Royal Enfieldએ રજૂ કરી પોતાની પહેલી ઇલેક્ટ્રિક બાઇક ‘Flying Flea C6’, જાણો શું છે ખાસ
- ભારતીય બજારમાં Royal Enfieldની ઈલેક્ટ્રિક વ્હીકલ સેગમેન્ટમાં સત્તાવાર એન્ટ્રી
નવી દિલ્હી, 05 નવેમ્બર: ભારતીય બજારમાં ઇલેક્ટ્રિક ટુ-વ્હીલર્સની માંગ પણ ઝડપથી વધી રહી છે. જો કે બજારમાં એવી ઘણી બ્રાન્ડ્સ છે જે ઇલેક્ટ્રિક બાઇક વેચી રહી છે. પરંતુ ગ્રાહકોનો એક મોટો વર્ગ લાંબા સમયથી Royal Enfieldની ઇલેક્ટ્રિક બાઇકની રાહ જોઈ રહ્યો છે. પરંતુ ખૂબ જ ટૂંક સમયમાં આ રાહ સમાપ્ત થવા જઈ રહી છે કારણ કે Royal Enfieldએ આજથી ઈલેક્ટ્રિક વ્હીકલ સેગમેન્ટમાં તેની સત્તાવાર એન્ટ્રી કરી છે. આજે મોડી રાત્રે ઇટાલીના મિલાન શહેરમાં યોજાનાર (EICMA 2024) મોટર શોની શરૂઆત પહેલા જ Royal Enfieldએ તેની પ્રથમ ઇલેક્ટ્રિક બાઇકની વિશાળ શ્રેણીનું અનાવરણ કર્યું છે. કંપનીએ આ માટે એક નવી સબસિડિયરી બનાવી છે, જેને કંપનીએ ‘Flying Flea’ નામ આપ્યું છે. આ હેઠળ, કંપનીએ તેની પ્રથમ ઇલેક્ટ્રિક બાઇક તરીકે ‘C6’ મોડલ રજૂ કર્યું છે. કંપનીએ આ બાઇકને એક અનોખો લુક અને ડિઝાઇન આપી છે જે અત્યાર સુધી બનેલી કોઈપણ બાઇકથી સંપૂર્ણપણે અલગ છે.
Royal Enfieldની આ ઇલેક્ટ્રિક વાહન સબસિડિયરીનું નામ કંપની દ્વારા 40ના દાયકામાં રજૂ કરાયેલા ખૂબ જૂના મોડલ Flying-Fleaથી પ્રેરિત છે. Royal Enfieldની આ નવી ઈલેક્ટ્રિક બાઈક ભારતીય બજારમાં લૉન્ચ થયા બાદ તે એક નવું સેગમેન્ટ શરૂ કરશે. તેનો લુક અને ડિઝાઇન કોઈપણ પરંપરાગત મોટરસાઇકલથી સંપૂર્ણપણે અલગ છે.
Flying Flea C6 કેવી બાઇક છે?
C6એ Flying Flea તરફથી પ્રથમ ઓફર છે અને જે એકદમ નવી ઇલેક્ટ્રિક બાઇક છે. તેની સ્ટાઇલમાં રેટ્રો મોડલની ઝલક હોવા છતાં પણ કંપનીએ તેને અત્યાધુનિક ટેક્નોલોજીથી સજ્જ કર્યું છે. C6નું સિલ્હૂટ એક લો-સ્લંગ બોબર મોટરસાઇકલ જેવું છે, જેમાં તેનું રેક-આઉટ ફ્રંટ એન્ડ અને સોલો સેડલ જોવા મળે છે.
Flying Flea C6 વિશે એક ખૂબ જ અનોખી બાબત એ છે કે, તે સસ્પેન્શન ડ્યુટી માટે ગર્ડર-સ્ટાઈલના ફ્રન્ટ ફોર્કનો ઉપયોગ કરે છે, જે આજની મોટરસાઈકલમાં જોવા મળતું નથી. C6ની ફ્રેમ ફોલ્ડ એલ્યુમિનિયમની બનેલી છે, જે બજેટ-ફ્રેંડલી EV માર્કેટપ્લેસ માટે સામાન્ય નથી. કંપનીએ આ બાઇકમાં પ્રીમિયમ ટચ ટચસ્ક્રીન TFT ડેશબોર્ડ પણ સામેલ કર્યું છે. નવું સ્વીચગિયર, ઓલ-LED લાઇટિંગ અને રોયલ એનફિલ્ડ લાઇનઅપથી સંપૂર્ણપણે અલગ હેડલાઇટ આપવામાં આવી છે.
કંપનીએ હજુ સુધી પાવરટ્રેન, સ્પેક્સ અથવા રેન્જ વિશે કોઈ માહિતી આપી નથી. તેના આગળ અને પાછળ ડિસ્ક બ્રેક આપવામાં આવી છે. કંપનીનું કહેવું છે કે, આ ઇલેક્ટ્રિક બાઇકને શહેરી વિસ્તારો માટે ડિઝાઇન કરવામાં આવી છે. તેમાં CEATના પાતળા ટાયર જોવા મળે છે, દેખીતી રીતે ઇલેક્ટ્રિક બાઇક તરીકે, આ તેના માટે વધુ સારા સપોર્ટ તરીકે કામ કરશે.
કંપની દ્વારા રજૂ કરાયેલા મોડલ સોલો સીટર (માત્ર એક વ્યક્તિ માટે બેઠક વ્યવસ્થા) છે. પરંતુ કંપની તેના એક વિકલ્પ તરીકે પિલન રાઇડર સીટ સાથે પણ ઓફર કરશે. મહત્ત્વપૂર્ણ છે કે, C6 આ ઇવેન્ટમાં પ્રદર્શિત થનારું એકમાત્ર મોડલ હતું, Flying Fleaએ ભવિષ્યના મોડલ, S6 ઇલેક્ટ્રિક સ્ક્રેમ્બલરનું ટીઝર પણ બહાર પાડ્યું છે.
આ પણ જૂઓ: આજે ખૂલી ગયો સસ્તો IPO, પ્રાઈઝ બેંડ રૂપિયા 30; એકસપર્ટે આપી સલાહ
