Redmi K70, Redmi K70 Pro સ્માર્ટફોન 120W ફાસ્ટ ચાર્જિંગ સાથે લોન્ચ
Xiaomiએ તેની K સીરીઝમાં બે નવા સ્માર્ટફોન ઉમેર્યા છે, કંપનીએ ચીનમાં આયોજિત એક ઈવેન્ટમાં Redmi K70 અને Redmi K70 Pro ફોન લોન્ચ કર્યા છે. આ બંને ફોનમાં કંપનીએ AMOLED ડિસ્પ્લે અને સ્નેપડ્રેગન ચિપસેટ આપ્યા છે.
જ્યાં Xiaomiએ ભારતીય ચલણ અનુસાર 3299 Yuan અથવા રૂ. 39,435 માં Redmi K70 Pro લોન્ચ કર્યો છે. જ્યારે Redmi K70ને 2499 યુઆન અથવા 29865 રૂપિયામાં રજૂ કરવામાં આવ્યો છે. આ બંને ફોનનું વેચાણ ચીનમાં 1 ડિસેમ્બરથી શરૂ થશે. Xiaomiએ હજુ સુધી સ્પષ્ટ કર્યું નથી કે આ બંને ફોન ભારતમાં ક્યારે લોન્ચ થશે.
Redmi K70, K70 Proની સ્પેસિફિકેશન્સ
Redmi K70 અને Redmi K70 Pro ફોનમાં 1440×3200 પિક્સલના રિઝોલ્યુશન સાથે 6.67 ઇંચની AMOLED ડિસ્પ્લે છે અને Redmi K70 Pro ફોનમાં Snapdragon 8 Gen 3 ચિપસેટ છે. જ્યારે Xiaomi એ Redmi K70 માં Snapdragon 8 Gen 2 ચિપસેટ આપ્યો છે. તમને જણાવી દઈએ કે આ બંને ફોન Xiaomi HyperOS પર ચાલશે અને સેલ્ફી માટે 16MP કેમેરા હશે. સાથે જ સુરક્ષા માટે ફોનના ડિસ્પ્લેમાં ફિંગરપ્રિન્ટ સેન્સર આપવામાં આવ્યું છે.
US કંપની AMD એ બેંગ્લોરમાં શરૂ કર્યું સૌથી મોટું વૈશ્વિક ડિઝાઇન સેન્ટર, 3 હજાર નોકરીઓ આપશે
Xiaomi એ Redmi K70 Pro ફોનને 24GB RAM અને 1TB ઇન્ટરનલ સ્ટોરેજ અને 16GB RAM અને 1TB સ્ટોરેજના વિકલ્પમાં રજૂ કર્યો છે. આ ફોનમાં 50MP પ્રાઇમરી કેમેરા, 12MP અલ્ટ્રા વાઇડ એંગલ લેન્સ અને 50MP ટેલિફોટો લેન્સ છે. જ્યારે Redmi K70માં 50MP સેન્સર, 8MP અલ્ટ્રા-વાઇડ કેમેરા અને 2MP મેક્રો શૂટર છે. આ બંને ફોન 5000mAh બેટરી અને 120W ફાસ્ટ ચાર્જર સાથે આવે છે.
