રુચિરા કંબોજ સંયુક્ત રાષ્ટ્રના સામાજિક વિકાસ આયોગના વડા બનશે

સંયુક્ત રાષ્ટ્રમાં ભારતના સ્થાયી પ્રતિનિધિ રૂચિરા કંબોજને UN સામાજિક વિકાસ આયોગના 62માં સત્રના અધ્યક્ષ તરીકે ચૂંટવામાં આવ્યા છે. કંબોજ આ અઠવાડિયે ન્યૂયોર્કમાં સંયુક્ત રાષ્ટ્રના મુખ્યમથક ખાતે સામાજિક વિકાસ પર સંયુક્ત રાષ્ટ્રના કમિશનના 62મા સત્રની પ્રથમ બેઠકના અધ્યક્ષ તરીકે ચૂંટાયા હતા.

Today,have presented my credentials to the Secretary General of the United Nations @antonioguterres as Permanent Representative/Ambassador to the @UN. A privilege to be the first Indian woman to be given the honour to hold this position

To the girls out there,we all can make it! pic.twitter.com/i1D7Qof2tc

— Ruchira Kamboj (@ruchirakamboj) August 2, 2022

આ સાથે ઉત્તર મેસેડોનિયાના જોન ઇવાનોવસ્કી, ડોમિનિકન રિપબ્લિકના કાર્લા મારિયા કાર્લસન અને લક્ઝમબર્ગના થોમસ લેમર 62માં સત્રના ઉપ-પ્રમુખ તરીકે ચૂંટાયા. અગાઉ, સામાજિક વિકાસ પંચે તેના 61મા સત્રના છેલ્લા દિવસે ચાર ડ્રાફ્ટ ઠરાવો સંયુક્ત રાષ્ટ્રની આર્થિક અને સામાજિક પરિષદને મંજૂરી માટે મોકલ્યા હતા. ડ્રાફ્ટ દરખાસ્તો, જેને સર્વસંમતિથી અપનાવવામાં આવનાર છે, તેમાં અસમાનતાઓને દૂર કરવા અને કોવિડ-19 રોગચાળા પછી સામાન્ય સ્થિતિની પુનઃસ્થાપના પરના તણાવને દૂર કરવા માટે સંપૂર્ણ રોજગાર બનાવવાનો સમાવેશ થાય છે.

રૂચિરાએ આભાર માન્યો હતો

સંયુક્ત રાષ્ટ્રમાં ભારતના સ્થાયી પ્રતિનિધિ રાજદૂત રૂચિરા કંબોજે ભારત વતી આભાર વ્યક્ત કર્યો હતો. તેમણે કહ્યું, ‘સામાજિક વિકાસ આયોગના 62માં સત્રના અધ્યક્ષ તરીકે ભારત વતી ચૂંટાઈ આવવી એ મારા માટે સન્માનની વાત છે.’

પંચના 61મા સત્રમાં શું થયું?

સંયુક્ત રાષ્ટ્ર સામાજિક વિકાસ આયોગના 61મા સત્રના છેલ્લા દિવસે, આર્થિક અને સામાજિક પરિષદ (ECOSOC) એ અપનાવવા માટે ચાર ડ્રાફ્ટ ઠરાવો સાથે આગળ વધવાનો નિર્ણય કર્યો છે. આયોગના 61મા સત્રની અધ્યક્ષતા કતારના રાજદૂત અને સ્થાયી પ્રતિનિધિ આલિયા અહમદ બિન સૈફ અલ-થાનીએ કરી હતી.

આ પણ વાંચો : એલોન મસ્ક હવે એકાઉન્ટની સુરક્ષા માટે પણ પૈસા લેશે, ગુસ્સાથી લાલ થઈ ગયા યુઝર્સ