ભાજપ-શિવસેના સાથે અણબનાવ? જૂઓ બેઠકમાં વચ્ચેથી નીકળવા અંગે અજિત પવારે શું કહ્યું

મુંબઈ, 12 ઓક્ટોબર : મહારાષ્ટ્રમાં સત્તાધારી ગઠબંધનના ઘટક પક્ષો વચ્ચે ચાલી રહેલી અણબનાવની અટકળોને નાયબ મુખ્ય પ્રધાન અજિત પવારે ફગાવી દીધી છે. તેમણે શુક્રવારે કહ્યું કે તેઓ લાતુરમાં ખેડૂતોના કાર્યક્રમમાં હાજરી આપવા ગુરુવારે કેબિનેટની બેઠકમાંથી વહેલા નીકળી ગયા હતા. તેમણે કહ્યું કે તેમની અને સીએમ એકનાથ શિંદે અથવા મહાયુતિમાં કોઈની વચ્ચે કોઈ અણબનાવ નથી.

દરમિયાન, વિપક્ષ મહા વિકાસ આઘાડીએ આ મુદ્દે રાજ્ય સરકારને આડે હાથ લીધી હતી. કોંગ્રેસના વિપક્ષી નેતા વિજય વડેટ્ટીવારે કહ્યું કે અજિત પવારને સાઇડલાઇન કરવાનો પ્રયાસ કરવામાં આવી રહ્યો છે. ગુરુવારે, એવું કહેવામાં આવ્યું હતું કે અજિત પવાર કેબિનેટની બેઠક વહેલી છોડીને ગયા હતા અને 38 નિર્ણયો પાછળથી લેવામાં આવ્યા હતા. ત્યાં હાજર વરિષ્ઠ અધિકારીઓએ કહ્યું કે જ્યારે મોટા નાણાકીય નિર્ણયો લેવામાં આવ્યા હતા, ત્યારે નાણાં વિભાગનો હવાલો સંભાળતા અજિત પવાર ગાયબ હતા.

અજિત પવારે કહ્યું, કેબિનેટની બેઠક મોડી શરૂ થઈ અને મારે અગાઉ નક્કી કરેલી બેઠક માટે રવાના થવું પડ્યું. કેબિનેટની બેઠક સવારે 11 વાગ્યે શરૂ થવાની હતી, પરંતુ તે મોડી શરૂ થઈ. તેમને નાંદેડ પહોંચવા માટે ફ્લાઈટ લેવી પડી અને પછી ખેડૂતોની બેઠકમાં હાજરી આપવા માટે હેલિકોપ્ટર દ્વારા અહેમદપુર જવાનું હતું તેથી તેમણે સીએમ એકનાથ શિંદે અને ડીસીએમ ફડણવીસને જાણ કરી અને પછી ત્યાંથી ચાલ્યા ગયા હતા.

દરમિયાન ફરી વડેટ્ટીવારે કહ્યું, એ વાત પ્રકાશમાં આવી રહી છે કે કેબિનેટ બેઠકોમાં હંમેશા વિવાદો થાય છે, પરંતુ આ વિવાદ રાજ્યના હિત માટે નથી. આ વિવાદ સ્વાર્થ માટે છે. તિજોરીમાં પૈસા ન હોવા છતાં. 80 નિર્ણયો તાજેતરમાં લેવામાં આવ્યા હતા જેથી અજિત પવારે કેબિનેટની બેઠકમાંથી બહાર નીકળવાનો નિર્ણય લીધો હતો.

આ પણ વાંચો :- અમદાવાદમાં AMC મળેલ નળ, ગટર, રસ્તાની ફરિયાદનો આંકડો જાણી દંગ રહેશો