રિલાયન્સ એડવાન્સ્ડ AI માટે NVIDIA સાથે કરી ભાગીદારી, હવામાનની માહિતી AI દ્વારા…

• રિલાયન્સ ઇન્ડસ્ટ્રીઝ અને NVIDIA વચ્ચે એડવાન્સ આર્ટિફિશિયલ ઇન્ટેલિજન્સ અંગે મોટા કરાર પર હસ્તાક્ષર કરવામાં આવ્યા છે. ખેડૂતોથી લઈને સામાન્ય લોકો સુધી આ કરારથી લોકોને ઘણો ફાયદો થશે.

રિલાયન્સ ઇન્ડસ્ટ્રીઝ અને NVIDIA વચ્ચે એડવાન્સ આર્ટિફિશિયલ ઇન્ટેલિજન્સ વિકસાવવા માટે કરાર કરવામાં આવ્યો છે. આ ભાગીદારીમાં બંને કંપનીઓ સંયુક્ત રીતે ફાઉન્ડેશન લાર્જ લેંગ્વેજ મોડલ વિકસાવશે, જેનો ઉપયોગ જનરેટિવ AI એપ્લિકેશન બનાવવા માટે કરવામાં આવશે.

• તમને જણાવી દઈએ કે NVIDIA દુનિયાની સૌથી મોટી ચિપ મેન્યુફેક્ચરિંગ કંપની છે. આવી સ્થિતિમાં રિલાયન્સ અને NVIDIA વચ્ચેના આ કરારે સૌનું ધ્યાન ખેંચ્યું છે.

રિલાયન્સ અને NVIDIA વચ્ચેના આ કરાર પછી, બંને કંપનીઓ ભારતના સૌથી ઝડપી સુપર કોમ્પ્યુટર કરતાં વધુ શક્તિશાળી AI ઈન્ફ્રાસ્ટ્રક્ચરનું નિર્માણ કરશે. આ માટે NVIDIA સૌથી અદ્યતન NVIDIA® GH 200 Grace Hopper સુપર ચિપ અને NVIDIA DGX™ Cloud, ક્લાઉડમાં AI સુપરકમ્પ્યુટિંગ સેવાની ઍક્સેસ પ્રદાન કરશે. અમે તમને જણાવી દઈએ કે GH 200 કમ્પ્યુટિંગ આર્કિટેક્ચરમાં મૂળભૂત પરિવર્તન દર્શાવે છે, જે અસાધારણ પ્રદર્શન અને વિશાળ મેમરી બેન્ડવિડ્થ પ્રદાન કરે છે.

રિલાયન્સ જિયોને શું કરશે?

NVIDIA દ્વારા બનાવવામાં આવનાર AI ઈન્ફ્રાસ્ટ્રક્ચર રિલાયન્સ જિયો ઈન્ફોકોમ માટે AI માટે પાયો નાખશે, જે રિલાયન્સ ઈન્ડસ્ટ્રીઝની ટેલિકોમ શાખા છે. વિશ્વભરમાં AIના આગમન સાથે, લોકોના રોજિંદા જીવનમાં મોટો ફેરફાર થયો છે. આવી સ્થિતિમાં Reliance Jio સમગ્ર ભારતમાં AIના વિસ્તરણ માટે તેના 450 મિલિયન Jio વપરાશકર્તાઓ માટે AI એપ્લિકેશન તૈયાર કરશે.

ખેડૂતોને AI થી તેમની ભાષામાં હવામાનની માહિતી મળશે

AI ગ્રામીણ ખેડૂતોને ખેડૂતોની સ્થાનિક ભાષામાં સેલ ફોન દ્વારા વાતચીત કરીને હવામાનની માહિતી અને પાકની કિંમતો જાણવામાં મદદ કરશે. આ ઉપરાંત જ્યાં તબીબો તાત્કાલિક ઉપલબ્ધ ન હોય ત્યાં AI રોગના લક્ષણો અને ઇમેજિંગને સ્કેન કરીને સારવારમાં મદદ કરશે. AIની મદદથી વાયુમંડળના ડેટાનો ઉપયોગ કરીને ચક્રવાત અને તોફાનો વિશે સચોટ માહિતી ઉપલબ્ધ થશે.

આ પણ વાંચો: ફોર્ચ્યુન 500ની યાદી: મુકેશ અંબાણીની નેટવર્થમાં મોટો ઉછાળો, ગૌતમ અદાણીની સંપત્તિમાં 49 ટકાનો ઘટાડો