ટનલમાંથી નીકળેલા કામદારો સ્વસ્થ હોવાનો ઋષિકેશ AIIMS નો રિપોર્ટ

• 41 કામદારોની AIIMS ઋષિકેશ ખાતે આરોગ્ય તપાસ કરવામાં આવી રહી છે
• આજે તેમને ઘરે પાછા મોકલી શકાય છે
• તમામ કામદારોની હાલત સામાન્ય છે અને તેમની પ્રાથમિક તપાસ કરવામાં આવી છે.

ઋષિકેશ 30 નવેમ્બર: ઉત્તરાખંડની સિલ્ક્યારા ટનલમાંથી બહાર કાઢવામાં આવેલા 41 કામદારોની AIIMS ઋષિકેશ ખાતે આરોગ્ય તપાસ કરવામાં આવી રહી છે અને આજે તેમને ઘરે પાછા મોકલી શકાય છે. હોસ્પિટલે જણાવ્યું છે કે, તમામ કામદારોની હાલત સામાન્ય છે અને તેમની પ્રાથમિક તપાસ કરવામાં આવી છે.

AIIMS-ઋષિકેશના એક્ઝિક્યુટિવ ડિરેક્ટર અને CEO પ્રોફેસર મીનુ સિંહે કહ્યું હતુ કે, કામદારો એકદમ નોર્મલ છે, હું તેમને પેશન્ટ પણ નહીં કહું. તેઓ એકદમ સામાન્ય અનુભવી રહ્યા છે અને સામાન્ય વર્તન કરી રહ્યા છે. તેમનું બીપી, ઓક્સિજન બધું જ સામાન્ય છે. અમે તેમના ઇલેક્ટ્રોલાઇટ્સ અને અન્ય રક્ત પરિમાણો જોવા માટે હમણાં જ કેટલાક પરીક્ષણો કર્યા છે. તેનો રિપોર્ટ ટૂંક સમયમાં આવશે અને અમે તેમના હૃદય પર કોઈ અસર થાય છે કે કેમ તે જોવા માટે ઇસીજી પણ કરીશું.

ડૉ. સિંહે કહ્યું હતું કે, આ ખૂબ જ પ્રાથમિક તપાસ છે, જે અમારે કરવાની છે. અમે મૂળભૂત મનોવૈજ્ઞાનિક મૂલ્યાંકન પણ કરીશું જેથી અમે જાણી શકીએ કે શું આ ઘટના તેમના પર લાંબા ગાળાની અસર કરી શકે છે કે કેમ. આ સાથે તેમણે કહ્યું કે તેઓ બીમાર નથી અને તેમને ઘરે મોકલવા અંગે આજે નિર્ણય લેવામાં આવશે.

તમને જણાવી દઈએ કે, કેન્દ્ર અને રાજ્ય સરકારોની અનેક એજન્સીઓ દ્વારા હાથ ધરવામાં આવેલા લગભગ 17 દિવસના બચાવ અભિયાન બાદ મંગળવારે સુરંગમાંથી 41 કામદારોને બચાવી લેવામાં આવ્યા હતા. તેને નજીકના આરોગ્ય કેન્દ્રમાં થોડો સમય રાખ્યા બાદ વધુ તપાસ માટે તેને ઋષિકેશ AIIMS લાવવામાં આવ્યા હતા.

આ પણ વાંચો, સુરતમાં એથેર કંપનીમાં આગ લાગતા લાપતા 7 કામદારોના હાડપિંજર મળ્યાં