વિશ્વનો સૌથી વધુ કમાણી કરનાર ખેલાડી બન્યો રોનાલ્ડો : એશિયાના આ ક્લબ સાથે થયા 1700 કરોડથી વધુના કરાર
પોર્ટુગલ ફૂટબોલ ટીમના કેપ્ટન ક્રિસ્ટિયાનો રોનાલ્ડોએ તાજેતરમાં સાઉદી અરેબિયન ક્લબ અલ નાસર સાથે અઢી વર્ષનો કરાર કર્યો છે. આ સાથે તે વિશ્વમાં સૌથી વધુ કમાણી કરનાર ખેલાડી બની ગયો છે. રોનાલ્ડો હવે યુરોપમાં રમ્યા બાદ હવે તે એશિયન ક્લબ માટે રમશે. રોનાલ્ડોનો તેની ભૂતપૂર્વ ક્લબ માન્ચેસ્ટર યુનાઈટેડ સાથેનો કરાર સમાપ્ત થયા પછી, તેના ભવિષ્ય વિશે ઘણી અટકળો ચાલી રહી હતી, જે રોનાલ્ડોએ હવે સમાપ્ત કરી દીધી છે.
આ પણ વાંચો :
200 મિલિયન યુરોથી વધુના કરાર કર્યા
37 વર્ષીય રોનાલ્ડોએ 2025 સુધી અલ નાસર સાથે જોડાણ કર્યું છે. તેણે 200 મિલિયન યુરો (રૂ. 1775 કરોડ)થી વધુના કરાર કર્યા છે. ફૂટબોલ ક્લબ અલ નસરે આ સોદાની વિગતો જાહેર કરી નોહતી, પરંતુ સમાચાર એજન્સી રોયટર્સ અનુસાર, રોનાલ્ડોએ “200 મિલિયન યુરો (US$214.04 મિલિયન)” કરતાં વધુ માટે કરાર કર્યો છે. રોનાલ્ડોના સમાવેશથી અલ નસરની ટીમ મજબૂત થશે. ક્લબે નવ સાઉદી પ્રો લીગ ટાઇટલ જીત્યા છે અને તેની નજર દસમી ટ્રોફી પર હશે. આ ક્લબ છેલ્લે 2019માં લીગની ચેમ્પિયન બની હતી. અલ નસરની ટીમ પણ હવે પ્રથમ વખત AFC ચેમ્પિયન્સ લીગ જીતવાની આશા રાખશે.
History in the making. This is a signing that will not only inspire our club to achieve even greater success but inspire our league, our nation and future generations, boys and girls to be the best version of themselves. Welcome @Cristiano to your new home @AlNassrFC pic.twitter.com/oan7nu8NWC
— AlNassr FC (@AlNassrFC_EN) December 30, 2022
હવે રોનાલ્ડો એશિયામાં જોવા મળશે
અલ નાસર સાથે કરાર કર્યા બાદ રોનાલ્ડોએ કહ્યું કે,’એશિયા જવાનો આ યોગ્ય સમય છે.’ વિશ્વના સર્વશ્રેષ્ઠ ગણાતા ઉપદેશક એશિયા જઈ રહ્યા છે. રોનાલ્ડોએ સંકેત આપ્યો હતો કે તે કતારમાં વર્લ્ડ કપમાં વહેલી બહાર થઈ ગયો હોવા છતાં તે પોર્ટુગલ માટે રમવાનું ચાલુ રાખશે. જોકે, 37 વર્ષીય રોનાલ્ડો આગામી વર્લ્ડ કપ સુધી પોર્ટુગલ તરફથી રમી શકશે નહીં. આ જ વર્લ્ડ કપમાં તેને નોકઆઉટ મેચ દરમિયાન ટીમની બહાર ખસેડવામાં આવ્યો હતો.
الرياضي الأعظـم عالميًا ????
يـوقع رسميًا لـ #العالمي ????#رونالدو_نصراوي pic.twitter.com/BBq469mAYh— نادي النصر السعودي (@AlNassrFC) December 30, 2022
રોનાલ્ડોએ અલ નાસરને કહ્યું, “યુરોપિયન ફૂટબોલમાં જીતવા માટે મેં જે કંઈ નક્કી કર્યું હતું તે બધું જીતવા માટે હું ભાગ્યશાળી છું અને હવે મને લાગે છે કે એશિયામાં મારો અનુભવ શેર કરવાનો આ યોગ્ય સમય છે.” હું તેની સાથે જોડાવા અને ક્લબને મદદ કરવા માટે આતુર છું. તેની સાથે મળીને સફળતા પ્રાપ્ત કરીશું.”
રોનાલ્ડો જીતાડ્યા છે આટલા ટાઈટલ
રોનાલ્ડોએ યુરોપિયન ફૂટબોલમાં મોટા ભાગના મોટા એવોર્ડ જીત્યા છે. તેણે માન્ચેસ્ટર યુનાઇટેડ સાથે ત્રણ પ્રીમિયર લીગ ટાઇટલ જીત્યા અને એફએ કપ સાથે ચેમ્પિયન્સ લીગ, ઓલ્ડ ટ્રેફોર્ડ ખાતે તેના પ્રથમ કાર્યકાળ દરમિયાન 2 લીગ કપ જીત્યાં છે. રોનાલ્ડોએ 2009-18થી સ્પેનિશ ક્લબ રિયલ મેડ્રિડમાં શાનદાર પ્રદર્શન કર્યું હતું, જ્યાં તેણે 2 લાલીગા ટાઇટલ, 2 સ્પેનિશ કપ, 4 ચેમ્પિયન્સ લીગ ટાઇટલ અને 3 ક્લબ વર્લ્ડ કપ જીત્યા હતા. તેણે રિયલ મેડ્રિડ માટે 451 ગોલ સાથે ક્લબ રેકોર્ડ બનાવ્યો અને તેણે ક્લબ અને દેશ માટે કુલ 800 થી વધુ ગોલ કર્યા છે. રોનાલ્ડોએ જુવેન્ટસમાં ત્રણ વર્ષમાં બે સેરી એ ટાઇટલ અને કોપા ઇટાલિયા ટ્રોફી પણ જીતી હતી.
