રેખાએ રિચા ચઢ્ઢાના બેબી બમ્પને કિસ કરી આપ્યા આશીર્વાદ, ‘હીરામંડી’ના સ્ક્રિનિંગ પર ઈમોશનલ દ્રશ્ય
- ‘હીરામંડી’ના સ્ક્રીનિંગ પરથી દિગ્ગજ અભિનેત્રી રેખા અને ગર્ભવતી રિચા ચઢ્ઢાનો એક વીડિયો સામે આવ્યો છે, જેમાં તેઓ એકબીજા સાથે વાત કરતા જોવા મળે છે. એટલું જ નહીં, થોડા સમય પછી રેખાએ રિચા ચઢ્ઢાના બેબી બમ્પને કિસ કરી હતી
26 એપ્રિલ, મુંબઈઃ રિચા ચઢ્ઢા ગયા વર્ષે લગ્નના બંધનમાં બંધાઈ હતી. હવે તે આ વર્ષે પોતાના પહેલા બાળકને જન્મ આપવા જઈ રહી છે. રિચા ચઢ્ઢા 1 મેના રોજ OTT પર રિલીઝ થનારી સંજય લીલા ભણસાલીની વેબ સીરીઝ ‘હીરામંડી’માં જોવા મળશે . તાજેતરમાં જ સ્ટાર્સ માટે ‘હીરામંડી’ના સ્પેશિયલ સ્ક્રીનિંગનું આયોજન કરવામાં આવ્યું હતું, જેનો વીડિયો અને તસવીરો સોશિયલ મીડિયા પર વાયરલ થઈ રહી છે. આ દરમિયાન, ‘હીરામંડી’ના સ્ક્રીનિંગ પરથી દિગ્ગજ અભિનેત્રી રેખા અને ગર્ભવતી રિચા ચઢ્ઢાનો એક વીડિયો સામે આવ્યો છે, જેમાં તેઓ એકબીજા સાથે વાત કરતા જોવા મળે છે. એટલું જ નહીં, થોડા સમય પછી રેખાએ રિચા ચઢ્ઢાના બેબી બમ્પને કિસ કરી હતી.
રેખાએ રિચા ચઢ્ઢાના બેબી બમ્પને કિસ કરી
રિચા ચઢ્ઢા અને રેખાનો હાથ પકડીને વાત કરતો એક સુંદર વીડિયો સામે આવ્યો છે, જેમાં રેખા તેના બેબી બમ્પને કિસ કરીને રિચા ચઢ્ઢાને આશીર્વાદ આપતી જોવા મળે છે. સંજય લીલા ભણસાલીની મોસ્ટ અવેઈટેડ વેબ સીરીઝ ‘હીરામંડી’ના સ્ક્રીનિંગમાં બી-ટાઉનના ઘણા સ્ટાર્સે હાજરી આપી હતી. આ સ્ક્રીનિંગની તસવીરો અને વીડિયો હવે સોશિયલ મીડિયા પર ઝડપથી વાયરલ થઈ રહ્યા છે. સીરીઝની સ્ટાર કાસ્ટ સિવાય રેખા અને રિચા ચઢ્ઢાના વીડિયો ખૂબ વાયરલ થયો છે. એટલું જ નહીં, કોમેન્ટ બોક્સમાં લોકોના મજેદાર રિએક્શન્સ પણ જોવા મળ્યા છે.
View this post on Instagram
‘હીરામંડી’ના સ્ક્રીનિંગ વખતે રિચા ચઢ્ઢા થઈ ઈમોશનલ
રેખા અને રિચા ચઢ્ઢાનો આ વીડિયો લોકોને ખૂબ પસંદ આવી રહ્યો છે. વીડિયોમાં રેખા અભિનેત્રીના વખાણ કરતી અને તેને હગ કરતી જોવા મળે છે. પીઢ અભિનેત્રીએ રિચાના બેબી બમ્પને કિસ કરીને નવા અંદાજમાં આશીર્વાદ આપ્યા અને તેના બાળકની નજર પણ ઉતારી. આ બધું જોઈને રિચા ભાવુક થઈ જાય છે.
‘હીરામંડી’માં જોવા મળશે આ સ્ટાર
‘હીરામંડી’ સીરીઝની સ્ટાર કાસ્ટની વાત કરીએ તો તેમાં રિચા ચઢ્ઢા, અદિતિ રાવ હૈદરી, સોનાક્ષી સિંહા, મનીષા કોઈરાલા, સંજીદા શેખ અને શર્મિન સહગલ જોવા મળશે. સંજય લીલા ભણસાલીની ડેબ્યૂ વેબ સીરીઝમાં શેખર સુમન અને ફરદીન ખાન પણ જોવા મળશે.
આ પણ વાંચોઃ અમેરિકામાં ચિમ્પાઝીઓ માણસ ઉપર હાવી થઈ રહ્યા છે! જાણો શું છે સમગ્ર મામલો
