દિલ્હી દારૂ કૌભાંડ કેસમાં CM કેજરીવાલને મોટી રાહત, રાઉઝ એવન્યુ કોર્ટે આપ્યા જામીન
નવી દિલ્હી, 15 માર્ચ: દિલ્હીની રાઉઝ એવન્યુ કોર્ટમાંથી સીએમ અરવિંદ કેજરીવાલને ફટકાર્યા બાદ આજે મુખ્યમંત્રી કોર્ટમાં હાજર થયા હતા. કેજરીવાલને 15,000 રૂપિયાના બૉન્ડ પર કોર્ટમાંથી જામીન મળ્યા છે. વાસ્તવમાં દારૂની નીતિમાં કથિત કૌભાંડ સાથે સંબંધિત મની લોન્ડરિંગ કેસમાં EDએ કોર્ટનો સંપર્ક કર્યો હતો જ્યારે તેઓ વારંવારના સમન્સ પછી પણ એજન્સી સમક્ષ હાજર થયા ન હતા. કોર્ટમાં હાજર થયા બાદ શનિવારે સીએમને જામીન મળી ગયા છે. અરવિંદ કેજરીવાલ તરફથી બે વકીલ રમેશ ગુપ્તા અને રાજીવ મોહન હાજર થયા હતા.
Rouse Avenue Court’s ACMM Divya Malhotra grants bail to Delhi CM Arvind Kejriwal in both complaints filed by ED. https://t.co/LNXy0Uig0G
— ANI (@ANI) March 16, 2024
સુનાવણીના પગલે સુરક્ષા વ્યવસ્થા વધારાઈ
અરવિંદ કેજરીવાલની હાજરીને ધ્યાનમાં રાખીને કોર્ટ પરિસરની સુરક્ષા વ્યવસ્થા વધારી દેવામાં આવી હતી. દિલ્હી ટ્રાફિક પોલીસે કોર્ટની આસપાસના ઘણા માર્ગો ડાયવર્ટ કર્યા હતા. આ સાથે ટ્રાફિક પોલીસે તે માર્ગો પર આવતા લોકોને સમયસર પહોંચવાની સલાહ આપી હતી. મહત્ત્વનું છે કે, EDએ CMને 8 સમન્સ જારી કર્યા હતા, ત્યારબાદ પણ કેજરીવાલ હાજર થયા ન હતા.
EDએ ગુરુવારે કોર્ટમાં જારી કરાયેલા સમન્સ સામે અરવિંદ કેજરીવાલની અરજીનો વિરોધ કરતા કહ્યું કે દિલ્હીના મુખ્યમંત્રીએ ખુદ કોર્ટને ખાતરી આપી છે કે તેઓ 16 માર્ચે હાજર થશે. ED દ્વારા દાખલ કરવામાં આવેલી બે અલગ-અલગ ફરિયાદો વિરુદ્ધ કેજરીવાલની અરજીની સુનાવણી રાઉઝ એવન્યુ કોર્ટમાં થઈ હતી. EDએ આરોપ લગાવ્યો છે કે દિલ્હી એક્સાઈઝ પોલિસી કેસમાં અનેક સમન્સ છતાં તેઓ તપાસ એજન્સી સમક્ષ હાજર નથી થઈ રહ્યા. કેજરીવાલના વકીલની દલીલોનો જવાબ આપતા કહ્યું કે કોર્ટ સમક્ષ ફરિયાદ સંબંધિત સરકારી કર્મચારી દ્વારા દાખલ કરવામાં આવી નથી અને તે ગેરકાયદેસર છે.
આ પણ વાંચો: કેજરીવાલની મુસીબત વધી: ED સમક્ષ હાજર ન થતાં આજે થઈ શકે છે ધરપકડ
