મુંબઈના રસ્તાઓ પર કાર ચલાવતો જોવા મળ્યો રોહિત શર્મા, નંબર પ્લેટમાં શું છે ખાસ?

મુંબઈ, 28 જુલાઇ:  ટીમ ઈન્ડિયાનો ODI અને ટેસ્ટ ટીમનો કેપ્ટન રોહિત શર્મા શ્રીલંકા પ્રવાસ પર રવાના થતા પહેલા મુંબઈની સડકો પર ફરતો જોવા મળ્યો હતો. રોહિત શર્મા T20 વર્લ્ડ કપનો ખિતાબ જીત્યા બાદ જ વિદેશ પ્રવાસે ગયો હતો. ભારત પરત આવ્યા બાદ તે પોતાના પરિવાર સાથે સમય વિતાવી રહ્યો છે. તે મુંબઈના રસ્તાઓ પર કાર ચલાવતા જોવા મળ્યો હતો. આ દરમિયાન તેની કારે બધાનું ધ્યાન ખેંચ્યું હતું.

ભારતીય કેપ્ટન પરિવાર સાથે ફરતો જોવા મળ્યો
કેપ્ટન રોહિત શર્મા તેની પત્ની રિતિકા સજદેહ અને પુત્રી સમાયરા સાથે મુંબઈમાં ફરતો જોવા મળ્યો હતો. રોહિત શર્મા T20 વર્લ્ડ કપ જીત્યા બાદથી ટીમ ઈન્ડિયામાંથી રજા પર છે. શ્રીલંકા પ્રવાસ પર વનડે ક્રિકેટ શ્રેણીમાંથી તેની વાપસી થશે. આ સીરીઝ પહેલા રોહિત શર્મા પોતાના પરિવાર સાથે સમય વિતાવતો જોવા મળે છે.

Rohit Sharma again forgot how many bags😂😂

Kitane bag the Rohit bhai 7 ya 8🤣 pic.twitter.com/HpnLOHFCEn

— 𝐑𝐮𝐬𝐡𝐢𝐢𝐢⁴⁵ (@rushiii_12) July 27, 2024

કારે બધાનું ધ્યાન ખેંચ્યું
રોહિત શર્મા પોતાની લક્ઝરી કારમાં મુંબઈની સડકો પર ફરતો જોવા મળ્યો હતો. મુંબઈના ફોટોગ્રાફર્સે રોહિત શર્માની કારને પોતાના કેમેરામાં કેદ કરી હતી. આ દરમિયાન રોહિત શર્માની કારના નંબરે સૌનું ધ્યાન ખેંચ્યું હતું. રોહિત શર્મા 00264 નંબરની કારમાં મુસાફરી કરી રહ્યો હતો. આ નંબર સાથે રોહિત શર્માનું ખાસ જોડાણ છે. રોહિત શર્માએ વનડેમાં સૌથી વધુ 264 રન બનાવ્યા છે. તેથી જ ચાહકોમાં ચર્ચા છે કે રોહિત શર્માએ આ અંકનો ખાસ નંબર લીધો છે.

T20 ક્રિકેટમાંથી નિવૃત્તિ લીધી
ટીમ ઈન્ડિયાને T20 વર્લ્ડ કપના ખિતાબ સુધી પહોંચાડનાર કેપ્ટન રોહિત શર્માએ ફાઈનલ મેચ બાદ ઈન્ટરનેશનલ ટી20 ક્રિકેટમાંથી સંન્યાસ લઈ લીધો હતો. નિવૃત્તિની ઘોષણા કરતી વખતે, રોહિત શર્માએ કહ્યું હતું કે તે અત્યારે આવો નિર્ણય લેવાનો નથી પરંતુ તેને લાગે છે કે આ ફોર્મેટને અલવિદા કહેવા માટે આનાથી સારો સમય હોઈ શકે નહીં. તેણે આ ફોર્મેટનો ઘણો આનંદ લીધો છે. તેણે પોતાની કારકિર્દીની શરૂઆત પણ આ ફોર્મેટથી કરી હતી. તે હંમેશા કપ જીત્યા પછી જ અલવિદા કહેવા માંગતો હતો.

Talk about aura even in driving Range Rover @ImRo45 🥵 pic.twitter.com/AyFsLSSilT

— Vishu45 (@Ro_45stan) July 26, 2024

શ્રીલંકામાં વનડે ટીમની કમાન સંભાળશે
ભારત અને શ્રીલંકા વચ્ચે 2 ઓગસ્ટથી શરૂ થનારી વનડે ક્રિકેટ શ્રેણીમાં રોહિત શર્મા ટીમ ઈન્ડિયાનું નેતૃત્વ કરશે. રોહિત શર્માએ ઈન્ટરનેશનલ ટી20 ક્રિકેટમાંથી નિવૃત્તિ લઈ લીધી છે પરંતુ તે વનડે અને ટેસ્ટ મેચ રમવાનું ચાલુ રાખશે. BCCI સેક્રેટરી જય શાહે રોહિત શર્માના નેતૃત્વમાં ICC ચેમ્પિયન્સ ટ્રોફી-2025 જીતવાનું લક્ષ્ય નક્કી કર્યું છે. તે જ સમયે, ટીમ ઈન્ડિયાના નવા મુખ્ય કોચ ગૌતમ ગંભીરે તેની પ્રથમ પ્રેસ કોન્ફરન્સમાં સ્પષ્ટ કર્યું કે જો રોહિત શર્મા તેની ફિટનેસ જાળવી રાખે છે તો તે 2027નો ODI વર્લ્ડ કપ પણ રમી શકે છે.

આ પણ વાંચો :નીતિ આયોગની બેઠકમાં 10 રાજ્યો અને UT હાજર ન રહ્યા