IPL 2025:ધોનીની ટીમની શરમજનક હાર બાદ પોઈન્ટ ટેબલમાં મોટો ફેરફાર, કોહલીની ટીમ ટોપ પર પહોંચી ગઈ
IPL Points Table Update: ચેપોકમાં રોયલ ચેલેન્જર્સ બેંગલુરુએ ચેન્નઈ સુપર કિંગ્સને હરાવ્યું. રજત પાર્ટીદારની કપ્તાનીવાળી રોયલ ચેલેન્જર્સ બેંગલુરુએ ચેન્નઈ સુપર કિંગ્સને 50 રનના મોટા માર્જિનથી હરાવી દીધી. આવી રીતે આઈપીએલના ઈતિહાસમાં પહેલી વાર રોયલ ચેલેન્જર્સ બેંગલુરુએ ચેન્નઈ સુપર કિંગ્સને ચેપોકમાં હરાવી. ચેન્નઈ સુપર કિંગ્સની હાર બાદ પોઈન્ટ ટેબલ કેટલું બદલાયું? હકીકતમાં જોઈએ તો, આ હાર બાદ ઋતુરાજ ગાયકવાડી કપ્તાનીવાળી ચેન્નઈ સુપર કિંગ્સ સાતમા નંબર પર સરકી ગઈ.
હવે પોઈન્ટ ટેબલમાં કેટલો ફેરફાર થયો છે?
રોયલ ચેલેન્જર્સ બેંગ્લોરે સતત બીજી જીત મેળવી. હવે રોયલ ચેલેન્જર્સ બેંગ્લોર 2 મેચમાં 4 પોઈન્ટ સાથે ટોચ પર છે. આ પછી, ઋષભ પંતની આગેવાની હેઠળ લખનઉ સુપર જાયન્ટ્સ બીજા સ્થાને છે. તે જ સમયે, રોયલ ચેલેન્જર્સ બેંગ્લોર અને લખનૌ સુપર જાયન્ટ્સ પછી, અનુક્રમે પંજાબ કિંગ્સ, દિલ્હી કેપિટલ્સ, સનરાઇઝર્સ હૈદરાબાદ, કોલકાતા નાઈટ રાઇડર્સ અને ચેન્નાઈ સુપર કિંગ્સ છે. આ ટીમોના 2-2 પોઇન્ટ સમાન છે. હાર્દિક પંડ્યાની આગેવાની હેઠળની મુંબઈ ઈન્ડિયન્સ ઉપરાંત, ગુજરાત ટાઇટન્સ અને રાજસ્થાન રોયલ્સ સિઝનની તેમની પ્રથમ જીતની રાહ જોઈ રહ્યા છે.
IPL 2025 POINTS TABLE
| Team | Mat | Won | Lost | NRR | Points |
| 1. Royal Challengers Bengaluru | 2 | 2 | 0 | 2.266 | 4 |
| 2. Lucknow Super Giants | 2 | 1 | 1 | 0.963 | 2 |
| 3. Punjab Kings | 1 | 1 | 0 | 0.550 | 2 |
| 4. Delhi Capitals | 1 | 1 | 0 | 0.371 | 2 |
| 5. Sunrisers Hyderabad | 2 | 1 | 1 | -0.128 | 2 |
| 6. Kolkata Knight Riders | 2 | 1 | 1 | -0.308 | 2 |
| 7. Chennai Super Kings | 2 | 1 | 1 | -1.013 | 2 |
| 8. Mumbai Indians | 1 | 0 | 1 | -0.493 | 0 |
| 9. Gujarat Titans | 1 | 0 | 1 | -0.550 | 0 |
| 10. Rajasthan Royals | 2 | 0 | 2 | -1.882 | 0 |
રોયલ ચેલેન્જર્સ બેંગ્લોરે ચેન્નાઈ સુપર કિંગ્સને સરળતાથી હરાવ્યું
અહીં ઉલ્લેખનિય છે કે, પહેલા બેટિંગ કરવા આવેલી રોયલ ચેલેન્જર્સ બેંગ્લોરે 20 ઓવરમાં 7 વિકેટે 197 રન બનાવ્યા હતા. રોયલ ચેલેન્જર્સ બેંગ્લોર માટે કેપ્ટન રજત પાટીદારે 32 બોલમાં સૌથી વધુ 51 રન બનાવ્યા. આ ઉપરાંત ફિલ સોલ્ટે 16 બોલમાં 32 રનની ઇનિંગ રમી હતી. ચેન્નાઈ સુપર કિંગ્સ તરફથી નૂર અહેમદે સૌથી વધુ 3 વિકેટ લીધી. રોયલ ચેલેન્જર્સ બેંગ્લોરના 197 રનના જવાબમાં ચેન્નાઈ સુપર કિંગ્સ બેટિંગ કરવા ઉતરી અને 20 ઓવરમાં 8 વિકેટે માત્ર 146 રન જ બનાવી શકી. આ રીતે, રોયલ ચેલેન્જર્સ બેંગ્લોરે 50 રનથી મોટી જીત નોંધાવી.
આ પણ વાંચો: મ્યાનમારમાં ભયાનક તબાહી બાદ ભારત સરકારે 15 ટન રાહત સામગ્રી મોકલી
