RodBezના સ્થાપક દિલખુશે યુટ્યુબ પરથી કોડિંગ શીખી બનાવી કરોડોની કંપની

• RodBezના દિલખુશે શાર્ક ટેન્કમાં હાજર તમામ શાર્કને પોતાના ચાહક બનાવી દીધા
• મેટ્રિક પાસ કર્યા પછી નોકરી માટે આપેલા ઈન્ટરવ્યુમાં ફેલ થતા સર્ટિફિકેટ બાળી નાખ્યા હતા !

નવી દિલ્હી, 28 જાન્યુઆરી: ભારતના લોકપ્રિય બિઝનેસ શો શાર્ક ટેન્ક ઈન્ડિયાની ત્રીજી સીઝનના ત્રીજા એપિસોડમાં બિહારના રહેવાસી દિલખુશ આવ્યા અને શોમાં હાજર તમામ શાર્કને પોતાના ચાહક બનાવી દીધા. દિલખુશે RodBez નામની કંપનીનો ફાઉન્ડર છે. જેણે મેટ્રિક પાસ કર્યા પછી નોકરી માટે ઈન્ટરવ્યુ આપ્યું અને તેમાં નાપાસ થયા બાદ તેણે તેના તમામ પ્રમાણપત્રો બાળી નાખ્યા. પરંતુ તેના મનમાં કંઈક અલગ કરવાનો વિચાર ચાલી રહ્યો હતો. ત્યારબાદ આ વ્યક્તિએ યુટ્યુબ પરથી કોડિંગ શીખી અને પોતાની કેબ સર્વિસ કંપની શરૂ કરી. હવે તેની કંપની રોડબેઝને શાર્ક ટેન્કના શાર્કસનો સપોર્ટ મળ્યો છે. એવું કહેવાય છે કે જો તમારામાં કંઈક અલગ કરવાનો જુસ્સો હોય અને નિશ્ચિત લક્ષ્ય હોય તો કંઈપણ કરવું મુશ્કેલ નથી. બિહારના રહેવાસી દિલખુશની પણ આવી જ કહાની છે.

 

Dilkhush ki clarity ne Sharks ka Dil-khush kar diya! 😆🤩💯

Stream new episodes of Shark Tank India Season 3, from Mon-Fri 10 PM, on Sony LIV.#SharkTankIndiaSeason3OnSonyLIV#SharkTankIndia #SharkTankIndiaOnSonyLIV pic.twitter.com/cIL0xDUfwH

— Shark Tank India (@sharktankindia) January 27, 2024

YouTube પરથી કોડિંગ શીખ્યું

ભારતના લોકપ્રિય બિઝનેસ શો શાર્ક ટેન્ક ઈન્ડિયા સીઝન 3ના ત્રીજા એપિસોડમાં બિહારનો રહેવાસી દિલખુશ આવ્યો અને શોમાં હાજર શાર્કને પોતાના ચાહક બનાવી દીધા. ખરેખર, દિલખુશ રોડબેઝ કંપની ચલાવે છે, જે કેબ સર્વિસ આપે છે. ખાસ વાત એ છે કે, મેટ્રિક્યુલેટેડ દિલખુશે આ કંપની શરૂ કરવા માટે કોઈ કોર્સ કે ટ્રેનિંગ નથી કરી, બલ્કે તેણે યુટ્યુબ પરથી કોડિંગ શીખીને આ કેબ સર્વિસ એપ બનાવી છે. શાર્ક ટેન્કના જજો તેના પરાક્રમથી પ્રભાવિત થયા અને તેની કંપનીમાં લાખો રૂપિયાનું રોકાણ કર્યું.

શાર્ક ટેન્કના જજોએ લાખો રૂપિયાનું કર્યું રોકાણ

શાર્ક ટેન્ક ઈન્ડિયા શોના જજ અમન ગુપ્તાએ આ કેબ સર્વિસ પ્લેટફોર્મની પ્રશંસા કરી અને દિલખુશને કહ્યું કે, તમે જે કામ બિલકુલ ફ્રી કર્યું છે, તે જ કામ કરવા માટે ઓલા અને ઉબેર જેવી કંપનીઓને કરોડો રૂપિયા ચૂકવવા પડ્યા છે. આ સમયગાળા દરમિયાન અન્ય જજ રિતેશ અગ્રવાલ અને નમિતા થાપરે તેમની કંપની રોડબેઝને 20 લાખ રૂપિયા આપ્યા છે અને 5 ટકાના વ્યાજે 30 લાખ રૂપિયાનું રોકાણ કર્યું છે. આ પછી દિલખુશની કંપની રોડબેઝની કિંમત પણ વધીને 4 કરોડ રૂપિયા થઈ ગઈ છે.

