવાજ કરતા 10 ગણી ઝડપે ઉડે છે જેના કારણે તેને રોકવી મુશ્કેલ બને છે. વિસ્ફોટોથી શહેરની ઇમારતો હચમચી ઉઠી હતી. થોડા સમય માટે એવું લાગતું હતું કે જાણે આ વિસ્તારમાં ભૂકંપ આવ્યો હોય.
આ પણ વાંચો : પેરિસ ઓલિમ્પિક ઉદઘાટન સમારોહમાં ભારતીય ખેલાડીઓને મળી આ જવાબદારી
