ઉત્તરાખંડની ચાર ધામ યાત્રા 2023 માટે સરકાર તરફથી નોંધણી શરૂ થઈ ગઈ છે. 2014માં કેદારનાથમાં આવેલા પૂર બાદ ઉત્તરાખંડ સરકારે આ યાત્રા માટે આવતા યાત્રિકો માટે ફોટોમેટ્રિક અને બાયોમેટ્રિક રજિસ્ટ્રેશન ફરજિયાત બનાવ્યું હતું. રજીસ્ટ્રેશન પ્રક્રિયા પૂર્ણ થયા બાદ ભક્તોને ફોટોમેટ્રિક-બાયોમેટ્રિક કાર્ડ પણ આપવામાં આવે છે. મંગળવારે ચારધામ યાત્રાની તૈયારીઓને ધ્યાનમાં રાખીને ઉત્તરાખંડના સીએમ પુષ્કર સિંહ ધામીએ પણ રાજ્યના વરિષ્ઠ અધિકારીઓ સાથે બેઠક કરી હતી. તેમને ચોક્કસ સૂચનાઓ આપવામાં આવી છે.
Uttarakhand CM Pushkar Singh Dhami holds a review meeting with senior officers in connection with the preparations for the Chardham Yatra at the State Secretariat, in Dehradun. pic.twitter.com/jCdgCzFY7Z
— ANI UP/Uttarakhand (@ANINewsUP) February 21, 2023
એક મીડિયા રિપોર્ટ અનુસાર ચાર ધામ યાત્રા માટે ઓનલાઈન અને ઓફલાઈન બંને રીતે રજીસ્ટ્રેશન શરૂ કરવામાં આવ્યું છે. ઑનલાઇન મોડમાં ભક્તો સત્તાવાર વેબસાઇટ www.registrationandtouristcare.uk.gov.in પર જઈ કરી શકે છે. જ્યારે ઓફલાઈન રજીસ્ટ્રેશન માટે યાત્રાના રૂટમાં અનેક રજીસ્ટ્રેશન કાઉન્ટર ઉભા કરવામાં આવ્યા છે. અધિકારીઓ તરફથી કહેવામાં આવ્યું છે કે ચારધામ યાત્રાના રજીસ્ટ્રેશન માટે શ્રદ્ધાળુઓએ કોઈ ફી ચૂકવવાની રહેશે નહીં. તમે સત્તાવાર વેબસાઇટ અથવા નોંધણી કાઉન્ટર પર મફતમાં નોંધણી કરાવી શકો છો. તમને જણાવી દઈએ કે દર વર્ષે ચાર ધામ યાત્રા એપ્રિલ-મેમાં શરૂ થાય છે અને ઓક્ટોબર-નવેમ્બર સુધી ચાલે છે.
આ પણ વાંચો : હૈદરાબાદ : રખડતા કૂતરાઓના ટોળાએ 4 વર્ષના છોકરા પર હુમલો કરતાં મોત
ચાર ધામ યાત્રાના રજીસ્ટ્રેશન માટે, એક ઓળખ કાર્ડ (જેમ કે આધાર કાર્ડ, મતદાર ઓળખ કાર્ડ, પાન નંબર, ડ્રાઇવિંગ લાઇસન્સ અથવા પાસપોર્ટ) આપવાનું રહેશે. આ પછી પેસેન્જરને રજિસ્ટ્રેશન કાર્ડ આપવામાં આવશે. આ કાર્ડની મદદથી તીર્થયાત્રીઓ ભોજન અને રહેઠાણ જેવી ઘણી વિશેષ સુવિધાઓ પણ મેળવી શકે છે.