કંપનીની રચના પાછળની રસપ્રદ કહાની

કંપનીના નામ પાછળની રસપ્રદ કહાની વિશે વાત કરીએ તો દિલખુશના પિતા બિહાર રોડવેઝમાં કામ કરતા હતા અને તેનાથી પ્રેરિત થઈને તેમણે પોતાની કંપનીનું નામ RodBez રાખ્યું હતું. દિલખુશે મેટ્રિક પાસ કર્યા પછી એક કંપનીમાં નોકરી માટે ઈન્ટરવ્યુ આપ્યું, પરંતુ તે દરમિયાન તે એપલ કંપનીનો લોગો ઓળખી શક્યો નહીં અને તે નાપાસ થઈ ગયો. આ પછી તેણે પોતાનો વ્યવસાય શરૂ કરવાનું નક્કી કર્યું અને તમામ પ્રમાણપત્રો બાળી નાખ્યા પછી તેણે તેના પિતા પાસેથી ડ્રાઇવિંગ શીખ્યું. પછી તેણે એક કન્સ્ટ્રક્શન કંપનીમાં કામ કરીને થોડા પૈસા બચાવ્યા અને પોતાના સપના સાકાર કરવા તરફ આગળ વધ્યો.

RodBez કંપનીને 2022માં શરૂ કરવામાં આવી

દિલખુશે 2016માં સહરસામાં પોતાની પહેલી કંપની ખોલી અને તેણે બચાવેલા પૈસાનું રોકાણ કર્યું, ઘણા સોફ્ટવેર એન્જિનિયરોને નોકરીએ રાખ્યા, પરંતુ 2021માં તેણે આ કંપની છોડી દીધી કારણ કે તેના મનમાં કંઈક બીજું હતું. જુલાઈ 2022માં, તેણે બિહારની રાજધાની પટનાને દરેક ગામ અને શહેર સાથે જોડવા માટે રોડબેઝ નામની કેબ સેવા એપ્લિકેશન શરૂ કરી.

RodBez કેઝ્યુઅલ રીતે કામ કરતી નથી, પરંતુ આ એપમાં ડ્રાઈવર તેનો રૂટ અને મુસાફર તેનું ગંતવ્ય સ્થાન નાખે છે, એટલે કે જે દિશામાં ડ્રાઈવર જઈ રહ્યો છે તે જ દિશામાં પેસેન્જરે જવું પડે છે, પછી સવારી એક જગ્યાએ મીટિંગ દ્વારા પૂર્ણ થાય છે. આનો સૌથી મોટો ફાયદો એ છે કે પેસેન્જરને બંને બાજુથી ભાડું ચૂકવવું પડતું નથી અને ડ્રાઇવરને પણ એક બાજુથી ખાલી વાહન લાવવાની ચિંતા કરવાની જરૂર નથી.

કંપનીનો 200 ટેક્સીઓનું નેટવર્ક બનાવવાનો લક્ષ્યાંક

હાલમાં, રોડબેઝ પાસે 20 ટેક્સીઓ છે જેને દર મહિને 45,000 રૂપિયાની ગેરંટી આપવામાં આવે છે અને દિલખુશ ટેક્સીઓની સંખ્યા 20થી વધારીને 200 કરવાનું સપનું ધરાવે છે. આ કેબ એપની ખાસ વાત એ છે કે, કંપનીનો કર્મચારી પેસેન્જર સાથે ત્યાં સુધી સંપર્કમાં રહે છે જ્યાં સુધી તે તેની દ્વારા બુક કરાયેલી કેબ ન મેળવી લે. હવે શાર્ક ટેન્ક ઈન્ડિયાના જજો દ્વારા તેમના કાર્યની પ્રશંસા કરવામાં આવી છે અને વ્યવસાયના વિસ્તરણ માટે નાણાકીય મદદ પણ કરી છે.

આ પણ જુઓ: CM નીતિશ કુમારનું રાજીનામું, NDA બેઠકમાં હાજરી આપી સમર્થન મેળવશે