ગત 31 જુલાઈના રોજ મહારાષ્ટ્રના પાલઘરમાં જયપુર એક્સપ્રેસ ટ્રેનમાં અંધાધૂંધ ફાયરિંગ કરીને ASI સહિત ચાર લોકોની હત્યા કરવાના આરોપી RPF કોન્સ્ટેબલ ચેતન સિંહે પૂછપરછ દરમિયાન ઘણા ચોંકાવનારા ખુલાસા કર્યા છે. સૂત્રોના જણાવ્યા અનુસાર, પોલીસ પૂછપરછ દરમિયાન તેણે કહ્યું હતું કે જો ટ્રેન અધવચ્ચે ન રોકાય અને તેને મોકો મળ્યો તો તે વધુ 7-8 લોકોને મારવાનો હતો. તેમજ તેને પૂછપરછ દરમિયાન એક સવાલના જવાબમાં કહ્યું હતું કે તેની છેલ્લી ઈચ્છા પાકિસ્તાન જઈને ત્યાંના લોકોને મારી નાખવાની છે.
પોલીસ પૂછપરછમાં RPF જવાને કર્યા ચોંકાવનારા ખુલાસા
રેલવે પોલીસના સૂત્રોના જણાવ્યા અનુસાર શનિવારે લગભગ 7 કલાક સુધી ચાલેલી પૂછપરછ દરમિયાન ચેતન સિંહે એક સવાલના જવાબમાં કહ્યું હતું કે તેની છેલ્લી ઈચ્છા પાકિસ્તાન જઈને ત્યાંના લોકોને મારી નાખવાની છે. જોકે, સૂત્રોનું કહેવું છે કે ચેતન સિંહના આ તમામ નિવેદનો પોતાને માનસિક સ્થિતિ સારી ન હોવાનું સાબિત કરીને બચાવવાનું ષડયંત્ર હોઈ શકે છે.સૂત્રોના જણાવ્યા અનુસાર, જીઆરપીએ કોર્ટમાં એમ પણ કહ્યું કે તેઓ એ પણ જાણવાનો પ્રયાસ કરી રહ્યા છે કે શું ચેતન સિંહે કોઈના ઈશારે આ ગોળીબાર કરાવ્યો હતો.
આ પણ વાંચો : ગુજરાત સરકારે છેલ્લા 9 વર્ષમાં કુદરતી આફતથી અસરગ્રસ્ત ખેડૂતોને ચૂકવી આટલી સહાય
ચેતન સિંહને પછતાવો નહીં
રેલવે પોલીસના સૂત્રોના જણાવ્યા અનુસાર પૂછપરછ દરમિયાન ચેતન સિંહના ચહેરા પર તેણે જે કર્યું તેનો કોઈ પસ્તાવો નથી જાણકારી મુજબ , મૃતક મુસાફર સૈયદ સૈફુદ્દીનના સાથી યાત્રી ઝફર ખાનના નિવેદનના આધારે ચેતન સિંહ વિરુદ્ધ આઈપીસીની કલમ 363, 341 અને 342 હેઠળ ગુનો નોંધવામાં આવ્યો છે.
ગત 31 જુલાઈના રોજ આરોપી ચેતન સિંહે કર્યું હતું ફાયરિંગ
ઉલ્લેખનીય છે કે આરોપી ચેતન સિંહે 31 જુલાઈની સવારે જયપુર-મુંબઈ સુપરફાસ્ટ એક્સપ્રેસ ટ્રેનના બી-5 કોચમાં તેના વરિષ્ઠ એએસઆઈ ટીકારામ મીણા અને એક મુસાફર પર પ્રથમ ગોળીબાર કર્યો હતો.તે પછી અનેક બોક્સ ક્રોસ કરીને પેન્ટ્રી કાર પાસે પહોંચ્યા અને ત્યાં એક વ્યક્તિની હત્યા કરી. ત્યારબાદ એસ-6 કોચમાં પણ એક વ્યક્તિનું મોત થયું હતું. ટ્રેનમાં આ ઘટનાના થોડા સમય બાદ ચેતન સિંહની ધરપકડ કરવામાં આવી હતી. ત્યારબાદ કોર્ટે તેને 7 ઓગસ્ટ સુધી પોલીસ રિમાન્ડ પર મોકલી દીધો હતો.
આ પણ વાંચો : રાજ્યની નપા અને મનપાની પેટા ચૂંટણીનું પરિણામ જાહેર, જાણો કોણ ક્યાં જીત્યું?
