‘સમલૈંગિકતા એક રોગ છે’, RSS સાથે જોડાયેલી સંસ્થાનો દાવો
HD ન્યુઝ ડેસ્કઃ દેશમાં સમલૈંગિક લગ્ન અંગે ચાલી રહેલી ચર્ચા વચ્ચે, RSSની મહિલા પાંખની સહયોગી સંસ્થા સંવર્ધિની ન્યાસ દ્વારા એક સર્વે હાથ ધરવામાં આવ્યો છે. જેમાં સમલૈંગિકતાને એક રોગ અથવા વિકાર તરીકે વર્ણવવામાં આવી છે. જો આવા લગ્નોને કાયદેસર બનાવવામાં આવશે તો તેમાં વધુ વધારો થશે તેવું પણ કહેવામાં આવ્યું છે. હિન્દુ દક્ષિણપંથી સંગઠનના મહિલા જૂથે દાવો કર્યો છે કે આ સર્વેમાં 318 અલગ-અલગ ડોક્ટરોએ પોતાનો અભિપ્રાય આપ્યો છે
રાષ્ટ્ર સેવિકા સમિતિ કોમ્યુનિટી ટ્રસ્ટના વરિષ્ઠ કાર્યકર્તાએ જણાવ્યું હતું કે “લગભગ 70 ટકા ડોકટરો અને સંબંધિત તબીબી વ્યાવસાયિકોએ જણાવ્યું હતું કે સમલૈંગિકતા એ એક વિકાર છે. ઉપરાંત, તેમાંથી 83 ટકાએ સેક્સ્યુઅલી ટ્રાન્સમિટેડ રોગ થવાનું જોખમ પણ જણાવ્યું હતું.”
આરએસએસ સંસ્થાએ જણાવ્યું હતું કે, “સર્વે પરથી એવું જોવામાં આવ્યું છે કે આવા લગ્નોને કાયદેસર બનાવવાનો નિર્ણય દર્દીઓને સાજા કરવા અને તેમને સામાન્ય સ્થિતિમાં લાવવાને બદલે સમાજમાં વધુ અવ્યવસ્થાને પ્રોત્સાહન આપી શકે છે,”
સંત સમાજ પણ સમલૈંગિક લગ્નની વિરુદ્ધ:
વિશ્વના 34 દેશોમાં સમલૈંગિક લગ્ન કાયદેસર છે. ત્યાં ગે લગ્નને કાનૂની માન્યતા આપવામાં આવી છે. ભારતમાં સમલૈંગિક લગ્નનો વિરોધ થઈ રહ્યો છે. દેશનો સંત સમાજ પણ તેનો સતત વિરોધ કરી રહ્યો છે. સ્વામી નિશ્ચલાનંદ સરસ્વતીએ પણ તેની વિરુદ્ધ નિવેદન જાહેર કર્યું છે. તેમણે કહ્યું હતું કે સનાતન ધર્મ પ્રમાણે આ શક્ય નથી.
આ પણ વાંચોઃ સમલૈંગિક લગ્નને માન્યતાનો મુદ્દો, જાણો- SCએ સરકારને શું પૂછ્યું ?
